| e-texts navigator |
| Wylie |
19a1 ཅད་རང་གི་གཟུགས་སུ་སྟོན་ཅིང་ལས་ཐམས་ཅད་བྱེད་པའི་གཡོག་ཏུ་གྱུར་པའི་བར་དུ་བཟླས་སོ། །གནོད་སྦྱིན་དབང་དུ་བྱ་བར་འདོད་པས་གནོད་སྦྱིན་གང་ལ་གནས་པའི་གནས་དེར་རྡོ་རྗེ་ཧཱུ~ཾ་ཞེས་པའི་ཕྱག་རྒྱ་བཅིངས་ལ་གནོད་སྦྱིན་དེ་དག་ལྷགས་ཏེ། བཀའ་ཅི་སྩལ
19a2 ཞེས་སྨྲ་བའི་བར་དུ་བཟླས་སོ། །དེ་ཕྱིན་ཅད་བཀའ་ཐམས་ཅད་བྱེད་པའི་གཡོག་ཏུ་འགྱུར་རོ། །དེ་ནས་མ་རྣམས་ཐམས་ཅད་དབང་དུ་བྱ་བར་འདོད་པས་མའི་གནས་སུ་སོང་ནས། ཁྲོ་མོའི་སྙིང་གར་རྡོག་པས་མནན་ལ་ཟླ་བ་གཅིག་ལོན་གྱི་བར་དུ་བཟླས་ན། ཚེས་ཉི་ཤུ་དགུ་ལ
19a3 འཇིགས་སུ་རུང་བ་ཆེན་པོའི་སྒྲ་འབྱིན་པར་བྱེད་དེ། དེ་ནས་དབང་དུ་གྱུར་ནས་བཀའ་བཞིན་བྱེད་པའི་གཡོག་མོར་འགྱུར་ཏེ། ཕྲག་པ་ལ་ཁྱེར་ནས་མཐོ་རིས་སུ་ཁྲིད་དེ། སླར་ཡང་ཁྲིད་ཅིང་འོངས་ནས་ཚོགས་ཀྱི་བདག་པོར་བཅུག་ཅིང་། དེ་དག་གིས་མཆོད་དེ། སྔོན་མ་བྱུང
19a4 བའི་དོན་ཐམས་ཅད་དང་། འདོད་པ་ཐམས་ཅད་དང་ན་ཆུང་ཐམས་ཅད་འགུག་གོ། །འདི་ལྟ་བུའི་རྣལ་འབྱོར་ཡང་སྟེར་ཏེ། རྣལ་འབྱོར་གང་གིས་ཁྲོ་བོའི་འཇིག་རྟེན་དུ་ཡང་འགྲོ་ཞིང་ཕྱིར་ཡང་འོང་ངོ་། །དེ་ལ་སུས་ཀྱང་ཅུང་ཟད་ཀྱང་བྱེད་མི་ནུས་སོ། །དེ་ནས་དཔལ་ཆེན་མོ
19a5 བསྒྲུབ་པར་འདོད་པ་དེས་ཕྱག་ན་རྡོ་རྗེའི་སྤྱན་སྔར་བཟླས་པ་ནི་ཕྱག་ན་རྡོ་རྗེའི་སྐུ་ལས་ལྷ་མོའི་ལུས་མཐོང་གི་བར་དུ་སྟེ། དེ་ལས་མ་འགུལ་ཅིག་ཅེས་བསྒོའོ། །དེ་ཕྱིན་ཅད་དོན་ཐམས་ཅད་སྟེར་བར་འགྱུར་ཏེ། སངས་རྒྱས་པའང་སྟེར་བའི་བར་དུའོ། །དེ་ནས་མཚོ་དབྱངས་མ
19a6 དབང་དུ་བྱ་བར་འདོད་ན། དེས་ཕྱག་ན་རྡོ་རྗེའི་སྤྱན་སྔར་ཡི་གེའི་ཕྲེང་བར་བྱས་ལ་ཕྲེང་བའི་ཡི་གེ་བཀོད་ཅིང་མཐར་ཕྱིན་གྱི་བར་དུ་བཀླགས་ཏེ། ཉིན་རེ་ཞིང་དུས་གསུམ་དུ་ལས་དེ་བྱས་ལ་དེ་ནས་བརྒྱད་སྟོང་བཟླས་ན། ཟླ་བ་གཅིག་ལོན་པ་དང་མཚོ་དབྱངས་མ་མཐོང་ངོ་། །དེ་ཕྱིན
19a7 ཅད་ཐོགས་པ་མེད་པའི་སྤོབས་པ་དང་ལྡན་པར་འགྱུར་རོ། །འཇིག་རྟེན་པ་དང་འཇིག་རྟེན་ལས་འདས་པ་ཐམས་ཅད་ཀྱི་གཙུག་ལག་ཐམས་ཅད་ཤེས་ཉེན་ཅན་དུ་བྱ་བ་ཐམས་ཅད་དང་། བཟོ་ཐམས་ཅད་ཀྱང་མ་བསླབས་པར་དེ་ལྟར་རབ་ཏུ་ཤེས་སོ། །དེ་ནས་ལིག་བུ་མིག་དང
iiif viewer powered by OpenSeadragon
