| e-texts navigator |
| Wylie |
181b1 ལ་ཀྵ་ཎེ་ཛྭ་ལ་ཛྭ་ལ་ན། སཱ་ག་རེ་སྭཱ་ཧཱ། དེ་ལ་རིགས་ཀྱི་བུ་དེ་བཞིན་གཤེགས་པའི་སྙིང་པོ་འདི་ནི་སངས་རྒྱས་ཐམས་ཅད་ཀྱིས་བྱིན་གྱིས་བརླབས་པ་ཡིན་ཏེ། བྱང་ཆུབ་སེམས་དཔའ་ཐབས་དང་ཤེས་རབ་དང་ལྡན་པ་སྔགས་ཀྱི་སྒོར་བྱང་ཆུབ་སེམས་དཔའི་སྤྱད་པ་སྤྱོད་པ
181b2 འདིས་ལས་གང་ཞིག་བྱེད་པར་འགྱུར་བ་དེ་ནི་བསྐལ་པ་བརྒྱར་ཡང་དེ་བཞིན་གཤེགས་པས་བསྟན་པར་མི་སྤྱོད་ཀྱི། གཞན་དུ་མདོར་བསྡུས་ནས་གསུངས་པ་ཡིན་ནོ། །འདིས་སྐྱེས་བུ་དམ་པ་དེ་ནི་སྒོ་མཐའ་ཡས་པས་སེམས་ཅན་ཐམས་ཅད་ཀྱི་རྗེས་སུ་འགྲོ་ཞིང་དེ་བཞིན
181b3 གཤེགས་པ་ཐམས་ཅད་ལ་ལྷག་པར་དམིགས་པའི་རྣམ་པར་ཐར་པའི་སྒོ་ལ་སོགས་པ་རྣམ་པར་ཐར་པའི་སྒོ་སྣ་ཚོགས་པའི་རྗེས་སུ་ཞུགས་པ། སེམས་ཅན་འདུལ་བའི་སྦྱོར་བ་རྣམ་པ་སྣ་ཚོགས་པས་གནས་པའི་ཏིང་ངེ་འཛིན་གྱིས་རྣམ་པར་རྩེ་བ། ལས་ཐམས་ཅད་རྗེས་སུ་དྲན
181b4 པའི་ཆོ་ག་ཡང་དག་པར་སྦྱོར་བའི་གཟུངས་ཐོབ་པར་འགྱུར་ཞིང་སེམས་ཅན་གྱི་ཁམས་དང་མོས་པ་དང་རྗེས་སུ་མཐུན་པའི་གཟུགས་སྣ་ཚོགས་པ་མངོན་པར་སྒྲུབ་པར་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་ཀྱི་སྟོབས་དང་སྟོབས་སྣ་ཚོགས
181b5 མངོན་པར་སྒྲུབ་པར་བྱེད་པའི་སྒོ་སངས་རྒྱས་རྗེས་སུ་དྲན་པའི་མོས་པས་སྙིང་པོ་འདི་བཟླས་ན་གཟུགས་སྣ་ཚོགས་མཐོང་བར་འགྱུར་རོ། །མདོར་བསྡུས་ན་སངས་རྒྱས་འབྱུང་བའི་འཇིག་རྟེན་གྱི་ཁམས་སྣ་ཚོགས་པ་ཡང་མཐོང་བར་འགྱུར་རོ། །དེ་བཞིན་གཤེགས་པའི་གསུང་གི་འཁོར
181b6 ལོའི་དཀྱིལ་འཁོར་ཡང་སྒྲ་འབྱིན་པར་འགྱུར་རོ། །གསེར་དང་ནོར་བུ་དང་མུ་ཏིག་ལ་སོགས་པའི་ཆར་ཡང་མངོན་པར་འབབ་པར་འགྱུར་རོ། །སེམས་ཅན་གྱི་ཁམས་ཐམས་ཅད་དུ་རྣམས་ལ་བཟའ་བ་དང་བཅའ་བ་དང་བཏུང་བ་ཡང་མངོན་པར་རབ་ཏུ་འབབ་པར་འགྱུར་རོ། །དམྱལ
181b7 བ་རྣམས་ཀྱི་གྲང་བ་ལ་དྲོ་བ་ཡང་ཡང་དག་པར་སྐྱེད་པར་བྱེད་དོ། །དུད་འགྲོ་རྣམས་ཀྱི་གཅིག་ལ་གཅིག་ཟ་བའི་སྡུག་བསྔལ་ཡང་རབ་ཏུ་ཞི་བར་བྱེད་དོ། །སེམས་ཅན་མོས་པའི་སྒོ་སྣ་ཚོགས་པའི་ཡུལ་ཅན་གྱི་སེམས་ཅན་གྱི་ཁམས་རྣམ་པར་སྦྱོང་བར་བྱེད་དོ། །བྱིན་གྱིས་རློབ་པར་བྱེད།
iiif viewer powered by OpenSeadragon
