| e-texts navigator |
| Wylie |
191a1 སྔ་མ་བཞིན་དུ་བདག་གི་ལུས་དབུལ་བར་བྱའོ། །དེ་ནས་དུས་ཐམས་ཅད་པའི་སྡིག་པ་བཤགས་ཏེ། ལུས་དང་། ངག་དང་། ཡིད་ཀྱི་ཀུན་ནས་ཉོན་མོངས་པ་དང་། ཉེ་བའི་ཉོན་མོངས་པ་ལས་བྱུང་བ་རྣམས་ནུས་པ་ཇི་ལྟ་བ་བཞིན་དུ་བཤགས་པར་བྱའོ། །
191a2 དེ་ནས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་། ཡེ་ཤེས་ཀྱི་ཚོགས་ཐམས་ཅད་ལ་རྗེས་སུ་ཡི་རང་བར་བྱ་སྟེ། སེམས་ཅན་ཐམས་ཅད་སྐྱོབ་ཅིང་ཕན་པར་མཛད་པ་ལ་རྗེས་སུ་ཡི
191a3 རང་ངོ་། །དཔག་ཏུ་མེད་པའི་དེ་བཞིན་གཤེགས་པ་སེམས་ཅན་གྱི་དོན་མཛད་པ་དང་། བྱང་ཆུབ་སེམས་དཔའ་རྣམས་སེམས་ཅན་རྣམས་ཀྱི་དོན་མཛད་པ་ཉིད་ལ་ཡང་རྗེས་སུ་ཡི་རང་ངོ་། །དེ་ནས་འདི་ལྟར་ཡང་བསམ་པར་བྱའོ། །དེ་བཞིན་གཤེགས་པ་གཅིག་ཅིག
191a4 གི་བསོད་ནམས་དང་ཡེ་ཤེས་ཀྱི་ཚོགས་ཀྱང་ཚད་མེད་དོ་ཞེས་རྗེས་སུ་ཡི་རངས་ནས་སེམས་ཅན་ཐམས་ཅད་ཀྱི་ཕྱིར་ཡོངས་སུ་བསྔོ་ན་མཐའ་དང་དབུས་མེད་པའི་འབྲས་བུ་རྣམ་པར་སྨིན་པ་རྒྱ་ཆེན་པོ་འབྱུང་བར་འགྱུར་ན་གང་ཡང་སངས་རྒྱས་དང་། བྱང་ཆུབ་སེམས་དཔའ
191a5 མཐའ་ཡས་པ་མཐའ་མི་མཐོང་བ་ཚད་མེད་པ་ཁོང་དུ་ཆུད་པར་བྱས་ནས་རྗེས་སུ་ཡི་རང་བ་ལྟ་ཅི་སྨོས། ཡང་ན་སངས་རྒྱས་བཅོམ་ལྡན་འདས་རྣམས་ཀྱིས་ཅི་ལྟར་མཁྱེན་པ་གང་ཡིན་པ་དེས་རྗེས་སུ་ཡི་རང་ངོ་ཞེས་བརྗོད་དེ། །དེ་ནས་འཇིག་རྟེན་གྱི་ཁམས་ཐམས་ཅད་དུ
191a6 ཡང་དག་པར་བྱུང་བ། བདག་གི་མེད་པ་རྗེས་སུ་མ་བཟུང་བ། ཐང་ལས་སྐྱེས་པ་རིན་པོ་ཆེའི་རི་ལ་སོགས་པ་དང་། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པའི་དོན་དུ་བསྔོ་བར་བྱའོ། །དེ་ནས་བདག་གི་བསོད་ནམས་ཀྱི་སྟོབས་ཀྱིས་དེ་བཞིན
191a7 གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་ཆོས་ཀྱི་དབྱིངས་ལས་སྤྲོས་པའི་དམ་པ་རྒྱ་ཆེན་པོའི་མཆོད་པའི་སྤྲིན་སྣ་ཚོགས་པ་དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་དང་། བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་ངེས་པར་བསམས
iiif viewer powered by OpenSeadragon
