| e-texts navigator |
| Wylie |
5a1 མེད་ལས་ཡང་དག་བྱུང་། །གཉིས་མེད་ཡེ་ཤེས་དམ་པ་སྟེ། །ཆོས་ཉིད་མཆོག་གི་ཡེ་ཤེས་ནི། །ཆོས་ཀྱི་དབྱིངས་ཞེས་ཡང་དག་བཤད། །འདི་ནི་ཆོས་དབྱིངས་ཡེ་ཤེས་ཏེ། །རྡོ་རྗེ་ལྟ་བུའི་ཏིང་འཛིན་སྐྱེས། །རྡོ་རྗེ་ཡེ་ཤེས་རང་བཞིན
5a2 སེམས། །རྡོ་རྗེ་དབྱིངས་ཞེས་བྱ་བར་བཤད། །སེམས་ཀྱི་སྤྲོ་བའི་སྦྱོར་བ་ཡིས། །ཕྲ་མོའི་ཡེ་ཤེས་སོགས་སྦྱོར་བ། །དེ་བཞིན་གཤེགས་ཀུན་ཡེ་ཤེས་ནི། །རྣམ་པར་སྣང་མཛད་ཅེས་བྱར་བཤད། །བྱམས་པ་སྤྲོ་བའི་སྦྱོར་བ་ཡིས། །སྦྱོར་བ་སྤྱོད་པར
5a3 བྱེད་པའི་མཆོག་། ཟག་མེད་བརྟན་པར་གྱུར་པ་ཡི། །ཐུགས་ནི་མི་བསྐྱོད་པ་ཞེས་བཤད། །ཐུགས་རྗེ་སྤྲོ་བའི་ཚུལ་གྱིས་ནི། །སེམས་ཅན་ཕན་འདོགས་མཛད་པ་པོ། །ཐུགས་ནི་འགྲོ་དོན་ཡང་དག་ལྡན། །རིན་ཆེན་འབྱུང་ལྡན་ཞེས་བཤད་དོ། །
5a4 དགའ་བས་སྤྲོ་བའི་སྦྱོར་བ་ཡིས། །ཐེག་ཆེན་མཆོག་ནི་དྲི་མ་མེད། །ཐུགས་ནི་འོད་གསལ་དག་པ་ནི། །འོད་དཔག་མེད་ཅེས་དེ་བཤད་དོ། །བཏང་སྙོམས་སྤྲོ་བར་མཛད་པའི་ཤུགས། །སེམས་ཅན་ཐམས་ཅད་རྟོགས་མཛད་པ། །དོན་ཡོད་བླ་མེད་བྱ་བ་ནི། །
5a5 དོན་ཡོད་གྲུབ་པར་དེ་བཤད་དོ། །བྱང་ཆུབ་རང་བཞིན་ཡེ་ཤེས་མཆོག་།དེ་འདིར་རྡོ་རྗེ་ཞེས་བཤད་དེ། །རྡོ་རྗེ་ཡེ་ཤེས་ལས་བྱུང་བ། །རྡོ་རྗེ་སེམས་དཔའ་དེ་བཤད་དོ། །སངས་རྒྱས་ཐམས་ཅད་སྤྱན་འདྲེན་པ། །རྡོ་རྗེ་ལྕགས་ཀྱུ་ཞེས་བཤད་དེ། །རྡོ་རྗེའི་རིགས་རྣམས
5a6 ཀུན་གྱི་རྒྱལ། །རྡོ་རྗེ་རྒྱལ་པོར་དེ་བཤད་དོ། །སངས་རྒྱས་ཐམས་ཅད་ཆགས་བྱེད་པས། །མཉེས་པར་བྱེད་པ་ཞེས་བཤད་དེ། །བདུད་ཀྱི་སྦྱོར་བ་ཆགས་པ་ཆེ། །རྡོ་རྗེ་ཆགས་པར་དེ་བཤད་དོ། །སངས་རྒྱས་ཐམས་ཅད་མཉེས་བྱེད་ཅིང་། །ལེགས་སོ་ཞེས་པ་རབ
5a7 སོགས་པ། །བྱང་ཆུབ་སེམས་དཔའ་དགའ་བྱེད་པས། །རྡོ་རྗེ་ལེགས་པར་དེ་བཤད་དོ། །བྱང་ཆུབ་སེམས་དཔའི་སྦྱིན་པ་གང་། །མཁའ་མཉམ་རྡོ་རྗེ་ལས་བྱུང་བ། །དོན་ཡོད་རིན་ཆེན་ཆེན་པོ་སྟེ། །རྡོ་རྗེ་རིན་ཆེན་དེ་བཤད་དོ། །མ་རིག་བྲལ་བའི་ཡེ་ཤེས་ནི། །ཚོགས
iiif viewer powered by OpenSeadragon
