| e-texts navigator |
| Wylie |
16b1 པ་དང་། གཞུག་པ་དང་། བཅིང་བ་དང་། དབང་དུ་བྱ་བ་ལ་སོགས་པ་དམ་པ་འགྲུབ་པའི་སྦྱིན་སྲེག་གི་ཆོ་ག་བྱའོ། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས་དཀྱིལ་འཁོར་ཐམས་ཅད་ཀྱི་ཆོ་གའོ།། །།དེ་ནས་ཡོ་བྱད་བཤད་པར་བྱའོ་ཞེས་ནས
16b2 བཅོམ་ལྡན་འདས་རྡོ་རྗེ་འཛིན་གྱིས་གསུངས་པ། དཀྱིལ་འཁོར་གྱི་ཆོ་ག་ཐམས་ཅད་མཐོང་བར་འགྱུར་ནས་བསྒྲུབ་བོ། །དེ་ཅིའི་ཕྱིར་ཞེ་ན། དཀྱིལ་འཁོར་དུ་ནི་མ་ཞུགས་སམ། །དམ་ཚིག་སྤངས་པར་གྱུར་པ་ནི། །ཕྱག་ན་རྡོ་རྗེ་མི་འགྲུབ་པ། །གསང་བ་ཡང་དག་མི་ཤེས་བས། །
16b3 བཅོམ་ལྡན་འདས་སེམས་འདོད་པའོ། །ཆགས་དང་རྡོ་རྗེ་དེ་ཉིད་དེ། །དེ་ལ་ཆགས་པར་མ་གྱུར་ན། །ཕྱག་ན་རྡོ་རྗེ་མི་འགྲུབ་བོ། །དེ་བས་ཡང་དག་མ་མཐོང་བས། །དཀྱིལ་འཁོར་དུ་ནི་གྲུབ་མ་གསུངས། །ཡང་དག་མ་མཐོང་གྲུབ་པ་ནི། །ཐེ་ཚོམ་ཅན་གྱིས་མི
16b4 འཐོབ་བོ། །རབ་ཏུ་འཇིགས་པ་རྙེད་ནས་སུ། །ནད་ཀྱིས་ཀྱང་ནི་འཇིག་པར་བྱེད། །གདོན་ཡང་དེ་ལ་བརྩོན་པར་འགྱུར། །ཤི་ནས་ངུ་འབོད་དུ་ལྟུང་ངོ་། །དེ་ལྟར་དཀྱིལ་འཁོར་ཐམས་ཅད་དུ་ཆུག་ལ། ནད་དང་གདོན་ལ་སོགས་པ་སྟོན་ཅིག་།བཅོམ་ལྡན་འདས
16b5 དེ་བཞིན་གཤེགས་པ་གསེར་གྱི་ཁ་དོག་རས་ལ་བྲི་བར་བྱ་སྟེ། དེའི་ཐད་འཁོར་ཀུན་ཏུ་བྱང་ཆུབ་སེམས་དཔའ་བརྒྱད་བྲི་བ་ནི་འདི་ལྟ་སྟེ། གཡས་ཕྱོགས་སུ་ནི་འཕགས་པ་སྤྱན་རས་གཟིགས་ཀྱི་དབང་པོ་དང་། འཇམ་དཔལ་དང་། སེམས་བསྐྱེད་མ་ཐག་ཏུ་ཆོས་ཀྱི་འཁོར་ལོ
16b6 བསྐོར་བའོ། །གཡོན་ཕྱོགས་སུ་ནི་རྡོ་རྗེ་ཁུ་ཚུར་དང་། བྱམས་པ་དང་ནམ་མཁའི་མཛོད་དོ། །སྟེང་དུ་ནི་ནམ་མཁའི་སྙིང་པོའོ། །བཅོམ་ལྡན་འདས་ཀྱི་འོག་ཏུ་ནི་ཕྱག་ན་རྡོ་རྗེ་སྟེ། རྡོ་རྗེ་ཧཱུ~ཾ་ཞེས་བྱ་བའི་ཕྱག་རྒྱ་རྡོ་རྗེ་དང་བཅས་པ་ལག་པ་གཉིས་ཀྱིས་བཅིང་ངོ་། །ལག་པ
16b7 གཉིས་པོ་གཞན་ལ་གཡས་པས་ནི་རྡོ་རྗེ་གསོར་གཡོན་པས་ནི་མེ་ཏོག་གི་གཞུ་དང་མདའ་ལྔ་བསྣམས་པ། སྐུ་མདོག་ནི་ཨུཏྤལ་སྔོན་པོ་ལྟ་བུ། ཡིད་ཙམ་འཛུམ་ལ་མཆེ་བ་ཅུང་ཟད་གཙིགས་པ། ཁྲོ་བ་དང་བཅས་པས་བཞད་པའི་ཞལ། ཕྱིར་བརྐྱང་བསྐུམ་དུ་གནས
iiif viewer powered by OpenSeadragon
