| e-texts navigator |
| Wylie |
270b1 པ་ཐུག་པ་མེད་པའི་མཐར་ཕྱིན་ཏེ། སྒྲིབ་པ་ཐམས་ཅད་ཟད་ནས་དེ་བཞིན་གཤེགས་པའམ། རྡོ་རྗེ་འཛིན་པར་མྱུར་དུ་འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་འདུས་ཏེ། ཆོས་ཀྱི་རྣམ་གྲངས་འདི་དོན་ཡོད་པ་དང་། ཐོགས་པ་མེད་པར་མྱུར་དུ་འགྲུབ་པར་བྱ་བའི་ཕྱིར། ལག་ན་རྡོ་རྗེ
270b2 ལ་ལེགས་སོ་ཞེས་བྱ་བ་བྱིན་ནོ། །སེམས་ཅན་ཆེན་པོ་ལེགས་སོ་ལེགས། །བདེ་བ་ཆེན་པོ་ལེགས་སོ་ལེགས། །ཐེག་པ་ཆེན་པོ་ལེགས་སོ་ལེགས། །བློ་གྲོས་ཆེན་པོ་ལེགས་ས་ལེགས། །ཆོ་ག་འདི་ནི་ལེགས་པར་སྨྲས། །སངས་རྒྱས་རྡོ་རྗེ་འཛིན་ཀུན་གྱིས། །འབྲས་བུ་ཡོད་པ
270b3 འདུལ་བའི་མཆོག་། རྡོ་རྗེ་མདོ་སྡེ་བྱིན་གྱིས་བརླབས། །ཆོ་གའི་རྒྱལ་པོ་བླ་ན་མེད། །གང་རྣམས་འདི་དག་འཛིན་པ་ནི། །བདུད་ལ་སོགས་པ་ཐམས་ཅད་ཀྱིས། །དེ་དག་མི་སོད་མི་ཚུགས་སོ། །སངས་རྒྱས་བྱང་ཆུབ་སེམས་དཔའ་དང་། །དངོས་གྲུབ་དམ་པ་ཐམས་ཅད་ཀྱང་། །སངས
270b4 རྒྱས་ཀུན་གྱིས་གསུངས་པ་བཞིན། །རིང་པོར་མི་ཐོགས་ཐོབ་པར་འགྱུར། །དེ་སྐད་གསུངས་ནས་གསང་གྲུབ་ཕྱིར། །རྡོ་རྗེ་ཅན་གྱིས་བཤད་པ་ལ། །ཀུན་མཆོག་སངས་རྒྱས་མཁས་བཅས་པ། །ཐམས་ཅད་ཀྱིས་ནི་མངོན་པར་བསྟོད། །དེ་ནས་བཅོམ་ལྡན་འདས་དེ་བཞིན་གཤེགས་པ
270b5 རྣམ་པར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་གསང་བའི་ཆོས་ཉིད་བརྙེས་པ་ཆོས་ཐམས་ཅད་སྤྲོས་པ་མེད་པས་ཡང་བདེ་བ་ཆེན་པོ་རྡོ་རྗེའི་དོན་ཡོད་པའི་དམ་ཚིག་ཅེས་བྱ་བ་རྡོ་རྗེ་དོན་ཡོད་པའི་ཆོས་མཉམ་པ་ཉིད་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པའི་སྒོ་མཆོག་དང་པོ་ཐོག་མ་དང་། ཐ་མ་དང་།
270b6 དབུས་མེད་པའི་དམ་པ་འདི་གསུངས་སོ། །བྱང་ཆུབ་སེམས་དཔའ་ཆེན་པོ་རྣམས་ཀྱི་འདོད་ཆགས་ཆེན་པོ་དངོས་གྲུབ་དམ་པ་ནི་དེ་བཞིན་གཤེགས་པ་ཐམས་ཅད་ཀྱི་བདེ་བ་ཆེན་པོ་དངོས་གྲུབ་དམ་པར་འགྱུར་རོ། །བྱང་ཆུབ་སེམས་དཔའ་ཆེན་པོ་རྣམས་ཀྱིས་བདེ་བ་ཆེན་པོ་དངོས
270b7 གྲུབ་དམ་པ་ནི་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཆེན་པོ་དངོས་གྲུབ་དམ་པར་འགྱུར་རོ། །བྱང་ཆུབ་སེམས་དཔའ་ཆེན་པོ་རྣམས་ཀྱི་དེ་བཞིན་གཤེགས་པ་ཐམས་ཅད་ཀྱི་བྱང་ཆུབ་ཆེན་པོ་དངོས་གྲུབ་དམ་པ་ནི་བདུད་ཆེན་པོའི་སྟོབས་ཐམས་ཅད་རབ་ཏུ་འཇོམས་པ་དངོས་གྲུབ་དམ
iiif viewer powered by OpenSeadragon
