| e-texts navigator |
| Wylie |
162a1 མོ་མཱ་ར་ཡ་ཕཊ་སྭཱ་ཧཱ། གཙོ་བོ་ཇི་ལྟར་འཁོར་ཀྱང་དེ། །རང་གི་རིག་པས་མཆོད་པར་བྱ། །རིག་པ་ཀུན་ཏུ་བརྟན་བྱས་ནས། །རྡུལ་ཕྲན་བཞིན་དུ་བརླག་པར་བསམ། །ཕྲིན་ལས་བཅོལ་ལ་གཏོར་མ་བཏང་། །གཏོར་དང་གཏོར་མའི་རིམ་པ་ནི། །བཞིན
162a2 དུ་དབུལ་བར་བྱ། །ཞི་བའི་ལས་ཀྱི་རིམ་པ་ནི། །ཐབ་ཁུང་མཐོ་གང་ཚད་ཉིད་ལ། །བསྲེག་རྫས་ལ་སོགས་རབ་ཏུ་དབུལ། །ལུས་ངག་ཡིད་གསུམ་སྡིག་བཅོམ་ནས། །ཡེ་ཤེས་མེ་ཡི་ངོ་བོར་བྱ། །སྣོད་དང་ཐབ་ནི་དོར་བར་བྱ། །དེར་ནི་གདོན་རྣམས་ཀུན་སྲེག་ཅིང་། །བགེགས
162a3 ཆེན་ཞི་བའི་ཡས་ཀྱང་བྱ། །རྒྱས་དང་དབང་དུ་བྱ་བ་ལ། །ལས་དང་བྱེ་བྲག་རིམ་པ་རྣམས། །སྔར་བཤད་པ་ཡི་ལས་བཞིན་དུ། །ཐབ་དབྱིབས་བྱེ་བྲག་ཤེས་པར་བྱ། །སེར་དང་དམར་བའི་བུད་ཤིང་སོགས། །རིམ་པ་རྫས་ལྡན་དབུལ་བ་ནི། །ོ~ཾ་བཻ་ཤྲ་བ་ཎཱ་ཡ་དྷ་ན~ཾ་པུཥྚི~ཾ་ཀུ་རུ
162a4 ཡེ་སྭཱ་ཧཱ། ཨོ~ཾ་བཻ་ཤྲ་བ་ཎ་བ་ཤ~ཾ་ཀུ་རུ་སྭཱ་ཧཱ། ཨོ~ཾ་བཻ་ཤྲ་བ་ཎཱ་ཡེ་ཤཱིནྟ་ཀུཾ་རུ་སྭཱ་ཧཱ། གཙོ་བོ་ཇི་བཞིན་འཁོར་བཅས་ནི། །རིག་པའི་རྫས་ཀྱིས་མཆོད་པར་བྱ། །བསྲེག་པའི་རྫས་ནི་བག་ཟན་དང་། །ཡུངས་ཀར་མངར་སོགས་རིམ་པས་མཆོད། །ཕྲིན་ལས་རྣམ་བཞི་ཀུན་འགྲུབ་སྟེ། །
162a5 བརྩེ་བར་བརྩོན་པས་ཉེ་བར་འགྲུབ། །འབྲིང་དང་ཐ་མས་འབྲིང་དང་ནི། །ཐ་མ་ཉིད་དུ་ཤེས་པར་གྱིས། །དེ་ནས་བཅོམ་ལྡན་འདས་ལ་རྣམ་ཐོས་ཀྱི་བུ་འཁོར་དང་བཅས་པ་རྣམས་ཀྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་རྣམས་ཀྱིས་བཤད་པའི་ལས་འདི་རྣམས་སྒྲུབ
162a6 པ་པོ་དེས་དུས་རྒྱུན་དུ་བཅོམ་ལྡན་འདས་ཕྱག་ན་རྡོ་རྗེ་དང་། གནོད་སྦྱིན་རྣམས་ལ་དཀར་གསུམ་གྱིས་མཆོད་པར་བྱའོ། །ཆང་ཀུན་ཏུ་སྤང་བར་བགྱིའོ། །ཤ་རྣམས་ནི་འོས་པ་དང་ཤིས་པ་དྲང་བར་བྱའོ། །དེ་ལྟར་རྩེ་གཅིག་གིས་བདག་ཅག་སྒྲུབ་པ་དེ་རྣམས་ཀྱི་ཕྲིན་ལས་ཇི་ལྟ་བ་བཞིན་དུ
162a7 བདག་ཅག་གིས་མ་བསྒྲུབས་ན་བདག་ཅག་གིས་བཅོམ་ལྡན་འདས་ལ་འཁུས་པར་གྱུར་ཅིང་། བདག་ཅག་གིས་ཆོས་མ་བསྐྱངས་པར་བྱས་པ་ཡིན་ནོ། །དེ་ལ་བདག་གི་བྲོ་ཚིག་ནི་འདི་ཡིན་ནོ། །ོ~ཾ་བཻ་ཤྲ་བ་ཎ་ཨར་ཐ་ཁ་ཐམ་ཞེས་པའོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ།
iiif viewer powered by OpenSeadragon
