| e-texts navigator |
| Wylie |
100b1 གཉིས་དང་། རྐང་བཞི་དང་། རྐང་མང་དང་སེམས་ཅན་ཐམས་ཅད་ཀྱི་མཆོག་ལ་འདི་ལྟ་སྟེ། གྲགས་འཛིན་མ་དང་། གྲགས་སྦྱིན་མ་དང་། སྐྱེ་དགུའི་བདག་མོ་ཆེན་མོ་དང་། ལེགས་སྐྱེས་མ་དང་། དགའ་མ་དང་། སྦོམ་དགའ་མོ་དང་། མཛེས་དགའ་མོ་དང་། སྒོམ་པ་མོ་དང་། མཛེས་མ
100b2 དང་། མཐའ་ཡས་མ་དང་། ས་ག་མ་དང་། བསམ་པ་མ་དང་། རྒྱལ་ལྡན་མ་དང་། གཙུག་ཕུད་མ་དང་། ཉེ་བའི་གཙུག་ཕུད་མ་དང་། ལྷ་མོ་མ་དང་། ལེགས་ལྷ་མོ་དང་། གནས་མ་དང་། དཔལ་མོ་དང་། རབ་མཆོག་མ་དང་། རབ་དགའ་མ་དང་། སྨྲ་དགའ་མ་དང་། སྣར་མ་མ
100b3 དང་། ཡུལ་འཁོར་སྲུང་བ་མ་དང་། བདག་པོ་མ་དང་། ཕུན་སུམ་ཚོགས་མ་དང་། ལུས་ཅན་མ་དང་། དད་མ་དང་། དགའ་མ་དང་། རལ་པ་མ་དང་། ཉེ་བའི་རལ་པ་མ་དང་། ཀུན་ནས་རལ་པ་མ་དང་། དོན་འབྱུང་མ་དང་། འོད་མ་དང་། ཡིད་མགྱོགས་མ་དང་། སྐྲག་ལྡན་མ་དང་།
100b4 ཁྱབ་འཇུག་འཛིན་མ་དང་། ཁྱབ་འཇུག་དགའ་མ་དང་། ཡིད་བཟང་མ་དང་། ཡིད་མང་མ་དང་། དཔལ་ལྡན་མ་དང་། ཉམ་ཐག་སྡུག་བསྔལ་མ་དང་། ལས་སྦྱིན་མ་དང་། ལས་འབྲས་མ་དང་། རྣམ་རྒྱལ་ལྡན་མ་དང་། ནོར་བདག་མ་དང་། ནོར་སྦྱིན་མ་དང་། ཆོས་སྦྱིན་མ་དང་། རྩེད་མོ་སྦྱིན
100b5 མ་དང་། འདུད་མ་དང་། ལེགས་འདུད་མ་དང་། སྙན་ལྡན་མ་དང་། ཡིད་ལྡན་མ་དང་། རབ་བཞད་མ་དང་། སྲིད་གསུམ་མཐར་བྱེད་མ་དང་། དྲི་མ་གསུམ་མཐར་བྱེད་མ་དང་། སྡུག་བསྔལ་སྟོན་པར་བྱེད་མ་དང་། ཡིད་འབྱུང་མ་དང་། ཁ་དོག་གསུམ་མ་དང་། པདྨའི་ཁ་དོག་མ་དང་།
100b6 པདྨ་ལྡན་མ་དང་། པདྨའི་འོད་མ་དང་། དཀའ་ཟློག་རྐང་སྤྱོད་ལྡན་མ་དང་། འདབ་གསུམ་མ་དང་། འདབ་བདུན་མ་དང་། ཨུཏྤ་ལའི་འདབ་མ་དང་། དེ་དག་དང་གཞན་ཡང་གནས་བརྟན་མ་ཆེན་མོ་ཉན་ཐོས་ཆེན་མོ་དག་བཅོམ་ལྡན་འདས་ཀྱི་ཞབས་ལ་ཕྱག་འཚལ་བའི་ཕྱིར་ཉེ་བར་ལྷགས་པར
100b7 གྱུར་ཏོ། །འཁོར་གྱི་དཀྱིལ་འཁོར་ཆེན་པོ་དེ་དག་བྱང་ཆུབ་སེམས་དཔའ་སེམས་དཔའ་ཆེན་པོའི་རྣམ་པར་འཕྲུལ་པ་མཐོང་བར་འདོད་ནས་འདུས་ཤིང་འཁོད་པར་གྱུར་ཏེ། ཆོས་མཉན་པའི་ཕྱིར་དང་སྔགས་ཀྱི་སྤྱོད་པ་སྒྲུབ་པ་གསལ་བར་འདོད་པར་གྱུར་ཏོ། །དེ་ནས་བཅོམ་ལྡན་འདས་ཤཱཀྱ
iiif viewer powered by OpenSeadragon
