| e-texts navigator |
| Wylie |
3b1 རྣམ་པ་བཞི། །ཞི་བ་ལ་ནི་སྤྱན་གྱི་ཚུལ། །རྒྱས་པ་པདྨའི་རྡོ་རྗེ་ཅན། །དབང་ལ་རྣམ་པར་སྣང་མཛད་གནས། །རྡོ་རྗེ་ཁྲོ་བོ་མངོན་སྤྱོད་ལའོ། །ཞི་བ་དགོངས་ཀ་བྱ་བ་ཡིན། །དེ་བཞིན་རྒྱས་པ་སྔ་དྲོ་ལ། །གདུག་པའི་ལས་རྣམས་ཉི་མའི་གུང་། །དབང
3b2 གི་ལས་ནི་མཚན་ཕྱེད་བྱ། །ཞི་ལ་དཀར་པོ་སྦྱར་བར་བྱ། །སེར་པོར་སྣང་བ་རྒྱས་པ་ལ། །དབང་གི་ལས་ལ་དམར་པོ་སྟེ། །གདུག་པ་ནག་པོ་རབ་ཏུ་སྦྱར། །ཏིང་འཛིན་ཡེ་ཤེས་ལས་བྱུང་བ། །ལས་ཀྱི་བསྒྲུབ་པ་དམ་པ་ཡིན། །བཅོམ་ལྡན་དག་པ་བསྒོམ
3b3 བྱ་སྟེ། །སངས་རྒྱས་ཀུན་ལས་མི་གཡོ་གྱུར། །བྷ་གའི་དབུས་སུ་གསང་བའི་བདག་།རྡོ་རྗེའི་དབྱིངས་ནི་དེ་བཞིན་གཤེགས། །ལྔ་ཡི་བདག་གྱུར་བདག་ཉིད་ནི། །བསྒོམས་ན་གཡོ་བ་མེད་པར་འགྱུར། །སྙིང་ལ་གནས་པའི་ལྷ་མོ་ཆེ། །རྣལ་འབྱོར་པ་ཡི
3b4 རྣལ་འབྱོར་བསྐྱེད། །སངས་རྒྱས་ཐམས་ཅད་སྐྱེད་མཛད་ཡུམ། །རྡོ་རྗེ་དབྱིངས་ཀྱི་དབང་མོར་བཤད། །འདོད་ཆགས་ཞེ་སྡང་གཏི་མུག་སྟེ། །འདི་དག་འཇིག་རྟེན་དུག་གསུམ་ཡིན། །སངས་རྒྱས་བཅོམ་ལྡན་དུག་མི་མངའ། །རྡོ་རྗེ་དབྱིངས་ནི་དེ་བཞིན་གཤེགས། །
3b5 ཆགས་དང་སྡང་དང་རྨོངས་པ་རྣམས། །བསྒོམས་ནས་ཁམས་གསུམ་པ་ཡི་བདག་།སངས་རྒྱས་བཅོམ་ལྡན་འདས་གྱུར་ཏེ། །སངས་རྒྱས་བདེན་པས་དུག་བཅོམ་མོ། །རང་སེམས་སོ་སོར་རྟོགས་པ་ཡིས། །གཏི་མུག་སེམས་ནི་དེ་བཞིན་གཤེགས། །
3b6 རྨོངས་པ་ཉིད་ནི་འཇིག་རྟེན་གྱུར། །སེམས་ཅན་ཀུན་ལ་བལྟ་བར་བྱ། །ཞེ་སྡང་སེམས་ནི་དེ་བཞིན་གཤེགས། །ཕྲ་མོའི་ཡེ་ཤེས་ཡང་དག་བསྐྱེད། །སྡང་གྱུར་རྡོ་རྗེ་ཉིད་དུ་གྱུར། །སེམས་ཅན་ཐམས་ཅད་གཞིག་པར་བྱ། །འདོད་ཆགས་སེམས་ནི་དེ་བཞིན
3b7 གཤེགས། །བྱང་ཆུབ་སེམས་ནི་ཡང་དག་བསྐྱེད། །ཆགས་གྱུར་བཟང་པོ་ཉིད་གྱུར་པ། །སངས་རྒྱས་ཐམས་ཅད་ཆགས་པར་བྱ། །བྱམས་པའི་སེམས་ནི་དེ་བཞིན་གཤེགས། །ང་རྒྱལ་ཡང་དག་བསྐྱེད་ནས་ནི། །མཛའ་བོར་གྱུར་ཅིང་ཀུན་ཉིད་གྱུར། །
iiif viewer powered by OpenSeadragon
