| e-texts navigator |
| Wylie |
8b1 ཀྱི་ནི་ནང་རྣམས་སུ། །རྡོ་རྗེ་རིན་ཆེན་སྤྲས་པས་ནི། །ཕྱི་ཡི་དཀྱིལ་འཁོར་ཐིག་གདབ་བོ། །རྡོ་རྗེའི་ཐིག་གིས་ཡོངས་བསྐོར་ཞིང་། །ཀ་བ་བརྒྱད་ཀྱིས་ཉེ་བར་མཛེས། །ཀ་བ་བརྒྱད་ཀྱི་ནང་གནས་པའི། །དཀྱིལ་འཁོར་བརྒྱད་པར་བསྟན་པ་དང་། །གྲཝ་ཡི་དཀྱིལ་འཁོར་དོར་བར་ནི། །རྡོ་རྗེ་ལྷ་མོའི་ཚོགས་ཀྱིས
8b2 མཆོད། །འཁོར་ལོ་ལྔ་དང་ཡང་དག་ལྡན། །དཀྱིལ་འཁོར་ལྔ་ཡིས་རྣམ་པར་བརྒྱན། །དྲ་བ་དྲ་ཕྱེད་ཀྱིས་བརྒྱན་ཅིང་། །རྔ་ཡབ་ཀྱིས་ནི་ཉེར་སྤྲས་པ། །ཁྲུ་ནི་བཅུ་གཉིས་བྱ་བ་འམ། །ཁྲུ་བཅུ་དྲུག་ཏུ་རབ་ཏུ་བརྟག་།ཡང་ནི་ཁྲུ་ནི་ཉི་ཤུ་ཙམ། །ཉི་ཤུ་ལྔ་དང་ལྡན་པ་ཡིས། །ཁྲུ་ནི་ཉི་ཤུ
8b3 ལྔ་པ་ཡིས། །དཀྱིལ་འཁོར་ཡང་དག་བྱིན་གྱིས་བརླབ། །སྒོ་རྣམས་ཀྱི་ནི་དབུས་མའི་ཆ། །ཆ་དགུ་རུ་ནི་རྣམ་དབྱེ་བ། །དཀྱིལ་འཁོར་སྒོ་རུ་བསམས་ནས་ནི། །སྒོ་ཁྱུད་དེར་ནི་བྱ་བ་ཡིན། །སྒོ་ཁྱུད་དཀྱིལ་འཁོར་རྣམ་པ་ནི། །སྙིང་པོའི་དཀྱིལ་འཁོར་དང་མཉམ་པར། །དགུ
8b4 ཆ་རུ་ནི་རྣམ་བགོས་ཏེ། །གྲཝ་ཡི་དཀྱིལ་འཁོར་དོར་བར་བྱ། །ཐ་མར་ཁྱམས་དང་ལྡན་པ་ཡི། །དཀྱིལ་འཁོར་ལྔས་ནི་བརྒྱན་པ་དང་། །ཁ་དོག་ལྔ་དང་ཡང་དག་ལྡན། །གྲུ་བཞི་པར་ནི་བརྟག་པར་བྱ། །ལྟ་བ་ལྔ་པོ་བགྲོད་དཀའ་ཆེ། །ཁ་དོག་ལྔ་ཡི་དེ་བཞིན་གཤེགས། །
8b5 སངས་རྒྱས་ལྔ་དང་མཉམ་སྦྱོར་བས། །ས་ནི་ཚོན་གྱིས་རབ་ཏུ་བསྒྱུར། །དཀྱིལ་འཁོར་ལྔ་ཡི་དབུས་སུ་ནི། །སངས་རྒྱས་ལྔ་ནི་དགོད་པར་བྱ། །ཁ་དོག་ལྔ་དང་ཏིང་འཛིན་གྱིས། །འདོད་པའི་ཡོན་ཏན་ལྔ་ཡིས་ཁྱབ། །ཤེལ་དང་ཟླ་བའི་འོད་འདྲ་ཞིང་། །སངས་རྒྱས་ཐམས
8b6 ཅད་གཅིག་བསྡུས་པ། །དེ་བཞིན་གཤེགས་པ་རྣམ་སྣང་མཛད། །དཔའ་བོའི་ལྟ་བ་དེ་བཞིན་གཤེགས། །ིནྡྲ་ནཱི་ལའི་འོད་འདྲ་ཞིང་། །རྡོ་རྗེ་ཐམས་ཅད་གཅིག་བསྡུས་པ། །མི་བསྐྱོད་ཡེ་ཤེས་ལས་བྱུང་བ། །རྡོ་རྗེའི་ལྟ་བ་དེ་བཞིན་གཤེགས། །འཛམ་བུའི་གསེར་གྱི
8b7 འོད་འདྲ་ཞིང་། །སངས་རྒྱས་ཐམས་ཅད་གཅིག་བསྡུས་པ། །སེམས་ཅན་ཀུན་གྱི་དོན་དུ་བྱུང་། །འབར་བའི་ལྟ་བ་དེ་བཞིན་གཤེགས། །དཔའ་བོ་ཆེན་པོ་པདྨ་འདྲ། །པདྨ་རཱ་གའི་ནོར་བུའི་འོད། །ཆོས་ཀྱི་ཡེ་ཤེས་ལས་བྱུང་བ། །ཆགས་པའི་ལྟ་བ་དེ་བཞིན་གཤེགས། །
iiif viewer powered by OpenSeadragon
