| e-texts navigator |
| Wylie |
186b1 པར་རིག་པ་འཛིན་པར་འགྱུར་རོ། །བུད་མེད་ལེགས་པར་ཁྲུས་བྱས་ཤིང་རྒྱན་གྱིས་བརྒྱན་པ་ལ་ཇི་སྲིད་སྐྱེས་པར་གྱུར་པ་དེ་སྲིད་དུ་བཟླས་པར་བྱའོ། །དུར་ཁྲོད་དུ་བྲིས་པའམ་ཤིང་ངམ་ས་ལས་བྱས་པའི་སེང་གེ་ལ་ཇི་སྲིད་འགྲོ་བར་གྱུར་པ་དེ་སྲིད་བཟླས་པས་དེ་ལ་ཞོན་ཞིང་གང་དུ
186b2 འདོད་པ་དེར་འགྲོ་བར་འགྱུར་རོ། །གལ་ཏེ་ཉིན་རེ་རྟག་ཏུ་བཟླས་ན་གང་དུ་འགྲོ་བའི་ས་ཕྱོགས་དེ་བསྲུང་བ་བྱས་པར་འགྱུར་རོ། །གལ་ཏེ་ཉིན་མཚན་དུ་སྒྲུབ་པ་བྱེད་ན་ཇི་སྲིད་ཞག་ལྔའམ་དྲུག་གམ་བརྒྱད་དམ་ལྷག་མའི་ཟླ་བ་ཕྱེད་ཀྱི་ནང་དུ་ཡར་འཕགས་པར་འགྱུར་ཞིང་ལྷ་རྣམས་ལས
186b3 ཀྱང་རྒྱལ་བར་འགྱུར་རོ། །དེ་ལ་ཞོན་ན་གང་དུ་འདོད་པ་དེར་འགྲོ་བ་དང་འོང་བར་འགྱུར་རོ། །དེ་བཞིན་དུ་རྟའམ་གླང་པོ་ཆེའམ་ཁྱུ་མཆོག་གམ་མ་ཧེའམ་ར་སྐྱེས་སམ་ལུག་གམ་ལ་བཟླས་ན་དེ་དག་ཐམས་ཅད་ཉིད་གང་དུ་ཇི་སྲིད་འདོད་པ་དེ་སྲིད་དུ་འགྲོ་བ་དང་འོང་བར་འགྱུར
186b4 རོ། །མེ་ཏོག་གིས་རབ་ཏུ་གཏོར་བའི་དཀྱིལ་འཁོར་ལ་དུར་ཁྲོད་ཀྱི་ཤིང་ལ་མེ་སྦར་ལ་མར་དང་ཡུངས་ཀར་གྱིས་སྦྱིན་སྲེག་བྱས་ན་ཟླ་བ་ཕྱེད་ཀྱི་ནང་དུ་ངེས་པར་མཁའ་ལ་འཕུར་བར་འགྱུར་རོ། །དུར་ཁྲོད་ཇི་ལྟ་བ་དེ་བཞིན་དུ་རི་བོ་ལ་སོགས་པ་ལ་ཡང་གཅིག་པུ་དབེན་པར་འདུག་སྟེ་བསྒྲུབ
186b5 པའམ་དད་པ་ལ་སོགས་པ་བྱ་ལ་བསྒྲུབ་པའམ་ཆོ་ག་འདི་ཉིད་ཀྱིས་ཤིང་ཁྲིའམ་མཆིལ་ལྷམ་ལ་སོགས་པ་ལ་ཡང་ཡིད་ལ་འདོད་པས་ཆོ་ག་བཞིན་དུ་བསྒྲུབ་པར་བྱའོ། །ཤིང་མྱ་ངན་མེད་ཀྱི་ཡལ་ག་ལ་འཇུས་ནས་ཇི་སྲིད་ནམ་མཁའ་ལ་འགྲོ་བ་དང་མི་སྣང་བར་འགྱུར་བ་དེ་སྲིད་དུ་བཟླས
186b6 པར་བྱའོ། །དེ་བཞིན་དུ་ཤིང་ཨ་ཤྭཏྠ་དང་ནྱ་གྲོ་དྷ་དང་ནཱ་ག་པུཥྤའི་ཤིང་དང་ཤིང་ཏིལ་ཀ་དང་ཨ་མྲ་དང་དུར་ཁྲོད་ཀྱི་ཤིང་ལ་འཛེགས་ཏེ་ཇི་སྲིད་མི་སྣང་བར་འགྲོ་བ་དེ་སྲིད་དུ་བཟླས་པ་བྱའོ། །དེ་ལྟར་མི་སྣང་བར་གྱུར་པས་ལོ་སྟོང་ཕྲག་བརྒྱར་འཚོ་བར་ཡང་འགྱུར་ཞིང་ཁྲུ་གང་ཙམ་གྱིས་ས་ལ
186b7 མ་རེག་པར་འགྲོ་བར་འགྱུར་རོ། །བསོད་སྙོམས་ཀྱི་འཚོ་བས་དུར་ཁྲོད་དུ་ཇི་སྲིད་དུ་མི་སྣང་བར་གྱུར་པ་དེ་སྲིད་དུ་བཟླས་པ་བྱའོ། །དུར་ཁྲོད་དུ་ཞག་ལྔ་འདུག་སྟེ་བཟླས་པ་བྱས་ནས་ཕྱིས་དེ་ཉིད་དུ་སའི་རང་བཞིན་གྱི་མཆོད་རྟེན་བྱས་ནས་དེར་མེ་ཏོག་གི་དཀྱིལ་འཁོར་བྱས་ཏེ། ཐལ་བ
iiif viewer powered by OpenSeadragon
