| e-texts navigator |
| Wylie |
168a1 ཏུ་བསྟོད། །རྡོ་རྗེ་ས་འོག་གི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་རྡོ་རྗེ་འཆང་ལ་ཡང་དང་ཡང་དུ་ཕྱག་འཚལ་ནས་གསོལ་བ་བཏབ་པ། སེར་སྣའི་དབང་གིས་དབུལ་གྱུར་པ། །ནོར་རྣམས
168a2 ཇི་ལྟར་བསྒྲུབ་པར་བགྱི། །མདུན་གྱི་ཕྱག་ན་རྡོ་རྗེ་ཡི། །ཡེ་ཤེས་སེམས་དཔའི་ཕྱག་གཡས་པར། །ཛམྦྷ་ལ་ནི་བསྒོམ་པར་བྱ། །བདག་ཉིད་སྔགས་ཀྱི་རྒྱལ་པོ་ཟློས། །སྙིང་གར་འོད་ཟེར་དག་གིས་ནི། །ཡེ་ཤེས་སེམས་དཔའ་བསྐུལ་བར་བྱ། །ཡེ་ཤེས་སེམས
168a3 དཔས་ཛམྦྷ་ལའི། །སྔགས་ནི་ཟློས་པ་ཉིད་དུ་བསྒོམ། །ཡེ་ཤེས་སེམས་དཔའི་ཐུགས་ཀ་ནས། །འོད་བྱུང་ཛམྦྷ་ལ་བསྐུལ་ལོ། །ནོར་གྱི་རྒྱ་མཚོ་གང་བར་འགྱུར། །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་རྡོ་རྗེ་འཛིན་ལ་གསོལ་བ་བཏབ་པ། ཉེས་པ་ཤིན་ཏུ་ཕྲ་མོ
168a4 ལ། །གྲགས་དང་རྙེད་པའི་དོན་དུ་ནི། །འཇིག་རྟེན་གནོད་བྱེད་སྒྲིབ་བྱེད་པ། །ཐོག་སེར་བཟློག་པ་བཤད་དུ་གསོལ། །ཐོག་མར་མཆོད་རྟེན་སྔོན་པོ་བརྩིག་།རབ་གནས་གཞུང་དང་མཐུན་པར་བྱ། །དེ་ཡི་འོག་ཏུ་འཁོར་ལོ་ནི། །རྩིབས་བརྒྱད་ལྟེ་བར་བཅས་པ་བྲི། །
168a5 རྩིབས་ལ་ལྷ་སྲིན་སྙིང་པོ་བྲི། །ཀྷཱ~ཾརྡྷ། ཙྷཱངྷ། ཚྷཱརྔྷ་ཤྷརྔྷ། ཨོཾདྷ། མྷོརྡྷ། ཏྷཱ+ོ~ཾརྡྷ། སྦྷརྡྷ། དབུས་སུ་སྔགས་མཁན་བྲི་བར་བྱ། །དེ་ནས་ཐོད་པའི་ནང་དུ་གཞུག་།ཐོད་པ་མཆོད་རྟེན་འོག་ཏུ་མནན། །སྙིང་པོའི་འོད་ཀྱིས་སྔགས་མཁན་དང་། །ལྷ་སྲིན་འཁོར་དང་བཅས་པ
168a6 དགུག་། དེ་ལ་ཐུན་གྱིས་བྲབ་པར་བྱ། །འབྱུང་པོ་འཁྲུག་པའི་དུས་སུ་ནི། །སྟོན་པའི་ང་རྒྱལ་ལྡན་པ་ལ། །མཐེ་བོ་དག་ནི་མཐེའུ་ཆུང་ལ། །ཧཱུ~ཾ་ལས་ཕྱག་ན་རྡོ་རྗེ་བསྐྱེད། །མཐེའུ་ཆུང་ཕྱག་ན་རྡོ་རྗེ་ཡི། །ཐུགས་ནས་ཕྱག་ན་རྡོ་རྗེ་ནི། །ཞགས་པ་ལྕགས་ཀྱུ་ཐོགས་པ
168a7 སྤྲོ། །སྙིང་གི་ལྕགས་ཀྱུས་དགུག་པ་དང་། །མགྲིན་པ་ཞགས་པས་བཅིང་བར་བྱ། །མཐེ་བོང་ཕྱག་ན་རྡོ་རྗེ་ཡི། །རྡོ་རྗེ་ལས་ནི་རྡོ་རྗེ་སྤྲོ། །བགེགས་རྣམས་ལ་ནི་བསྣུན་པར་བྱ། །བ་སྤུའི་གཤིས་ན་རྡོ་རྗེ་འཕྲོ། །ནམ་མཁའ་ཐམས་ཅད་རྡོ་རྗེར་གྲུབ། །ཡུངས
iiif viewer powered by OpenSeadragon
