| e-texts navigator |
| Wylie |
6b1 དགྱེས་པས་ལེགས་སོ་ཞེས་བྱ་བ། །སྤྲས་པས་རིན་པོ་ཆེ་རུ་བཤད། །གཟི་བརྗིད་ཅེས་བྱ་ཉི་མ་ཡིན། །བསྒྲེང་བས་ཏོག་ཏུ་བཤད་པ་སྟེ། །རྣམ་པར་འབྱེད་པས་བཞད་པར་བཤད། །འདོད་ཆགས་དག་པ་པདྨ་ཡིན། །ཉོན་མོངས་དགྲ་བཅོམ་རལ་གྲི་སྟེ། །དཀྱིལ
6b2 འཁོར་སྦྱོར་བས་འཁོར་ལོ་ཡིན། །གང་གི་བརྗོད་པས་སྨྲ་བར་བཤད། །ཀུན་ཉིད་སྣ་ཚོགས་རྡོ་རྗེ་ཡིན། །གཞིག་དཀའི་སྦྱོར་བ་གོ་ཆ་ཡིན། །འཇིགས་པའི་སྤྱོད་པའི་མཆེ་བ་སྟེ། །ཕྱག་རྒྱའི་སྦྱོར་ཉིད་བཅིང་བ་ཡིན། །དཀྱིལ་འཁོར་དུ་ནི་གང་བཤད་པ། །ཡིད་ཀྱི་དཀྱིལ
6b3 འཁོར་དམ་པ་ཡིན། །གཞལ་ཡས་ཁང་ནི་ཡེ་ཤེས་ཏེ། །སེམས་ཀྱི་བརྩེགས་པ་བསྒྲེང་བ་ཡིན། །ཕྱི་ཡི་གྲུ་བཞི་བ་གང་ཡིན། །ཚད་ཀྱིས་མཉམ་པ་ཉིད་གྱུར་པ། །བྱམས་པ་ལ་སོགས་སེམས་གང་ཡིན། །ཐིག་བཞི་ཞེས་ནི་བཤད་པ་ཡིན། །ཆོས་ཀྱི་སྦྱོར་བ་རྗེས་དྲན་ཉིད། །
6b4 གང་དེ་རྡོ་རྗེ་ཐིག་ཏུ་བཤད། །ལྟ་བ་ཀུན་ལས་རྣམ་གྲོལ་བ། །ཡེ་ཤེས་ཐིག་ཏུ་བཤད་པ་ཡིན། །ཚུལ་ཁྲིམས་ཚོགས་ཀྱི་དམ་པ་ནི། །གང་ཞིག་རྒྱན་དུ་བཤད་པ་ཡིན། །དད་དབང་ལ་སོགས་སེམས་གང་ཡིན། །ར་བ་ལྔར་ནི་ཡང་དག་བྱུང་། །རྣམ་པར་ཐར་པ་བཞི་པོ་ནི། །སྒོ
6b5 རྣམས་སུ་ནི་ཡང་དག་བཤད། །ཡང་དག་སྤོང་བ་བཞི་པོ་ནི། །རྟ་བབས་རྣམས་དག་ཀ་བར་བྱུང་། །དྲན་པ་ཉེར་གཞག་བཞི་པོ་ནི། །ཁྱམས་རྣམས་བཞི་པོར་ཤེས་པར་བྱ། །རྫུ་འཕྲུལ་རྐང་པ་བཞི་པོ་ནི། །དེ་ནི་སྒོ་ཁྱུད་རྣམ་བཞི་ཡིན། །བྱང་ཆུབ་ཡན་ལག་བདུན་པོ་ནི། །
6b6 ཕྲེང་བ་མེ་ཏོག་ཆུན་བརྒྱན་པ། །འཕགས་ལམ་ཡན་ལག་བརྒྱད་པོ་ནི། །ཀ་བ་བརྒྱད་ཅེས་བྱ་བར་བཤད། །སྒྲིབ་པ་གཉིས་ལས་རྣམ་གྲོལ་ཞིང་། །ཏིང་འཛིན་ཡེ་ཤེས་ཀྱིས་བརྟགས་པ། །ལམ་གྱི་ཡེ་ཤེས་ཁྱད་པར་རྣམས། །རྔ་ཡབ་ཅེས་ནི་ཡང་དག་བཤད། །ཉོན
6b7 མོངས་ཐམས་ཅད་དེས་གཅོད་ཅིང་། །ཉོན་མོངས་འཕྲོག་པས་དྲ་བ་སྟེ། །ཡང་དག་གཅོད་ཅིང་སྤོང་བ་ཉིད། །སེལ་བའི་སྤོང་བ་ལ་གནས་པ། །ཚོགས་གཉིས་ཀྱི་ནི་སྦྱོར་བ་ཉིད། །ཉོན་མོངས་པ་ཡི་ཕྱེད་འཕྲོག་པ། །དྲ་བ་ཕྱེད་ཅེས་བྱ་བར་བཤད། །རང་བཞིན་འོད་གསལ་གང
iiif viewer powered by OpenSeadragon
