| e-texts navigator |
| Wylie |
171b1 དཔའ་ཕྱག་ན་རྡོ་རྗེས་རྡོ་རྗེ་འཆང་ལ་གསོལ་བ་བཏབ་པ། སྙིང་ནས་སློབ་དཔོན་སྨོད་པ་ལ། །ཀླུ་གཞུག་པ་ནི་ཇི་ལྟར་ལགས། །རྡོ་རྗེ་ཅན་གྱིས་བཤད་དུ་གསོལ། །ཀླུའི་ལག་ན་ནད་བཅུ་གཅིག་ཡོད་དེ། མཛེ་དང་། མཛའ་ཏོ་དང་། ཀ་ཏ་མ་དང་། ཀ་ཤེ་དང་། འབྲས་དང་།
171b2 ཕོལ་དང་། ཤུ་བ་དང་། སྐེམ་པ་དང་། གཡན་པ་དང་། དམུ་ཆུ་དང་། གག་པའོ། །ཀླུའི་གནས་ནི་ས་འོག་གི་རིམ་པ་བདུན་ནོ། །ཀླུ་བྲན་ནི་འཛམ་བུའི་གླིང་ན་ཡང་ཡོད་དོ། །འཁོར་ནི་རྣམ་པ་བཞི་དག་གིས། །གཙང་མའི་གོས་དག་གྱོན་ནས་ནི། །དཀར་གསུམ་དག
171b3 ཀྱང་བཟའ་བར་བྱ། །སྔགས་རྒྱལ་ཉི་འབུམ་བཟླས་བྱས་ལ། །དཀྱིལ་འཁོར་ཙནྡན་གུར་གུམ་བྱུག་།པདྨ་འདབ་བརྒྱད་བྲི་བྱ་སྟེ། །བདག་ཉིད་ལག་ན་རྡོ་རྗེ་ལ། །ཀླུ་ཆེན་བརྒྱད་ཀྱིས་བསྐོར་བ་བྲི། །དེ་ལ་སོགས་པ་བཤད་ཟིན་ཏོ། །དཀྱིལ་འཁོར་གྱི་ནི་ནུབ་ཕྱོགས་སུ། །
171b4 ཀླུ་ཡི་གཟུགས་ཅིག་བརྩམ་བྱ་སྟེ། །རིན་ཆེན་ལྔ་འམ་གླ་རྩི་འམ། །མཆོད་པའི་རྫས་ནི་འོ་མ་སོགས། །དང་པོ་འདས་པའི་མཆོད་པ་བྱ། །སྤྱན་དྲང་མཆོད་དང་བསྟོད་པ་ནི། །ཆོ་ག་བཞིན་དུ་བྱ་བའོ། །ཀླུ་ཡི་སྙིང་གར་ཧཱུ~ཾ་བསྒོམས་ལ། །འོད་ཟེར་རྣམ་པ་གསུམ་དག
171b5 གིས། །ཀླུ་ཆེན་གནས་ནས་དགུག་པར་བྱ། །གཟུགས་བརྙན་དེ་ལ་བསྟིམ་བྱས་ལ། །མཆོད་པ་དག་གིས་མཆོད་པར་བྱ། །གཟུགས་བརྙན་གཡོ་བ་འབྱུང་བ་ན། །སྡང་པའི་ལུས་ལ་གཞུག་བྱ་སྟེ། །དབང་པོ་བརྒྱད་ནས་གཞུག་བྱ་སྟེ། །བརྒྱད་ཆ་ཐ་མའི་དུས་དག་ཏུ། །
171b6 འོ་མ་གླ་རྩི་ཁ་ར་ཡིས། །ལམ་ནི་དྲང་པོར་དྲང་བྱས་ལ། །གོང་བུ་དགུག་པའི་སྦྱོར་བ་ཡིས། །དེ་ལ་ཀླུ་ཆེན་གཞུག་པར་བྱ། །སྒྲུབ་པ་པོ་ཡིས་གུ་གུལ་བསྟེན། །གཟུགས་ལ་ཕུར་བུས་གདབ་པར་བྱ། །དེས་ཀྱང་གྲུབ་པར་མ་གྱུར་ན། །ལྷ་ཡི་རྣམ་པ་ཉིད་དག་ལ། །སྤོགས
171b7 པ་དག་གི་ཆོ་ག་བཞིན། །ཏདྱ་ཐཱ། ཧཱུ~ཾ་ཕཊ་ནཱ་ག་བི་དཱ་ར་ཎཱ་ཡ་ཧཱུ~ཾ། ནཱ་ག་བི་དཱ་ར་ཎཱ་ཡ། ཧ་ས་ཧ་ས། དྷ་ར་དྷ་ར། མཱ་ར་ཡ་མཱ་ར་ཡ། སརྦྦ་ཤཱ་ཏྲཱུཾ་སཾ་གྷ་བི་ནཱ་ཤ་ག་རཱ་ཡ་ཕཊ། ནཱི་ལཱཾ་བ་ར་དྷ་ར་བཛྲ་པཱ་ཎི་རཱ་ཛྙཱ་པ་ཡ་ཏི་ཤ་ཏྲཱུཾ་ཙིཏྟ་མཱ་ར་ཡ་ཕཊ། ཨོཾ་ནཱ་ག་གྷ་གྷ། གྷཱ་ཏ་ཡ་གྷཱ་ཏ་ཡ།
iiif viewer powered by OpenSeadragon
