| e-texts navigator |
| Wylie |
3a1 བཤད་པ། །མི་སྡུག་པ་ཡང་དེ་ཡི་དངོས། །སྡུག་དང་མི་སྡུག་གཟུགས་གང་ཡིན། །མི་མཐོང་དེ་ནི་དེ་བཞིན་གཤེགས། །རྣམ་ཤེས་ཙམ་ནི་མེད་པ་རུ། །རྣལ་འབྱོར་རྣལ་འབྱོར་འབྱུང་མི་འགྱུར། །ཅི་ལྟར་ཡེ་ཤེས་མཆོག་དག་པ། །དེ་ལྟར་དག
3a2 པ་དེ་བཞིན་གཤེགས། །རྣམ་པར་ཤེས་པ་རྣམ་པ་བཞི། །ཕྱག་རྒྱ་བཞི་ཡི་ཆོ་ག་ཡིས། །གསང་བ་གཉིས་མེད་སྦྱོར་བ་ཡིས། །སྐུ་གསུང་ཐུགས་ནི་ཡང་དག་བྱུང་། །ཐུགས་ནི་ཕྱག་རྒྱ་ཆེན་པོ་སྟེ། །དམ་ཚིག་ཕྱག་རྒྱ་ཀུན་ཏུ་འགྲོ། །ཆོས་ཀྱི་ཕྱག་རྒྱ་གསུང་གི་སྟེ། །
3a3 ལས་ཀྱི་ཕྱག་རྒྱ་སྐུ་ཡི་ཡིན། །རྒྱ་ཡིས་རྒྱས་བཏབ་དངོས་པོ་ནི། །གསང་བདག་གསང་བའི་རྣལ་འབྱོར་པའོ། །རང་རིག་པ་ཡི་ངོ་བོ་ཡིས། །ཏིང་འཛིན་ཡེ་ཤེས་བརྟགས་པ་ཡིན། །ལུས་ངག་སེམས་སུ་རྣམ་བརྟགས་པའི། །བྱ་བ་རྒྱུད་དུ་རྣམ་བརྟགས་པ། །གསང
3a4 བ་རྣམ་པ་གསུམ་དུ་བཤད། །རྡོ་རྗེ་ལས་ཅན་སྣ་ཚོགས་བཞིན། །སངས་རྒྱས་ལྔ་ཡི་བདག་ཉིད་ནི། །གསང་བའི་ཡེ་ཤེས་བླ་མེད་ཡིན། །ཕྱག་རྒྱ་བཞི་པོ་གསང་བ་དེ། །རྣལ་འབྱོར་པ་ཡིས་ལས་གྲུབ་བྱེད། །འབྱུང་བ་ཆེན་པོ་བཞི་པོ་ཡང་། །ཕྱག་རྒྱ་བཞི་ཞེས་བཤད
3a5 པ་ཡིན། །ཕྱག་རྒྱ་བཞི་ཡི་མཉམ་སྦྱོར་བ། །ལྷ་མོ་བཞི་དང་ཡང་དག་སྦྱོར། །ས་ནི་སྤྱན་ཞེས་བཤད་པ་ཡིན། །ཆུ་ནི་མཱ་མ་ཀཱི་ཞེས་བཤད། །མེ་དང་རླུང་ཞེས་གྲགས་པ་ནི། །གོས་དཀར་མོ་དང་སྒྲོལ་མ་ཡིན། །དབང་ཆེན་ས་ཡི་ཁམས་ཡིན་ཏེ། །ཆུ་ཡི་ཁམས
3a6 ནི་ཆུ་དཀྱིལ་འཁོར། །མེ་ནི་མེ་ཡི་ཁམས་ཡིན་ཏེ། །རླུང་ནི་རླུང་གི་དཀྱིལ་འཁོར་རོ། །དབང་ཆེན་ཁ་དོག་སེར་པོ་སྟེ། །གྲུ་བཞི་པ་སྟེ་རྒྱས་པ་ཡིན། །ཆུ་ཡི་དཀྱིལ་འཁོར་ཟླུམ་པོ་སྟེ། །དཀར་པོའི་མདོག་ཅན་ཞི་བའི་ཡིན། །མེ་ཡི་དཀྱིལ་འཁོར་ཁ་དོག་དམར། །
3a7 གྲུ་གསུམ་དབང་གི་ལས་རྣམས་ལའོ། །རླུང་གི་དཀྱིལ་འཁོར་གཞུ་ཡི་དབྱིབས། །ནག་པོའི་གདུག་པའི་ལས་རྣམས་ལ། །འབྱུང་བ་ཆེ་བདག་ལས་གྲུབ་པ། །ལས་ཀྱི་དངོས་གྲུབ་ཡོན་ཏན་བཞི། །ལས་ཀྱི་དངོས་གྲུབ་དངོས་གྲུབ་མཆོག་།འཁོར་ལོས་སྒྱུར་བ
iiif viewer powered by OpenSeadragon
