| e-texts navigator |
| Wylie |
187a1 ལག་པའི་ཁ་སྦྱར་དུ་བཅུག་སྟེ། ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་བྱས་ནས་དེས་མཛུབ་རིས་གསུམ་བྱས་པས་མི་སྣང་བར་འགྱུར་རོ། །ཤ་མ་ཏ་ལའི་རྩ་བསྐམ་པོ་ཕྱེ་མར་བྱས་ཏེ་དུར་ཁྲོད་དུ་མེ་ཏོག་གིས་མངོན་པར་གཏོར་བའི་དཀྱིལ་འཁོར་བྱས་ལ་ལག
187a2 པ་ཁ་སྦྱོར་རམ་ཁམ་པོར་ཁ་སྦྱོར་དུ་བཅུག་སྟེ་ཇི་སྲིད་དུ་བ་འཐུལ་བ་དེ་སྲིད་དུ་བཟླས་པ་བྱས་ལ་དེས་མིག་ལ་བསྐུས་ན་མི་མཐོང་བར་འགྱུར་རོ། །དེ་བཞིན་དུ་འགྲོ་ན་པུཥྤ་དད་ཨ་ཏི་པ་ལཱ་དང་། ཨིནྡྲ་བ་རུ་ནི་རྣམས་ཀྱི་རྩ་བའམ། ཤུ་དག་གམ། ཨ་པ་རཱ་ཙི་ཏ་འམ། ཨ་པ་ར་ཏི
187a3 ནིའམ། པདྨའི་སྡོང་བུའི་རྩ་བའམ། དཎྜོཏྤ་ལའམ། ཨུཏྤ་ལའི་མེ་ཏོག་གམ། མིའི་ཤའམ། རྨ་བྱའི་ཤའམ། ཚ་བ་གསུམ་མམ། ར་ཛ་པ་ཏའམ། སྤོས་དཀར་པོའམ་གཞན་དག་ཕྱེ་མར་བྱས་ཏེ། ཁམ་ཕོར་ཁ་སྦྱར་རམ་ལག་པ་ཁ་སྦྱོར་དུ་བཅུག་སྟེ་ཇི་སྲིད་དུ་བ་འཐུལ
187a4 བ་དེ་སྲིད་དུ་བཟླས་པ་དེས་མིག་ལ་བསྐུས་ན་མི་སྣང་བར་འགྱུར་རོ། །དུར་ཁྲོད་དུ་སྦྲང་རྩི་ལ་ལན་སྟོང་མངོན་པར་བསྔགས་ཏེ་མིག་ལ་བསྐུས་ནམ་མཐོང་བ་ཐམས་ཅད་མཐོང་བར་འགྱུར་རོ། །དགོན་པར་མཆོད་རྟེན་གྱི་ལོགས་ལ་ཤིང་རྟ་བྲིས་ལ་ཇི་སྲིད་ཟླ་བ་ཕྱེད་ཀྱི་ནང་དུ་འགུལ་བར་འགྱུར
187a5 བ་དེ་སྲིད་ཉིན་མཚན་བཟླས་ལ་དེ་ལ་ཞོན་ན་ཀུན་དུ་འགྲོ་བར་འགྱུར་རོ། །བ་བླ་བླངས་ཏེ་དབེན་པའི་མཆོད་རྟེན་ནམ་དགོན་པའམ་རི་ལ་སོགས་བ་ལ་ཇི་སྲིད་དངོས་གྲུབ་གསུམ་གྲུབ་པར་གྱུར་པ་དེ་སྲིད་དུ་བཟླས་པར་བྱའོ། །དེ་བཞིན་དུ་གི་ཝང་དང་མིག་སྨན་ལ་སོགས་པ་ལ་བསྒྲུབ་པར་བྱའོ། །
187a6 དགེ་སློང་གིས་རྟག་ཏུ་ལྷུང་བཟེད་དང་ཆོས་གོས་དང་འཁར་གསིལ་ལ་སོགས་པ་བླངས་ལ་བཟླས་པ་བྱ་ཞིང་། འཇོག་པ་ན་བསྲུང་པ་བྱས་ཏེ་གཞག་པར་བྱའོ། །དེ་ལྟ་བུ་ལ་སོགས་པའི་ལས་སུ་བྱ་བ་བྱེད་པ་ན་ཡིད་ལ་འདོད་པའི་ཆོ་གས་བསྒྲུབ་པའམ། དེ་བཞིན་གཤེགས་པ་ཐམས
187a7 ཅད་ཀྱི་རྟོག་པའི་ཆོ་གས་བསྒྲུབས་ན། སངས་རྒྱས་བཅོམ་ལྡན་འདས་ཀྱི་སྙིང་པོ་འདི་འདོད་པ་ཕུན་སུམ་ཚོགས་པར་བྱེད་པར་འགྱུར་རོ། །ཐོགས་པ་མེད་པ་དོན་ཡོད་པའི་ཡིད་ལ་འདོད་པའི་ཆོ་གས་ཇི་ལྟར་འདོད་པ་བཞིན་བསྒྲུབ་པར་བྱའོ། །བྱང་ཆུབ་སེམས་དཔའ་དང་བཅས་པའི་དེ
iiif viewer powered by OpenSeadragon
