| e-texts navigator |
| Wylie |
20a1 བྱ་སྟེ། དེ་ནས་དེ་རངས་ནས་འགྲུབ་བོ། །དེ་ཕྱིན་ཅད་འདོད་པ་ཐམས་ཅད་འབུལ་བའི་གཡོག་ཏུ་འགྱུར་ཏེ། མཐོ་རིས་ཀྱི་ལྷ་མོ་ཡང་འགུགས་ཤིང་འབུལ་ལོ། །དེ་ཡང་སྐྱེལ་ཅིང་སླར་ཡང་འགུགས་སོ། །འདས་པ་དང་མ་འོངས་པ་དང་ད་ལྟར་གྱི་ཐམས་ཅད་ཀྱང
20a2 སྨྲའོ། །གཞན་གྱི་ནོར་ཐམས་ཅད་ཀྱང་ཕྲོགས་ནས་འབུལ་ལོ། །དེ་ནས་རིག་པའི་བརྟུལ་ཞུགས་བྱ་བར་འདོད་པ་དངོས་གྲུབ་མེད་པ་གང་ཡིན་པ་དེས། ཟླ་བ་དྲུག་གི་བར་དུ་ཉིན་ཞག་བཅུ་བཅུ་ཞིང་སྤྱད་པ་སྔ་མ་བརྗེས་ལ། སློང་མོའི་ཁ་ཟས་ལ་སོགས་པ་ནས་རླུང་བཟའ་བའི་བར
20a3 དུའོ། །དེ་ནས་མཇུག་ཏུ་མཚན་ཐལ་བྱུང་བཟླས་ན་ནང་པར་སངས་རྒྱས་པའང་སྦྱིན་པར་འགྱུར་རོ། །དེ་ནས་ཉིན་རེ་ཞིང་བརྒྱད་ཀྱི་བར་དུ་སྔོན་གྱི་སྤྱད་པ་རྣམས་བྱས་ལ་དེའི་མཇུག་ཏུ་མཚན་ཐལ་བྱུང་བཟླས་ན་ནང་པར་ལས་ཐམས་ཅད་འགྲུབ་པར་འགྱུར་བ་ནི་ཧཱུ~ཾ་ཞེས་ཐང་ཅིག་བརྗོད
20a4 པས་ཀྱང་ངོ་། །དེ་ནས་རོ་ལངས་བསྒྲུབ་པ་འབྱུང་སྟེ། མ་རྨས་མ་ཉམས་པའི་མི་རོ་བླངས་ལ་ལེགས་པར་བཀྲུས་ནས་བྱུག་པས་ལེགས་པར་བྱུགས་ཏེ། མེ་ཏོག་གི་ཕྲེང་བ་བཏགས་ནས། རྐང་པ་གཡོན་པས་མནན་ལ་དབུགས་བྱུང་གི་བར་དུ་བཟླས་ན་དེ་ལྡང་སྟེ་ལངས་པ་དང་།
20a5 དེ་ཞོན་ནས་ཐམས་ཅད་དུ་འགྲོ་ཞིང་ཚེ་ཡང་ལོ་སྟོང་ཕྲག་བརྒྱར་འགྱུར་རོ། །དེ་ནས་རོ་ལངས་ཀྱི་གྲུབ་པ་མཆོག་སྒྲུབ་པ་འབྱུང་སྟེ། མ་རྨས་མ་ཉམས་པའི་མི་རོ་བླངས་ནས། དེ་བཞིན་དུ་རབ་ཏུ་བརྒྱན་ལ་ཞོན་ཏེ། ལངས་ཤིང་ཡང་འགྱེལ་གྱི་བར་དུ་བཟླས་ན་དེ་བཞིན་གཤེགས་པའི
20a6 སྐུར་འགྱུར་རོ། །དེ་ཕྲག་པ་ལ་ཁྱེར་ན་དེ་བཞིན་གཤེགས་པ་ཐམས་ཅད་སྲེལ་བའི་རིག་འཛིན་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་རྫུ་འཕྲུལ་གྱིས་འགྲོ་བ་དང་ཚེ་ཡང་བསྐལ་པར་འགྱུར་རོ་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ནས་མ་བསྒྲུབས་ཀྱང
20a7 དཀྱིལ་འཁོར་མཐོང་བ་ཉིད་ཀྱིས་ལས་སུ་འགྱུར་བ་ནི་འདི་ལྟ་སྟེ། ཐང་ཅིག་བརྗོད་པས་ནི་བདག་དང་གཞན་དང་གྲོང་དང་། གྲོང་ཁྱེར་དང་། རྒྱལ་པོ་ལ་སོགས་པ་བསྲུང་པར་འགྱུར་རོ། །མཚམས་བཅད་པ་ལ་སོགས་པ་ནི་བརྟན་པར་ལྟ་བས་མཚམས་བཅད་ན། དེ་བཞིན
iiif viewer powered by OpenSeadragon
