| e-texts navigator |
| Wylie |
6a1 བཅུ་གཉིས་ཡང་དག་བྱུང་། །རྡོ་རྗེ་ཕ་རོལ་ཕྱིན་པའི་འོད། །བྱང་ཆུབ་སེམས་ནི་རབ་བསྒོམས་པས། །ཕ་རོལ་སངས་རྒྱས་ཉིད་སོན་པའི། །ཕ་རོལ་ཕྱིན་ཐོབ་ཡེ་ཤེས་ནི། །རྡོ་རྗེ་སེམས་མར་བཤད་པ་ཡིན། །བསྡུ་བའི་དངོས་པོ་བཞི་རྣམས་ནི། །
6a2 ཤེས་རབ་ཕ་རོལ་ཕྱིན་རྡོ་རྗེ། །ཆོས་བཞི་གཅིག་ཏུ་གྱུར་པ་ནི། །རྡོ་རྗེ་རིན་ཆེན་མར་བཤད་དོ། །གསང་བའི་ཡེ་ཤེས་ཡེ་ཤེས་ཆེ། །དེ་ཉིད་ཕ་རོལ་ཕྱིན་དགེ་བ། །ཕ་རོལ་ཕྱིན་པ་ཆེ་ལས་བྱུང་། །རྡོ་རྗེ་ཆོས་མར་ཤེས་པར་བྱ། །ཕ་རོལ་ཕྱིན་པའི་དགེ་བ་ནི། །སྦྱོར
6a3 བའི་ཐབས་སུ་རབ་བསྟན་པ། །རྡོ་རྗེ་ལས་མར་ཤེས་པར་བྱ། །གང་ཕྱིར་དེ་ནི་རོལ་བ་དགེ། །སྒེག་མོ་སྦྱིན་པའི་ཕ་རོལ་ཕྱིན། །ཚུལ་ཁྲིམས་ཕ་རོལ་ཕྱིན་དགེ་བས། །བརྒྱན་པའི་ཡན་ལག་ཡིད་འོང་ཡིན། །གླུ་མ་བཟོད་པའི་ཕ་རོལ་ཕྱིན། །ཆེད་དུ་བརྗོད་པའི་ཆོས
6a4 བརྗོད་པའོ། །གར་མ་བརྩོན་འགྲུས་ཕ་རོལ་ཕྱིན། །མྱུར་དུ་སངས་རྒྱས་ཉིད་སྟེར་བའོ། །བདུག་པ་ཤེས་རབ་ཕ་རོལ་ཕྱིན། །ཀུན་ཏུ་ཁྱབ་པར་སྤྲོས་ཕྱིར་རོ། །མེ་ཏོག་བསམ་གཏན་ཕ་རོལ་ཕྱིན། །འདོད་པའི་འདམ་གྱིས་མ་གོས་པའོ། །མར་མེ་སྨོན་ལམ་ཕ་རོལ་ཕྱིན། །
6a5 ཕྱོགས་ཀུན་སྣང་བར་བྱེད་པ་ཡིན། །དྲི་ནི་ཐབས་ཀྱི་ཕ་རོལ་ཕྱིན། །དྲི་ངན་ཐུར་སེལ་དགེ་བ་ཡིན། །སངས་རྒྱས་ཀུན་གྱི་ཐབས་ཆེན་པོ། །དབྱེ་བ་རྣམ་པ་བཞི་ཡིས་གནས། །ཐམས་ཅད་འདོད་པའི་ཐབས་ཆེན་པོ། །རྡོ་རྗེ་ལྕགས་ཀྱུ་ཞེས་བཤད་དོ། །བྱང་ཆུབ་སྤྱད་པ
6a6 སྤྱོད་བྱེད་པ། །རྡོ་རྗེ་ཞགས་པ་ཞེས་བཤད་དོ། །ཐེག་པ་འདི་ལ་བརྟན་འགྱུར་གང་། །རྡོ་རྗེ་ལྕགས་སྒྲོག་ཅེས་བཤད་དོ། །ཆོས་རྣམས་ཐམས་ཅད་མ་སྐྱེས་ཤིང་། །གདོད་ནས་ཞི་བ་མཁའ་དང་མཉམ། །དེ་ལྟའི་ཚིག་ནི་རབ་འཇུག་པས། །རྡོ་རྗེ་དྲིལ་བུ་ཞེས་བཤད་དོ། །
6a7 ཚོགས་གཉིས་ཀྱིས་ནི་སྦྱོར་བ་ཡིས། །སེམས་ཅན་ཀུན་གྱི་དོན་སྟོན་པའི། །སེམས་ནི་རང་བཞིན་གྱིས་འོད་གསལ། །ཟླ་བའི་དཀྱིལ་འཁོར་ཡིན་པར་བཤད། །ཡང་དག་རྡོ་རྗེ་རྟོགས་པ་སྟེ། །འཛིན་པའི་སྦྱོར་ཉིད་ལྕགས་ཀྱུ་ཡིན། །ཕྲ་བར་འབིགས་པ་མདའ་ཞེས་བྱ། །
iiif viewer powered by OpenSeadragon
