| e-texts navigator |
| Wylie |
160a1 བཅུ་གསུམ་སྔགས་ཀྱིས་བརྒྱན། །འཁོར་ལོ་པདྨ་རྡོ་རྗེ་བསམ། །མི་བསྐྱོད་རྡོ་རྗེས་དབང་བསྐུར་ཏེ། །ཀུན་འཇོམས་རྣམ་པར་དག་པར་བསམ། །དེ་ནས་བཅོམ་ལྡན་འདས་ཀྱིས་འདིའི་རྩ་བའི་སྔགས་ལས་ཐམས་ཅད་པ་གསུངས་པ། ཨོ~ཾ་ནཱི་ལཱ~ཾ་བ་ར་དྷ་ར་བཛྲ
160a2 པཱ་ཎི་ཧཱུ~ཾ་ཧཱུ~ཾ་ཕཊ། རབ་ཏུ་བརྗོད་པར་བྱའོ། །སྔགས་ཀྱི་ཕྲེང་བ་དེ་དག་ཀྱང་། །ཞི་ལ་རབ་དཀར་དབང་ལ་དམར། །རྒྱས་ལ་སེར་པོ་དྲག་ལ་གནག་།རྟོག་པ་ཀུན་ཏུ་སྤངས་ཏེ་བཟླས། །སྤྲོ་དང་བསྡུ་བའི་བྱེ་བྲག་གིས། །ཇི་ལྟར་མོས་པའི་བསམ་གཏན་བྱ། །མི་མོས་རྣལ
160a3 འབྱོར་རབ་ཏུ་སྤང་། །ཕྱག་ན་རྡོ་རྗེ་ཁྲོ་རྒྱལ་གྱིས། །དགེ་ཀུན་རྟེན་པའི་ཡིད་འདི་ལ། །གང་བརྩོན་པ་དེ་ཕན་ཡོན་ནོ། །ཀུན་ཏུ་རབ་ཏུ་དགའ་སོགས་དག་།མི་སྣང་ལ་སོགས་རབ་ཏུ་འགྲུབ། །ཀུན་རྟེན་རབ་ཏུ་སྤྱད་དགེ་ཅན། །རྟེན་ཅན་སྦྱོར་བ་རབ་ཏུ་དབེན། །དངོས་གྲུབ་མཆོག
160a4 ཏུ་རབ་ཏུ་འགྲུབ། །དཔལ་རྡོ་རྗེ་ས་འོག་གི་རྒྱུད་ལས་ཞི་བའི་ལས་སྒྲུབ་པ་དང་ལྷའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་འདི་སྐད་ཅེས་གསོལ་ཏོ། །བཅོམ་ལྡན་སྟོན་པ་རྡོ་རྗེ་འཛིན། །བར་ཆད
160a5 ཞི་བྱེད་གཏོར་མ་ཡི། །ཆོ་ག་མཆོག་ནི་བཤད་དུ་གསོལ། །སེམས་ཅན་དོན་དུ་བརྩོན་ལྡན་བགྱི། །ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་རྡོ་རྗེ་འཆང་བ་གཙོ། །བར་ཆད་ཞི་བའི་ཆོ་ག་དང་། །དངོས་གྲུབ་ཐབས་ཀྱི་ཆོ་ག་ནི། །གཏོར
160a6 མ་ཀུན་གྱི་གཏེར་འགྱུར་བཤད། །རབ་ཏུ་མཛེས་པའི་སྣོད་མཆོག་ཏུ། །བཟའ་དང་བཅའ་བ་ལ་སོགས་པའི། །ཕུན་སུམ་ཚོགས་པ་རབ་ཏུ་བྱ། །སྟོང་པའི་ཏིང་ངེ་འཛིན་འགྲོ་བས། །བྲུ~ཾ་ལས་མཛེས་པའི་སྣོད་བསྐྱེད་དེ། །ཁ~ཾ་ལས་ཁ་ཟས་ནམ་མཁའི་ཁམས། །མཉམ་པར
160a7 བསམས་ཏེ་སྔགས་འདི་བརྗོད། །ོ~ཾ་ཨ་ཀཱ་རོ་མུ་ཁ~ཾ་སརྦྦ་དྷརྨྨཱ་ཎཱ~ཾ་ཨཱ་དྱ་ནུ་ཏྤནྣ་ཏྭཱད་ཨོཾ་ཨཱཿཧཱུ~ཾ་ཕཊ་སྭཱ་ཧཱ་ཞེས་བརྗོད་དོ། །བདུད་རྩིར་བསམས་ཏེ་རབ་ཏུ་སྤེལ། །སྤེལ་བ་གཉིས་ཀྱིས་རྣམ་པར་སྦྱང་། །ནམ་མཁར་ཧྲཱིཿལས་པདྨ་བརྒྱད། །དཔག་ཏུ་མེད་པ་བསམ་བྱ་སྟེ། །གཙོ་བོ་མགོན
iiif viewer powered by OpenSeadragon
