| e-texts navigator |
| Wylie |
7b1 འཁོར་ལྔ་ཡིས་བརྒྱན་པ་ཡིན། །སངས་རྒྱས་ལྔ་ཡི་མངོན་བྱང་ཆུབ། །རིམ་པ་བཞིན་དུ་བསྟན་བྱ་སྟེ། །གང་ཞིག་གུང་མོ་སྟོན་པ་ནི། །ནམ་མཁའ་ལས་ནི་བྱུང་བ་མཚོན། །གང་ཞིག་མཛུབ་མོ་སྟོན་པ་ནི། །དེས་ནི་དབང་ཆེན་དཀྱིལ་འཁོར་ཡིན། །གང་ཞིག
7b2 སྲིན་ལག་སྟོན་པ་ནི། །ཆུ་ཡི་དཀྱིལ་འཁོར་ཞེས་བཤད་དོ། །གང་ཞིག་མཐེ་བོ་སྟོན་པ་ནི། །དེ་ཡིས་མེ་ནི་མཚོན་པ་ཡིན། །གང་ཞིག་མཐེའུ་སྟོན་པ་ནི། །རླུང་གི་དཀྱིལ་འཁོར་ཉིད་དུ་འགྱུར། །གང་ཞིག་ལྟེ་བ་སྟོན་པ་ནི། །རྡོ་རྗེ་དབྱིངས་ཀྱི་དབང་ཕྱུག་བཤད། །
7b3 གང་ཞིག་སྙིང་ག་སྟོན་པ་ནི། །རྡོ་རྗེ་སེམས་མར་རྗེས་སུ་དཔག་།གང་ཞིག་སྨིན་མཚམས་སྟོན་པ་ནི། །རྡོ་རྗེ་རིན་ཆེན་མ་ཞེས་བྱ། །གང་ཞིག་ལྐོག་མ་སྟོན་པ་ནི། །རྡོ་རྗེ་ཆོས་མར་ཤེས་པར་བྱ། །གང་ཞིག་སྤྱི་བོ་སྟོན་པ་ནི། །རྡོ་རྗེ་ལས་མར་ཤེས་པར་བྱ། །བྱང་ཆུབ
7b4 ལྔར་མངོན་བྱང་ཆུབ་པའམ། །ཡང་ན་ཡེ་ཤེས་ལྔ་རྣམས་སམ། །སངས་རྒྱས་ལྔ་དང་ཡང་དག་ལྡན། །དཀྱིལ་འཁོར་བྱང་ཆུབ་ཡིན་པར་བསྟན། །སྔོན་གྱི་སྒྲར་ནི་ཇི་སྐད་བཤད། །མདུན་དུ་དེ་ནི་རབ་ཏུ་བསྟན། །རྒྱབ་ཀྱི་སྒྲར་ནི་ཇི་ལྟར་བཤད། །ཕྱི་མར་དེ་ནི་ཡང་དག་བསྟན། །
7b5 གང་དུ་ཐོག་མའི་སྒྲར་གྱུར་པ། །དེ་ནི་རྒྱུ་ཡི་སྒྲ་རུ་བསྟན། །གང་ཞིག་ཐ་མའི་སྒྲར་གྱུར་པ། །འདིར་ནི་འབྲས་བུར་ཡང་དག་བསྟན། །སངས་རྒྱས་བཅོམ་ལྡན་གཉིས་མི་མངའ། །རྒྱུ་དང་འབྲས་བུར་ལྡན་འགྱུར་མིན། །གང་ཕྱིར་ཐོག་མ་ཐ་མ་མེད། །དེ་ཕྱིར་རྟག་པ་ཞེས་བཤད་དོ། །
7b6 རང་སེམས་རྟོགས་པས་སངས་རྒྱས་ཏེ། །རྟོགས་པར་བྱ་བའང་སེམས་ཉིད་ཡིན། །སངས་རྒྱས་ཞིང་ཞེས་བཤད་པ་དང་། །བྱང་ཆུབ་སེམས་སུ་ཤེས་པར་བྱ། །རང་བཞིན་དག་པའི་སེམས་ཅན་ནི། །ཀུན་ཏུ་རིག་པར་ཡང་དག་བཤད། །སེམས་ཅན་རང་བཞིན་དག་པ་ནི། །
7b7 བྱང་ཆུབ་སེམས་སུ་ཤེས་པར་བྱ། །དང་པོར་གྱུར་པ་སྙིང་གར་རྡེབས། །བརྟན་པ་ཉིད་དུའང་རང་ཉིད་འགྱུར། །སྐྲ་འཛིན་པ་ནི་རལ་པའི་དབུས། །འོད་དཔག་མེད་དུ་མཉམ་གཞག་ཡིན། །ཙུམ་པ་ན་ནི་རྗེས་བཤད་པ། །དེ་བཞིན་གཤེགས་པ་རྡོ་རྗེ་གསུང་། །དབང་པོ་གཉིས
iiif viewer powered by OpenSeadragon
