| e-texts navigator |
| Wylie |
2b1 དེ། །ཉོན་མོངས་འཇོམས་པའི་དམ་པ་ཡིན། །སེམས་ཅན་ཀུན་གྱི་དངོས་ཀུན་གྱི། །རང་སེམས་ཆོས་ནི་བསྡུས་པ་ཡིན། །ཆོས་བདག་མེད་པའི་སྦྱོར་བ་ཡིས། །བསད་ན་རང་ཉིད་འཆི་བར་འགྱུར། །རང་གི་སེམས་ཉིད་རྫོགས་སངས་རྒྱས། །རྟོགས་པར་བྱ་བ
2b2 སེམས་ཉིད་ཡིན། །རང་གི་སེམས་ཉིད་གསད་བྱ་བ། །སེམས་ཉིད་ཁོ་ན་གསད་པར་བྱ། །སྦྱོར་བ་ཉིད་དང་ཡང་དག་འབྲེལ། །གང་ཡང་སྲིད་པ་འབྱུང་མ་ཡིན། །གང་ཚེ་སངས་རྒྱས་དེ་ཚེ་ནི། །སྦྱོར་ལྔ་སངས་རྒྱས་བདག་ཅེས་བསྒོམ། །ཏིང་འཛིན་ཡེ་ཤེས་ལས
2b3 བྱུང་བ། །སངས་རྒྱས་ཉིད་ཕྱིར་མདོར་བསྡུས་པས། །སངས་རྒྱས་རྣལ་འབྱོར་མེད་པར་ནི། །རྣལ་འབྱོར་པ་ནི་འཚང་མི་རྒྱ། །ཕྲ་མོའི་དངོས་པོ་ཅི་བཞིན་མཐོང་། །སྡུག་པའི་དངོས་པོར་དེ་བཞིན་ཏེ། །དངོས་དང་དངོས་མེད་ཁྱད་པར་ནི། །བསྒོམ་པ་ཀུན་ཏུ
2b4 བརྟགས་པ་ཡིན། །དངོས་པོ་བསྒོམ་པའི་དངོས་མ་ཡིན། །བསྒོམ་པར་བྱ་བ་བསྒོམ་པ་མིན། །དངོས་པོ་བསྒོམས་པར་གྱུར་པ་ཡིས། །རང་གི་སེམས་ནི་ཡོངས་སུ་སྦྱངས། །སངས་རྒྱས་སངས་རྒྱས་ཡུལ་མ་ཡིན། །སེམས་ཅན་ཡུལ་དུའང་མི་འགྱུར་གྱི། །
2b5 རང་སེམས་རྟོགས་པས་སངས་རྒྱས་ཏེ། །སངས་རྒྱས་སངས་རྒྱས་རྟོགས་པས་མིན། །གཉིས་མེད་སྦྱོར་བ་འདི་ལ་ཡང་། །ཏིང་ངེ་འཛིན་གྱིས་ཡེ་ཤེས་བརྟགས། །རྒྱུ་ཡི་དེ་ཉིད་ཇི་ལྟར་མཐོང་། །འབྲས་བུའི་དེ་ཉིད་དེ་ཉིད་ཡིན། །རྒྱུ་ཡི་དེ་ཉིད་ཅུང་ཟད་མེད། །འབྲས་བུའི
2b6 དེ་ཉིད་དེ་བཞིན་ནོ། །དེ་ཉིད་དེ་ནི་དེ་བཞིན་ཤེས། །དེ་ཉིད་རྣལ་འབྱོར་པ་ཀུན་སྤྱོད། །རྒྱུ་ཡིས་རྒྱུ་ནི་དངོས་པོར་མིན། །འབྲས་བུའི་དངོས་པོར་འབྲས་བུས་མིན། །རྒྱུ་དེ་འབྲས་བུའི་དངོས་པོར་རུང་། །རང་གི་སེམས་ནི་སོ་སོར་སྣང་། །ཡེ་ཤེས་དེ་ནི་རྒྱུ་དངོས་ཏེ། །གསང
2b7 དེ་འབྲས་བུའི་དངོས་པོ་ཡིན། །གསང་བ་གཉིས་མེད་སྤྱོད་པ་ཡིས། །དེ་ཡི་དངོས་པོས་མཆོག་ཡིན་ནོ། །དེ་ཉིད་དེ་ཉིད་རྟོགས་གྱུར་པ། །གསང་དེ་གསང་བའི་རྣལ་འབྱོར་པ། །གསང་བ་དེ་རིག་ཤེས་པ་སྟེ། །མཆོག་ནི་མཆོག་གི་རྣལ་འབྱོར་པ། །སྡུག་པའི་ངོ་བོར་གང
iiif viewer powered by OpenSeadragon
