| e-texts navigator |
| Wylie |
16a1 མངར་པོའི་མེ་ཏོག་དང་འབྲས་བུ་རྣམས་སྦྲང་རྩི་དང་ལྡན་པའི་མར་ལས་སྦགས་ཏེ། བླ་གོས་གཡས་སུ་གཟར་ལ་ཀུ་ཤའི་བམ་པོ་ལ་འདུག་སྟེ། རྡོ་རྗེའི་ཚིག་ཏུ་བཟླས་ཤིང་ཞི་བ་དང་། རྒྱས་པ་དང་། དབང་དུ་བྱ་བ་ལ་སོགས་པའི་ཞི་བའི་ལས་རྣམས་ལ་ལག་པ
16a2 གཡོན་པས་བདག་གིས་ཕྱག་རྒྱ་བཅིངས་ཏེ། གཡས་པས་བསྲེགས་ན་དེ་དག་འགྲུབ་པར་འགྱུར་རོ། །བཅོམ་ལྡན་འདས་ཀྱི་རྒྱབ་ཏུ་ཐབ་ཟུར་གསུམ་དུ་ཁྲོ་བོའི་ཚེར་མ་རྣོན་པོའི་ཡམ་ཤིང་དང་། འདབ་མ་དང་། མེ་ཏོག་དང་། ཡལ་གའི་རྩེ་མོ་དང་། སྡོང་བུ་དང་།
16a3 འབྲས་བུ་ཡང་དེ་དང་འདྲ་བར་རང་གི་ཁྲག་གིས་བསྐུས་ནས་སྟན་མཁྲང་པོ་ལ་འདུག་སྟེ། བླ་གོས་གཡོན་དུ་གཟར་ལ་ཁྲོས་པའི་ཚིག་གིས་བཟླས་ཤིང་གཡོན་པས་བསྲེགས་ན། དགུག་པ་དང་། གཞུག་པ་དང་། བཅིང་བ་དང་། རྒྱས་གདབ་པ་དང་། གཞོམ
16a4 པ་དང་། བཙིར་བ་དང་། བསྙལ་བ་དང་། མྱོས་པར་བྱ་བ་དང་། གཏན་འཕོ་བ་ལ་སོགས་པའི་ལས་དྲག་པོ་རྣམས་རབ་ཏུ་འགྲུབ་པར་འགྱུར་རོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་དགུག་པ་དང་། གཞུག་པ་དང་། དམ་ཚིག་གིས
16a5 བཅིང་བ་དང་། དབང་དུ་བྱ་བ་ལ་སོགས་པ་གྲུབ་པ་ཐམས་ཅད་ཀྱི་ལས་ནི་བཅོམ་ལྡན་འདས་ཀྱི་གཡས་སུ་རྩཝ་འཇམ་པོ་བཏིང་བ་ལ་འདུག་ནས། སྟོད་གཡོགས་སྦྱར་མ་ལྟར་བགོས་ཏེ། ཏིང་ངེ་འཛིན་གྱིས་བཟླས་ཤིང་འཁོར་ལོ་ལྟ་བུའི་ཐབ་ཏུ་དུ་བ་མེད་པའི་མདག་མ་ལ།
16a6 ཏིལ་དང་འབྲས་ལ་སོགས་པ་ནས་འབྲས་གཡས་གཡོན་གྱིས་བསྲེག་གོ། །བཅོམ་ལྡན་འདས་ཀྱི་གཡོན་དུ་རྡོ་རྗེ་ལྟ་བུའི་ཐབ་བྱས་ལ་སྟོད་གཡོགས་ཀྱིས་ཡན་ལག་ཀུན་བཅིངས་ཏེ། རློད་སྟན་འཇམ་པོ་ལ་འདུག་ནས། ཡམ་ཤིང་ཐམས་ཅད་འབར་བའི་ཕྲེང་བ་ལ
16a7 འཛིངས་པའི་མེ་ལ་ལག་པ་གཡས་པ་རྡོ་རྗེ་དང་བཅས་པ་རྡོ་རྗེ་ཁུ་ཚུར་གྱི་ཕྱག་རྒྱ་བཅིངས་ནས། ལག་པ་གཡོན་པ་རྡོ་རྗེ་ཁུ་ཚུར་འཛིན་པས་གཟར་བུ་བཟུང་ནས་འཛུམ་ཞིང་དགའ་བར་བྱས་ཏེ། རྡོ་རྗེའི་ཚིག་གིས་ཟློས་ཤིང་རོ་ཐམས་ཅད་བསྲེགས་ན། རྡོ་རྗེ་འཛིན་པ་དགུག
iiif viewer powered by OpenSeadragon
