| e-texts navigator |
| Wylie |
8a1 ནི་མཉམ་སྦྱོར་བ། །རྣམ་པར་སྣང་མཛད་ཅེས་བཤད་དོ། །བུ་མོ་ལོ་གྲངས་བཅུ་གཉིས་པར། །སྐྱེས་མཆོག་ཐུབ་པས་གང་གསུངས་པ། །ཕ་རོལ་ཕྱིན་པ་བཅུ་གཉིས་སུ། །གསུངས་ཀྱི་གཞན་དུ་མི་བརྟག་གོ། །བུ་མོ་ལོ་གྲངས་བཅུ་དྲུག་པར། །དེ
8a2 བཞིན་གཤེགས་པས་གང་གསུངས་པ། །རྡོ་རྗེ་སེམས་སོགས་སེམས་དཔའ་ཡི། །བསྒོམ་པའི་དོན་གྱི་སྒྲ་ཡིན་ནོ། །ལྷ་མོ་ལོ་གྲངས་ཉི་ཤུ་པར། །འཁོར་ལོས་སྒྱུར་བས་ཇི་སྐད་གསུངས། །མཆོད་པ་ཉི་ཤུའི་བདག་ཉིད་ཅན། །ཉི་ཤུ་པོ་དང་རིམ་བཞིན་ནོ། །རང
8a3 གི་ཆུང་མ་རང་རིག་ལས། །བྱུང་བའི་རང་རིགས་ཡིན་པར་བཤད། །གཞན་གྱི་ཆུང་མར་གང་བསྟན་པ། །གཞན་སྡུག་གཞན་གྱི་རིག་པ་ཡིན། །གཅི་དང་རྡོ་རྗེ་ཞེས་བཤད་པ། །རྡོ་རྗེ་ཡེ་ཤེས་བླ་མེད་ཡིན། །བཤང་དང་པདྨ་ཞེས་བཤད་པ། །ཆོས་ཀྱི་ཡེ་ཤེས
8a4 རྙོག་མེད་ཡིན། །ཡོངས་སུ་གསལ་བར་རྣམ་ཤེས་པ། །དཀྱིལ་འཁོར་ཐུགས་ཀྱི་དམ་པ་ཡིན། །སྐུ་གསུང་ཐུགས་ཀྱི་སྤྱོད་པ་ཡིས། །འབད་པ་ཡིས་ནི་མཆོད་བྱེད་པ། །རང་གི་རྡོ་རྗེ་པདྨར་ལྡན། །དབང་པོ་གཉིས་ལས་བྱུང་བ་ཡི། །རང་གི་ཁུ་བ་ཐིག་ལེ་ཡིས། །
8a5 རྡོ་རྗེ་སེམས་དཔའ་མཆོད་པར་བྱ། །ཚོགས་གཉིས་ཀྱི་ནི་སྦྱོར་བ་ཡིས། །སངས་རྒྱས་ཐམས་ཅད་གཅིག་བསྡུས་པ། །གཉིས་མེད་གཉིས་ཉིད་ལ་བརྟེན་པ། །ཐུགས་རྗེ་ཉམས་དང་ཡང་དག་ལྡན། །དབང་པོ་གཉིས་ཀྱི་མཉམ་སྦྱོར་བས། །རང་གི་ཁུ་བ་མཁས་པ་ཡིས། །
8a6 རྣལ་འབྱོར་ཆེན་པོ་བྱུང་ནས་ནི། །དཀྱིལ་འཁོར་ཡང་དག་བྱིན་གྱིས་བརླབ། །དགོད་དམ་རབ་ཏུ་སྨྲ་བ་འམ། །སངས་རྒྱས་རོལ་མོའི་གར་བྱེད་པ། །ལྷ་མོ་བཞི་ཡི་མཉམ་སྦྱོར་བས། །རྒྱུ་དང་མི་རྒྱུ་རྣམས་ཀྱིས་རོལ། །གསང་ཞིང་ལེགས་པར་བསྒྲིལ་པ་དང་། །ཚད་དང་ལྡན་ཞིང
8a7 མཛེས་པ་ཡིས། །ཤེས་རབ་ཅན་གྱིས་ཐིག་གདབ་པ། །སྐུ་གསུང་ཐུགས་ནི་བསྒོམས་པས་སོ། །ཟུར་བཞི་པ་ལ་སྒོ་བཞི་པ། །རྟ་བབས་བཞིས་ནི་མཛེས་བྱས་ལ། །ཐིག་བཞི་དང་ནི་ཡང་དག་ལྡན། །དར་དང་མེ་ཏོག་ཕྲེང་བས་བརྒྱན། །གྲཝ་ཡི་མཚམས་ནི་ཐམས་ཅད་དང་། །སྒོ་ཁྱུད
iiif viewer powered by OpenSeadragon
