| e-texts navigator |
| Wylie |
2a1 སྐྱེས་པའི་འོག་ཏུ་རྟག་པར་ནི། །ཉོན་མོངས་བག་ཆགས་ཀྱིས་སུན་འབྱིན། །ལུས་ཅན་རྣམས་ནི་འཁོར་གྱུར་པ། །སྡུག་དང་མི་སྡུག་རྣམ་འབྱེད་ཡིན། །སེམས་གང་དེ་ཉིད་སྡུག་བསྔལ་ཏེ། །སེམས་ཅན་རྣམས་ཀྱི་ལུས་འབྱུང་ངོ་། །
2a2 སེམས་དེ་ཡི་ནི་རྒྱུན་ཉིད་ཀྱིས། །འགྲོ་བ་སྡུག་བསྔལ་གནོན་པར་འགྱུར། །རྣམ་པར་སྣང་མཛད་རྒྱལ་བ་མགོན། །སངས་རྒྱས་ཐམས་ཅད་བསྡུས་གཅིག་པུ། །སངས་རྒྱས་ཐམས་ཅད་རྟོགས་གྱུར་པ། །སངས་རྒྱས་འཁོར་བ་སྒྲོལ་བ་པོ། །
2a3 སེམས་ཅན་ཀུན་ལ་ཀུན་ལ་ཕན་པའི་ཕྱིར། །ཐུགས་རྗེའི་ཉམས་དང་ཡང་དག་ལྡན། །རྒྱུ་ཡི་དེ་ཉིད་མཉམ་སྦྱོར་བས། །འབྲས་བུའི་དེ་ཉིད་རྣམས་ཀྱང་སྟོན། །འབྲས་བུའི་དེ་ཉིད་ཡང་དག་ཞུགས། །རྒྱུ་ཡི་དེ་ཉིད་མི་འདོད་དོ། །གང་དུ་འདོད་པ་སྐྱེས་གྱུར་པ། །
2a4 དེ་ཉིད་འཁོར་བའི་བག་ཆགས་ཡིན། །མཁས་པ་ཡི་ནི་ཆོ་ག་ཡིས། །བསྒོམ་པ་རུ་ནི་ཡོངས་སུ་བརྟགས། །གང་ཞིག་སླར་ཡང་གཅིག་གྱུར་པ། །རྣལ་འབྱོར་པ་ཡི་རྣལ་འབྱོར་བྱུང་། །སངས་རྒྱས་རྗེས་དྲན་ལ་དམིགས་ཤིང་། །ཆོས་ནི་རྗེས་སུ
2a5 དམིགས་པ་ཡི། །ཚོགས་གཉིས་ཀྱི་ནི་སྦྱོར་བ་ཡིས། །རྐང་གཉིས་དམ་པ་ཉིད་དུ་འགྱུར། །བྷ་གར་ལིང་ག་རབ་བཞག་སྟེ། །སངས་རྒྱས་སྐུར་ནི་རྣམ་པར་བསྒོམ། །སངས་རྒྱས་རྗེས་དྲན་རྣལ་འབྱོར་པ། །སངས་རྒྱས་སྤྲིན་ནི་བསྒོམ་པར་བྱ། །
2a6 བྷ་གར་ལིང་ག་རབ་བཞག་སྟེ། །རྡོ་རྗེ་ཆོས་ནི་རྣམ་པར་བསྒོམ། །ཆོས་ནི་རྗེས་དྲན་རྣལ་འབྱོར་པ། །ཆོས་ཀྱི་སྤྲིན་ལས་ཆར་རབ་འབེབས། །མཚན་མ་ལིང་ག་ཞེས་བཤད་དེ། །ཕྱག་རྒྱའི་མཚན་མ་རྣམ་པ་བཞི། །འཇོམས་པས་བྷ་ག་ཞེས་བཤད
iiif viewer powered by OpenSeadragon
