| e-texts navigator |
| Wylie |
18a1 ལས་ཕྲན་ཚེགས་རྣམས་ཀྱི་ཟེར་བཅིངས་པས་ཧཱུ~ཾ་ཞེས་པས་མཛད་དོ། །དེ་ནས་ཆོ་ག་གཞན་ཏེ། རིག་པས་དབང་བསྐུར་བར་བྱ་བར་འདོད་ན། བྲིའམ་འཇིམ་པ་ལས་ཕྱག་ན་རྡོ་རྗེའི་ཆ་ལུགས་བྱས་ལ་ཕྱག་གཉིས་བརྐྱང་སྟེ་རྡོ་རྗེ་འཛིན་ཏོ། །དེ་ཟླ་བ་ཡར་གྱི་ཚེས
18a2 གཅིག་ནས་བརྩམས་ཏེ། ཚེས་བཅོ་ལྔའི་བར་དུ་མར་བཞི་བྲེ་བརྒྱད་སྟོང་གིས་ཁྲུས་ཤིག་།དེ་ནས་ཐ་མར་མཚན་ཐལ་བྱུང་བཟླས་སོ། །དེ་ནས་ནང་པར་གཟུགས་དེ་བཞད་དེ། དེ་ནས་རིག་པ་ཐམས་ཅད་ཀྱི་བདག་པོར་འགྱུར་རོ། །དེ་ནས་སྒྲུབ་པ་གཞན་འབྱུང་སྟེ།
18a3 སངས་རྒྱས་བཅོམ་ལྡན་འདས་ཀྱི་ཆ་ལུགས་བྲི་འམ། །འཇིམ་པ་ལ་དེ་བཞིན་དུ་ཕྱག་བརྐྱང་བ་རྡོ་རྗེ་འཛིན་པར་བྱས་ལ་དེ་ཞིགས་ཀྱི་བར་དུ་སྤོས་ཆུས་བཀྲུས་ན་དེ་ཕྱིན་ཅད་ཡིད་བཞིན་དུ་མི་སྣང་བར་འགྱུར་རོ། །དེ་ནས་སྒྲུབ་པ་གཞན་འབྱུང་སྟེ། རས་ལ་བཅོམ་ལྡན་འདས་ཕྱག
18a4 ན་རྡོ་རྗེ་ཕྱག་བཞི་པ་བྱས་ནས། དེའི་ཕྱག་གཡས་པར་པདྨོ། གཡོན་པར་རྡོ་རྗེ་གཡས་པར་རྡོ་རྗེ་ཧཱུ~ཾ་ཞེས་པ། གཡོན་པར་མདའ་དང་གཞུའོ། །དེ་ནས་དེའི་སྤྱན་སྔར་སྟོང་ཕྲག་བརྒྱ་བཟླས་པའི་མཇུག་ཏུ་ཞག་གསུམ་སྨྱུང་བ་བྱས་ཏེ་མཚན་ཐལ་བྱུང་བཟླས་ན། དེའི
18a5 ནང་པར་དེ་དང་འདྲ་བའི་གཟུགས་སུ་འགྱུར་ཏེ། བསྐལ་པར་གནས་ཤིང་མི་དགའ་བ་དང་། སེམས་ཅན་ཐམས་ཅད་དབང་དུ་བྱ་བ་དང་། ཐམས་ཅད་དུ་འགྲོ་བར་འགྱུར་རོ། །དེ་ནས་དཀྱིལ་འཁོར་བསྒྲུབ་པ་འབྱུང་སྟེ། དཀྱིལ་འཁོར་མཐོང་བས་ལྕི་བ་གསུམ་གྱིས་ཁྲུས
18a6 བྱས། དུས་གསུམ་དུ་གོས་བརྗེས་ལ་རྡོ་རྗེ་འཛིན་མའི་ཕྱག་རྒྱ་བཅིངས་ནས། བརྒྱད་སྟོང་དུས་གསུམ་དུ་ཉིན་བདུན་བཟླས་ན། དེ་ནས་ཕྱག་ན་རྡོ་རྗེ་སློབ་དཔོན་གྱི་གཟུགས་སུ་བྱས་ནས་རྨི་ལམ་དུ་ཐམས་ཅད་སྨྲའོ། །དེ་ནས་དཀྱིལ་འཁོར་སྒྲུབ་པའི་ཆོ་ག་གཞན
18a7 འབྱུང་སྟེ། དཀྱིལ་འཁོར་ཆེན་པོ་མཐོང་བས་ཟླ་བ་གཅིག་གི་བར་དུ་དེ་བཞིན་དུ་དུས་གསུམ་དུ་ཁྲུས་བྱས་ནས། དུས་གསུམ་དུ་གོས་བརྗེས་དུས་གསུམ་དུ་བ་ལང་གི་ལྕི་བས་དཀྱིལ་འཁོར་བྱས་ཏེ། རྣོ་ལྕགས་ཀྱི་མཚོན་ཆས་དེར་རྡོ་རྗེ་བྲིས་ལ་དེ་ལ་ལྟ་ཞིང་། རྡོ་རྗེ
iiif viewer powered by OpenSeadragon
