| e-texts navigator |
| Wylie |
5b1 དག་ལས་ནི་ངེས་པར་བྱུང་། །ཐར་པའི་སྣང་བ་གཟི་བརྗིད་ཆེ། །རྡོ་རྗེ་ཉི་མར་དེ་བཤད་དོ། །རྣམ་པ་ཀུན་གྱི་དངོས་ཡེ་ཤེས། །ཐར་པའི་ལམ་འཇུག་ཐོབ་མཛད་གང་། །ཆོས་ཀྱི་རྒྱལ་མཚན་ཏོག་ཆེན་པོ། །རྡོ་རྗེ་དབལ་དུ་དེ་བཤད་དོ། །རྡོ་རྗེ་བཞད་པ་རྣལ་འབྱོར་ཆེ། །སངས
5b2 རྒྱས་ཀུན་འབྱུང་རྨད་བྱུང་བ། །འདི་ནི་བྱང་ཆུབ་སེམས་དཔའ་ཆེ། །རྡོ་རྗེ་བཞད་པར་དེ་བཤད་དོ། །སངས་རྒྱས་ཀུན་གྱི་རྣལ་འབྱོར་ཆེ། །སངས་རྒྱས་ཆོས་ནི་རྟོགས་མཛད་པ། །དེ་བཞིན་གཤེགས་པའི་ཆོས་དག་པ། །རྡོ་རྗེ་ཆོས་སུ་དེ་བཤད་དོ། །ཤེས་རབ་རྣོན་པོ་ཐེག་པ་ཆེ། །
5b3 ཉོན་མོངས་ཐམས་ཅད་ངེས་གཅོད་མཛད། །ཤེས་བྱའི་སྒྲིབ་པ་གཅོད་པ་པོ། །རྡོ་རྗེ་རྣོན་པོར་དེ་བཤད་དོ། །སངས་རྒྱས་རོལ་མོའི་འཁོར་ལོ་ནི། །ཆོས་ཀྱི་འཁོར་ལོ་རབ་བསྐོར་བས། །སེམས་དཔའ་ཆེན་པོ་ཐེག་པ་ཆེ། །རྡོ་རྗེ་རྒྱུ་ཞེས་དེ་བཤད་དོ། །ཤེས་རབ་ཡེ
5b4 ཤེས་རང་བཞིན་དག་། གསུང་གི་སྒྲ་ནི་རྣམ་པར་སྤངས། །འཇམ་པའི་གསུང་གི་བདག་ཉིད་གྱུར། །རྡོ་རྗེ་སྨྲ་བར་དེ་བཤད་དོ། །ཕ་རོལ་ཕྱིན་པ་ཀུན་གྱི་ཞབས། །ཆོས་རྣམས་ཐམས་ཅད་རྟོགས་མཛད་པ། །སེམས་ཅན་ཀུན་དོན་སྤྲུལ་པ་པོ། །རྡོ་རྗེ་ལས་ཞེས་བྱ་བར
5b5 བཤད། །སངས་རྒྱས་རྗེས་དྲན་ཡང་དག་གྲུབ། །ཐེག་པ་དམན་པ་རྣམ་སྤངས་ཤིང་། །བྱང་ཆུབ་སེམས་ལ་རབ་ཞུགས་པ། །རྡོ་རྗེ་བསྲུང་བར་དེ་བཤད་དོ། །སྡིག་པ་ཐམས་ཅད་ཟད་བྱེད་ཅིང་། །དེ་བཞིན་ཉོན་མོངས་རྣམ་སྲེག་ལ། །ཉོན་མོངས་ཟད་པ་ཉེར་ལེན་པས། །
5b6 རྡོ་རྗེ་གནོད་སྦྱིན་དེ་བཤད་དོ། །སྐུ་གསུང་ཐུགས་ཀྱི་རྡོ་རྗེ་རྣམས། །བཅིང་བ་རུ་ནི་ཡང་དག་གྱུར། །དེ་ཉིད་དེ་ཉིད་ཡེ་ཤེས་ཏེ། །རྡོ་རྗེ་ཁུ་ཚུར་ཞེས་བཤད་དོ། །དམ་ཚིག་ཕྱག་རྒྱ་ཐམས་ཅད་ནི། །རྡོ་རྗེ་བསྡམས་ལས་ཡང་དག་བྱུང་། །རྡོ་རྗེ་ཁུ་ཚུར་གཉིས་གྱུར་པ། །
5b7 ལས་ཀྱི་ཕྱག་རྒྱ་ཞེས་བཤད་དོ། །ང་རྒྱལ་མེད་ཅིང་སྣང་བ་མེད། །མཚན་མ་མེད་ཅིང་ཞེན་པ་མེད། །བདག་མེད་མཉམ་ཉིད་ཡེ་ཤེས་ནི། །རྡོ་རྗེ་སེམས་དཔའ་ཞེས་བྱར་བཤད། །གསང་བའི་མཉམ་པར་འབྱོར་པ་འདིར། །ཡེ་ཤེས་ཕ་རོལ་ཕྱིན་དགེ་བ། །རྣམ་པ
iiif viewer powered by OpenSeadragon
