| e-texts navigator |
| Wylie |
1b1 @##། །རྒྱ་གར་སྐད་དུ། སརྦ་ར་ཧ་སྱོ་ནཱ་མ་ཏནྟྲ་རཱ་ཛཱ། བོད་སྐད་དུ། ཐམས་ཅད་གསང་བ་ཞེས་བྱ་བ་རྒྱུད་ཀྱི་རྒྱལ་པོ། བཅོམ་ལྡན་འདས་ཡེ་ཤེས་སེམས་དཔའ་ལ
1b2 ཕྱག་འཚལ་ལོ། །འབྱུང་ལྔ་ཉིད་ཀྱིས་ལྔ་ཡི་བདག་ཉིད་ཅན། །མི་རྣམས་ལུས་ལ་ངེས་པར་མཐོང་བ་དག་།རང་སེམས་རབ་ཏུ་བསྒོམས་པར་གྱུར་ན་ནི། །དངོས་དེར་བསྒོམས
1b3 པས་ངེས་པར་སངས་རྒྱས་འགྱུར། །རང་ཤེས་གསང་བ་དམ་པ་ནི། །སངས་རྒྱས་ཡེ་ཤེས་བླ་མེད་དེ། །གཉིས་མེད་གཉིས་ཀྱི་ཚུལ་ཅན་ཏེ། །སངས་རྒྱས་རྟག་པར་རབ་ཏུ་འདུད། །
1b4 གང་ཡང་བདག་མེད་ལས་བྱུང་ཞིང་། །གཉིས་མེད་ཡེ་ཤེས་ལས་བྱུང་བ། །སྡུག་དང་མི་སྡུག་རྣམ་སྤངས་པ། །ཅི་ལའང་ཕྱག་ནི་མི་འཚལ་ཏོ། །མ་སྐྱེས་པ་ནི་ཡང་དག་བསྐྱེད། །
1b5 སྐྱེས་པའི་འོག་ཏུ་རྟག་པར་ནི། །སངས་རྒྱས་སྐུར་ནི་བསྒོམ་པ་དེ། །རང་གི་ཡེ་ཤེས་མཆོག་ཕྱག་འཚལ། །རྣལ་འབྱོར་པ་དང་སེམས་ཅན་ཀུན། །མ་སྐྱེས་པ་ནི་ཡང་དག་བསྐྱེད། །
iiif viewer powered by OpenSeadragon
