| e-texts navigator |
| Wylie |
272a1 པ་ལྟ་ཅི་སྨོས། ལག་ན་རྡོ་རྗེ་གང་ལ་ལ་དག་སངས་རྒྱས་བྱེ་བ་ཁྲག་ཁྲིག་གང་གཱའི་ཀླུང་བརྒྱད་ཅུའི་བྱེ་མ་སྙེད་ལ་བཀུར་སྟི་མ་བྱས་པ་དང་། བླ་མར་མ་བྱས་པ་དང་། བསྟི་སྟང་མ་བྱས་པ་དང་། མཆོད་པ་མ་བྱས་པ་དེ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གྱི
272a2 སྒོའི་ཆོས་ཀྱི་རྣམ་གྲངས་འདི་ཐོས་པར་མི་ནུས་སོ། །ཆོས་ཀྱི་རྣམ་གྲངས་འདི་གང་ན་སྤྱོད་པའི་ས་ཕྱོགས་དེ་མཆོད་རྟེན་དུ་འགྱུར་རོ། །ཆོས་ཀྱི་རྣམ་གྲངས་འདི་གང་གི་ལུས་ལ་ཐོགས་སམ། གླེགས་བམ་ལ་བྲིས་ཏེ་སྤྱོད་པའི་གང་ཟག་དེ་ཕྱག་བྱ་བའི་གནས་སུ་འགྱུར་རོ། །
272a3 དེ་བསྐལ་པ་བྱེ་བ་མང་པོར་སྐྱེ་བ་དྲན་པར་འགྱུར་རོ། །དེ་ལ་བདུད་སྡིག་ཏོ་ཅན་བར་ཆད་བྱེད་པར་མི་འགྱུར་རོ། །རྒྱལ་པོ་ཆེན་པོ་བཞི་དང་། ལྷ་གཞན་རྣམས་ཀྱང་དེ་ལ་བསྲུང་བ་དང་། བསྐྱབ་པ་དང་། སྦ་བའི་ཕྱིར་རྟག་ཏུ་ཕྱི་བཞིན་འབྲང་བར་འགྱུར་རོ། །ཡ
272a4 ང་བ་མ་སྤངས་པར་འཆི་བར་མི་འགྱུར་རོ། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་དགོངས་པར་འགྱུར་རོ། །མདོར་ན་སངས་རྒྱས་ཀྱི་ཞིང་གང་དང་གང་དུ་འདོད་པ་དེ་དང་དེར་སྐྱེའོ། །དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གྱི་སྒོའི
272a5 ཆོས་ཀྱི་རྣམ་གྲངས་འདི་ཕན་ཡོན་མང་མོད་ཀྱི་ངས་ཕྱོགས་ཙམ་ཞིག་བརྗོད་དོ། །བཅོམ་ལྡན་འདས་ཀྱིས་དེ་སྐད་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་རྡོ་རྗེ་དང་། བྱང་ཆུབ་སེམས་དཔའ་དེ་དག་དང་། ཐམས་ཅད
272a6 དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པའི
272a7 ཚུལ་བརྒྱ་ལྔ་བཅུ་པ་རྫོགས་། ། །།མངྒ་ལཾ།། །།
iiif viewer powered by OpenSeadragon
