| e-texts navigator |
| Wylie |
170b1 ཕྱག་འཚལ་ལ་སོགས་བདུན་རྣམ་དག་།དེ་ནས་ཡེ་ཤེས་སེམས་དཔའ་ལ། །མེ་ཏོག་གཏོར་ཞིང་བསྟོད་པ་བྱ། །ཕྱག་འཚལ་བསྐོར་བ་བདུན་རྣམ་དག་།བྱས་ནས་ཡེ་ཤེས་དབབ་པར་བྱ། །གནས་གསུམ་ཡི་གེ་གསུམ་བསམས་ལ། །སྔགས་འདི་ཡང་ནི་བརྗོད་པར་བྱ། །
170b2 ཨཱ་བེ་ཤ་ཡ་སྟཾ་བྷ་ཡ་རཱ་རཱ་ཙཱ་ལ་ཡ་ཙཱ་ལ་ཡ་ཧཱུ~ཾ་ཨཱཿོཾཛཻཿ། དེ་ནས་དཀྱིལ་འཁོར་བརྟན་བྱས་ལ། །རིག་པའི་དབང་ནི་ཆོ་ག་བཞིན། །དེ་ནས་སྔགས་ཀྱི་རྗེས་གནང་སྦྱིན། །རྣལ་འབྱོར་སྙིང་གའི་ས་བོན་ལས། །སྔགས་ཀྱི་འོད་ཀྱིས་ཡེ་ཤེས་བསྐུལ། །ཡེ་ཤེས་ལྗགས་ལས་འོད
170b3 བྱུང་ལས། །སྣོད་གྱུར་ལྕེ་ལ་ཐིམ་པར་བསམ། །བསྒྲུབ་པའི་རྫས་ཀྱི་བཀྲ་ཤིས་བརྗོད། །རྡོ་རྗེ་ས་འོག་གི་རྒྱུད་ལས་དཀྱིལ་འཁོར་གྱི་ལེའུ་སྟེ་བཞི་པའོ།། །།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་རྡོ་རྗེ་འཛིན་པ་ལ་མཆོད་ཅིང་ཕྱག་འཚལ་ནས་གསོལ་བ
170b4 བཏབ་པ། སྙིང་པོ་ཀུན་ལ་ཕན་གདགས་དང་། །སངས་རྒྱས་བསྟན་ལ་གཞུག་དོན་དུ། །གནོད་སྦྱིན་བསྒྲུབ་པར་བྱ་བ་ནི། །རྡོ་རྗེ་ཆེན་པོས་བཤད་དུ་གསོལ། །དེ་ནས་སྟོན་པ་རྡོ་རྗེ་འཛིན། །སེམས་ཅན་ཀུན་ལ་ཕན་དོན་དུ། །གནོད་སྦྱིན་བསྒྲུབ་པར་བྱ་བ་ནི། །གསུང་ནི
170b5 འདི་སྐད་བཀའ་སྩལ་ཏོ། །རྡོ་རྗེ་སློབ་དཔོན་སྨོད་པ་དང་། །ཐེག་པ་ཆེ་ལ་སྨོད་པ་དང་། །དེ་བསྒྲུབ་པ་ལ་སྙིང་ནས་བརྙས། །སྒྲུབ་པ་འདི་ནི་བརྩམ་པར་བྱ། །དེ་ལ་རི་རབ་ཀྱི་འོག་ན་ལས་ཀྱི་གནོད་སྦྱིན་གྱི་ལུས་བླངས་ལ་གདོང་བཞི་ལག་པ་བཞི་ཡོད་པ་གདོང་དང་པོ་བཅོམ་ལྡན
170b6 འདས་ཀྱི་སྔགས་ཟློས་པ། གཉིས་པ་ན་རང་གི་སྲོག་སྙིང་ཟློ་བ། གསུམ་པ་ན་མེ་ལྕེའི་དབུགས་འབྱུང་། བཞི་པ་ན་ཤ་དང་ཁྲག་ཟབ་ཡོད། དེ་སྒྲུབ་པའི་ཐབས་བཤད་ཀྱིས་ལེགས་པར་ཉོན་ལ་ཡིད་ལ་ཟུང་ཤིག་།རྡོ་རྗེ་འཛིན་པའི་ཏིང་འཛིན་གྱིས། །སྔགས་ཀྱི་རྒྱལ་པོ
170b7 འབུམ་བཟླས་ལ། །འབྱུང་བ་བཞི་ཡི་དཀྱིལ་འཁོར་བྲི། །དེ་ཡི་སྟེང་དུ་ཁྲག་ཆེན་གྱིས། །པདྨ་འདབ་མ་བཅུ་དྲུག་པ། །བཙོན་དོང་ཚུལ་དུ་བྲི་བར་བྱ། །དར་སྔོན་དེ་ཡི་ནང་དུ་བཏིང་། །དབུས་སུ་མི་ཡི་ཤ་དང་ཁྲག་།དང་པོ་ཁྱི་སྟེ་གཉིས་པ་ཕག་།གསུམ་པར་རྣ་ཅན་ཟངས
iiif viewer powered by OpenSeadragon
