| e-texts navigator |
| Wylie |
190b1 ཏ་ཧོགས་པ་མེད་པ་དོན་ཡོད་པར་གྲུབ་པའི་རིག་སྔགས་ཆེན་པོ་རྟོག་པའི་སྦྱོར་བ་རབ་འབྱམ་ཡངས་པ་མཐའ་མེད་པ་སྔགས་ཀྱི་སྒོར་ཞུགས་པའི་བྱང་ཆུབ་སེམས་དཔའི་སྤྱད་པ་སྤྱོད་པའི་བྱང་ཆུབ་སེམས་དཔའ་འདིས་ལས་རྣམས་གང་བག་མེད་པའི་སེམས་དང་པོ་བསྐྱེད་པའི་བྱང་ཆུབ
190b2 སེམས་དཔའ་ནི་དེ་བཞིན་གཤེགས་པས་བྱིན་གྱིས་བརླབས་པ་མ་གཏོགས་པར་སྨྱོ་བར་འགྱུར་རོ། །མདོར་བསྟན་ན་བཟླས་པ་ཙམ་གྱིས་སངས་རྒྱས་ཀྱི་མཛད་པ་བྱེད་པར་འགྱུར་རོ། །གསང་སྔགས་ཀྱི་སྤྱོད་པ་རྗེས་སུ་ཐོབ་ནས་རྣམ་པ་སྣ་ཚོགས་པའི་དེ་བཞིན་གཤེགས་པའི
190b3 སྐུ་དང་། བྱང་ཆུབ་སེམས་དཔའི་སྐུ་སེམས་ཅན་གྱི་ཁམས་ཐམས་ཅད་ལ་ཡང་དག་པར་སྟོན་པར་འགྱུར་རོ། །མོས་པ་སྣ་ཚོགས་པ་རྣམས་ལ་འཚམ་པར་འཁོར་བ་ལ་ཟློག་པའི་ཕྱིར་སྒྱུ་མ་མཁན་བཞིན་དུ་ཐམས་ཅད་དུ་སོང་བ་ཐམས་ཅད་ལ་ཐོགས་པ་མེད་པའི་གསང་སྔགས
190b4 ཆེན་པོ་འདིས་སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ལས་བྱུང་བ། མཐའ་དང་དབུས་མེད་པའི་དེ་བཞིན་གཤེགས་པས་བྱིན་གྱིས་བརླབས་པའི་སྟོབས་དང་། དགེ་བས་རྒྱས་པར་བྱས་པའི་སེམས་ཀྱི་འཇུག་པས
190b5 བ་ཡིན་གྱིས་བརླབས་པས་དེ་བཞིན་གཤེགས་པ་རྣམས་ཀྱི་གསུང་གི་འཁོར་ལོ་དང་གཞན་དག་ཀྱང་སེམས་ཅན་གྱི་ཁམས་རྣམས་ལས་འབྱུང་ཞིང་ཐོས་པར་གྱུར་ཅིག་ཅེས་སེམས་ཅན་ཐམས་ཅད་བསྐྱབ་པར་དམིགས་ནས་སྔགས་བཟླས་ནས་དེ་བཞིན་གཤེགས་པ་རྣམས་ཀྱི
190b6 བྱིན་གྱིས་བརླབས་ཀྱི་སྟོབས་ཀྱི་ཤུགས་ལ་དད་པར་བྱའོ། །དེ་ལྟ་བས་ན་བྱང་ཆུབ་སེམས་དཔའི་ཐེག་པ་པས་ཐ་ན་གཟུང་པ་ཙམ་ལ་ཡང་སྦྱར་བར་བྱའོ། །རྟོག་པ་འདིར་སངས་རྒྱས་བཅོམ་ལྡན་འདས་ཀྱི་དོན་ཡོད་པ་ཐོགས་པ་མེད་པ་སྨོན་ལམ་གྱི་སྟོབས་དང་། བྱིན་གྱིས
190b7 བརླབས་ཀྱི་སྟོབས་ཀྱིས་དངོས་གྲུབ་བྱིན་གྱིས་བརླབས་པ་ཡིན་ནོ། །དེ་ལས་འདིར་རིག་པ་འཛིན་པ་འཐོབ་པའི་ཐབས་ཕྱོགས་ཙམ་བརྗོད་པར་བྱའོ། །འདིར་དད་པ་དང་ལྡན་པའི་བྱང་ཆུབ་སེམས་དཔའི་ཐེག་པ་པས་རེ་ཞིག་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ
iiif viewer powered by OpenSeadragon
