| e-texts navigator |
| Wylie |
7a1 ཡིན་དེ། །བྱང་ཆུབ་སེམས་ནི་བླ་མེད་ཡིན། །སེམས་ནི་དོན་ཀུན་སྐྱེད་བྱེད་པ། །ཟླ་བའི་དཀྱིལ་འཁོར་ཡིན་པར་བཤད། །ཤེས་རབ་ཡེ་ཤེས་རང་བཞིན་དག་།རྡོ་རྗེ་ལྟ་བུའི་ཏིང་འཛིན་སྐྱེས། །ཐར་པའི་སྣང་བ་གཟི་བརྗིད་ཆེ། །ཉི་མའི་དཀྱིལ་འཁོར
7a2 ཡིན་པར་བཤད། །ཚོན་རྩི་ལྔར་ནི་ཡང་དག་བཤད། །ལྟ་བ་ལྔ་ཡི་མེ་ཏོག་ཡིན། །ཡེ་ཤེས་ལྔ་ཡི་དེས་སྦྱོར་ཉིད། །སངས་རྒྱས་ལྔ་ཞེས་ཡང་དག་བཤད། །ནམ་མཁའ་བཞིན་དུ་བདག་མེད་པའི། །རྣམ་ཤེས་ཡེ་ཤེས་དམ་པ་ཡིན། །ཡེ་ཤེས་དེ་ཡི་རྒྱན
7a3 བཤད་པ། །ཆགས་པའི་སེམས་ཞེས་བྱ་བར་བཤད། །ཆགས་བྲལ་ལས་ནི་བྱང་ཆུབ་འབྱུང་། །ཆགས་པའི་སེམས་ལས་གཞན་ཡིན་ནོ། །དེ་བས་ཆགས་དང་ཆགས་བྲལ་བ། །བྱང་ཆུབ་སེམས་ཞེས་ཡང་དག་བཤད། །འཇིག་རྟེན་ཆགས་དང་བྲལ་བས་འདུལ། །
7a4 ཕྱག་རྒྱའི་དངོས་གྲུབ་ཆགས་ལས་བྱུང་། །དེར་ནི་ཐབས་ཀྱི་སྒོམ་པ་དག་།དངོས་གྲུབ་ཐམས་ཅད་སྟེར་བ་ཡིན། །ཇི་ལྟར་འཇིག་རྟེན་འདུལ་འགྱུར་བ། །དེ་ལྟར་རྣལ་འབྱོར་པ་ཡིས་སྤྱད། །ཇི་ལྟར་གདུལ་བྱ་དག་གྱུར་པ། །ཞེན་པ་ཀུན་ཏུ་མཆོད་པར་འགྱུར། །མཚན
7a5 ཉིད་གང་ཞིག་ཡང་དག་བཤད། །མཚན་ཉིད་དེས་ནི་མཚོན་པར་འགྱུར། །སྐུ་གསུང་ཐུགས་ཀྱི་ཕྱག་རྒྱ་ཡིས། །རྒྱས་བཏབ་ཡེ་ཤེས་ཡིན་པ་བཤད། །ཕྱག་རྒྱ་བསྒོམས་པས་རྣལ་འབྱོར་པ། །རྟག་ཏུ་ཕྱག་རྒྱའི་བདག་ཅན་འགྱུར། །རྒྱས་བཏབ་དངོས་པོ་ཤེས་ནས་ནི། །
7a6 བསྒོམས་ན་ཕྱག་རྒྱས་བཏབ་པར་འགྱུར། །མཚན་དང་མཚན་ཉིད་འབྲེལ་བ་ནི། །ཤེས་ནས་རྣལ་འབྱོར་ཡང་དག་སྤྱོད། །ཇི་ལྟར་མཚན་ཉིད་ཡང་དག་གྲུབ། །དེ་བཞིན་དག་པ་མྱུར་དུ་འགྲུབ། །གཡས་པའི་ཆ་ཡི་མཚན་མས་ནི། །ཤེས་རབ་ཅན་ནི་རབ་ཏུ་བསྟན། །
7a7 གཡོན་གྱི་མཚན་མ་ཇི་ལྟར་མཐོང་། །དེ་ཡིས་ཐུགས་རྗེ་མཚོན་པ་ཡིན། །ཕྱག་ནི་གཉིས་ཀའི་མཉམ་སྦྱོར་ལས། །ཏིང་འཛིན་གཉིས་སུ་བཤད་པ་ཡིན། །ཞབས་གཉིས་ཀྱི་ནི་མཚན་མ་ཡིས། །ཚོགས་གཉིས་དག་ནི་བསྟན་པ་ཡིན། །སོར་མོ་ལྔ་ཡི་མཉམ་སྦྱོར་ལས། །དཀྱིལ
iiif viewer powered by OpenSeadragon
