| e-texts navigator |
| Wylie |
9a1 མ་རྒད་ཀྱི་ནི་འོད་འདྲ་ཞིང་། །སངས་རྒྱས་ཐམས་ཅད་གཅིག་བསྡུས་པ། །སངས་རྒྱས་ཀུན་གཅིག་ལས་བྱུང་བ། །བྱམས་པའི་ལྟ་བ་དེ་བཞིན་གཤེགས། །དབུས་མའི་ས་ཡི་གཞི་དག་པ། །ནོར་བུ་ཆུ་ཤེལ་མདོག་འདྲ་བ། །ཤར་ཕྱོགས་ཉིད
9a2 དུ་སྔོན་པོ་ཆེ། །ལྷོ་རུ་སེར་པོ་ཡང་དག་ལྡན། །ནུབ་ཕྱོགས་དེར་ནི་དམར་པོ་སྟེ། །བྱང་དུ་ལྗང་དང་ཡང་དག་ལྡན། །ཀུན་ཏུ་ཁྱམས་དང་ལྡན་པ་ལ། །སྒོར་ནི་ཁྱམས་དང་བྲལ་བའོ། །གང་ཞིག་དབུས་མར་ཡང་དག་བཤད། །སངས་རྒྱས་ཡེ་ཤེས་བླ་མེད་ཡིན། །
9a3 གཞན་དག་དོན་ཀུན་ཡང་དག་ལྡན། །ཏིང་འཛིན་ཡེ་ཤེས་དམ་པ་ཡིན། །ནམ་མཁའི་དབྱིངས་ཀྱི་དབུས་གནས་པར། །ཟླ་བའི་དཀྱིལ་འཁོར་དམ་པ་བསམ། །སངས་རྒྱས་སྐུ་ནི་རྣམ་བསྒོམས་ལ། །སྤྱན་ནི་དབུས་སུ་བསམ་པར་བྱ། །བཞིན་སྤྱན་ནི་ཡངས་པ་དང་། །
9a4 ནོར་བུ་ཆུ་ཤེལ་མདོག་འདྲ་ལ། །མཚན་རྣམས་ཐམས་ཅད་ཡོངས་སུ་རྫོགས། །བུད་མེད་སྒྱུ་མའི་མཆོག་འཛིན་པ། །ཕྱག་ཏུ་འཁོར་ལོ་བསྒོམ་བྱ་སྟེ། །ཁམས་གསུམ་པ་ནི་དབང་བྱེད་པ། །དངོས་ཀུན་གྲུབ་བྱེད་ཡེ་ཤེས་ནི། །འཁོར་ལོ་ཡིད་བཞིན་ནོར་བུའི་མདོག་།ནམ
9a5 མཁའི་རྡོ་རྗེ་དབུས་ཆུད་པར། །ཟླ་བའི་དཀྱིལ་འཁོར་དམ་པ་བསམ། །སངས་རྒྱས་སྐུ་ནི་རྣམ་བསྒོམས་ལ། །ནམ་མཁའི་རྡོ་རྗེ་མཆོག་བསྒོམ་མོ། །ཞལ་མཛེས་སྤྱན་ནི་ཡངས་པ་དང་། །ུཏྤལ་སྔོན་པོའི་འདབ་མའི་མདོག་།མཚན་རྣམས་ཐམས་ཅད་ཡང་དག་རྫོགས། །
9a6 ནམ་མཁའི་སྒྱུ་མའི་མཆོག་བསམ་མོ། །ཕྱག་ཏུ་ཨུཏྤལ་སྔོན་དམར་ཏེ། །ཁམས་གསུམ་པ་ནི་ཕྱག་བྱས་པ། །སངས་རྒྱས་བྱང་ཆུབ་བྱེད་པའི་མཆོག་།གསང་བའི་དངོས་གྲུབ་རྡོ་རྗེ་ཅན། །ནམ་མཁའ་རྡོ་རྗེའི་དབུས་ཆུད་པ། །ཟླ་བའི་དཀྱིལ་འཁོར་དམ་པ་བསམ། །
9a7 སངས་རྒྱས་སྐུ་ནི་རྣམ་བསྒོམས་ལ། །རྡོ་རྗེ་ཆོས་མར་རྣམ་པར་བསམ། །མཛེས་པའི་ཞལ་ལ་སྤྱན་ཡངས་པ། །པདྨ་རཱ་ག་ལྟ་བུའི་མདོག་།སྐུ་མདོག་དམར་པོ་ཡང་དག་བྱུང་། །ཆགས་པའི་པདྨ་འཛིན་སྡུག་པ། །མཚན་རྣམས་ཐམས་ཅད་ཡང་དག་རྫོགས། །རྒྱན
iiif viewer powered by OpenSeadragon
