| e-texts navigator |
| Wylie |
100a1 རྟེན་སྦས་དང་། བླ་མ་སྦས་དང་། ལྷུར་བྱེད་དང་སྐར་མ་ལ་དགའ་བ་དང་། ཞི་བྱེད་དང་། བྱི་བ་དང་། ཉེ་བའི་བྱི་བ་དང་། སེ་གོལ་ཉི་ཤུ་པ་དང་། མགོན་མེད་སྦྱིན་དང་། ཉེ་བར་གནས་དང་། ལྡོག་པར་གནས་དང་། སྨྱོ་བྱེད་དང་། འོད་ལྡན་དང་། ཀུན་ཏུ་ཡོད་དང་། མེ་ཏོག
100a2 ཀ་དམ་ལི་དང་། ལེགས་པར་རབ་སད་དང་། ཉེ་བར་འོངས་དང་། འཇིག་རྟེན་འོངས་དང་། སྡུག་བསྔལ་མཐར་བྱེད་དང་། སྐལ་བཟང་ཡོད་དང་། སྐལ་བཟང་ཡོད་ཆེན་པོ་དང་། དོན་སྤྱོད་དང་། མེས་པོ་དང་། འགྲོ་ཡོད་དང་། རྒྱལ་སྐྱོང་དང་། རྒྱལ་དང་ཡུལ་ཀ་ཤི་ཅན་དང་། ཉེ་བའི
100a3 ཀ་ཤི་ཅན་དང་། སྨན་ཆེན་པོ་ཅན་དང་། གཟི་བརྗིད་ཆེན་པོ་ཅན་དང་། གཟི་བརྗིད་ཆེན་པོ་དང་། ལྷ་མཚམས་དང་། སྒྲུབ་བྱེད་དང་། ཚོགས་ཅན་དང་། ཚངས་པ་བཟང་པོ་དང་། དགེ་བཟང་དང་། འཇིག་རྟེན་བཟང་པོ་དང་། མཉམ་པ་དང་། མཉམ་བཅས་དང་། དེ་དག་དང་གཞན་ཡང་ཆོས་ཀྱི་དབྱིངས་མཐའ་ཡས
100a4 པ། རྣམ་པར་གྲོལ་བའི་རོའི་རོ་མྱོང་བ། ཐེག་པ་གསུམ་ལས་ངེས་པར་འབྱུང་བ་ལས་ཐེག་པ་ཆུང་ངུའི་ལམ་ཐོབ་པ། འཁོར་བ་ལས་འཇིགས་པ་དག་དང་། རྣམ་པར་ཐར་པའི་སྒོ་གསུམ་གྱིས་བསམ་གཏན་ལ་བསམ་གཏན་པ་དང་སྤྱོད་ལམ་བཞིར་ཚངས་པའི་གནས་བཞི་ལ་གནས་པ་དང་ལྡན
100a5 ཞིང་ལེགས་པར་མཉམ་པར་བཞག་པ། ལེགས་པར་བསྙེན་པར་རྫོགས་པ་ཐེག་པ་ཆུང་ངུའི་མྱ་ངན་ལས་འདས་པའི་དབྱིངས་ལ་ཞུགས་ཤིང་ངེས་པར་འབྱུང་བ། མཉམ་པ་ཉིད་སྤྲོས་པ་མེད་པ་དེ་དག་དང་ཡང་འཁོར་གྱི་དཀྱིལ་འཁོར་དེར་བཅོམ་ལྡན་འདས་ཤཱཀྱ་ཐུབ་པ། དཀོན་མཆོག
100a6 གསུམ་ས་བཅུ་ལ་གནས་པ་དག་དང་ཐབས་ཅིག་ཏུ་བཞུགས་སོ། །ཉན་ཐོས་ཆེན་པོ་ངེས་པར་འབྱུང་བའི་མྱ་ངན་ལས་འདས་པའི་དབྱིངས་ལ་ཡང་དག་པར་རྗེས་སུ་ཞུགས་པ་དུ་མ་དག་འདུས་མ་བྱས་ཀྱི་ལམ་གྱི་ཐེག་པ་ལ་དམིགས་པ་དང་། དག་ཅིང་འདོད་ཆགས་དང་བྲལ་བ་དང་།
100a7 ཀུན་ནས་སྣང་བ་ཀུན་ཏུ་ཐོབ་པ་དང་། སྦྱིན་པའི་གནས་སུ་གྱུར་པ་ཡོན་ཏན་གྱི་ཞིང་ཡོན་ཏན་སྐྱེད་པར་བྱེད་ཅིང་ཡོངས་སུ་སྦྱོང་བ་དག་དང་། སེམས་ཅན་གྱི་སྙིང་པོའི་སྙིང་པོར་གྱུར་པ་འཇིག་རྟེན་མཆོག་གི་བདག་པོ། ལྷ་དང་མི་རྣམས་ཀྱིས་མཆོད་པ། བསོད་ནམས་ཀྱི་ཞིང་རྐང
iiif viewer powered by OpenSeadragon
