| e-texts navigator |
| Wylie |
15a1 གནམ་དལ་དང་ནི་ནད་དག་དང་། །མཁའ་འགྲོ་མ་དང་གདོན་དྲག་རྣམས། །བཞག་གམ་ཡང་ན་བྲི་བར་བྱ། །ཆོས་མིན་ཅན་ནི་གཞིག་ཕྱིར་རོ། །དེ་ཡི་ཕྱི་རོལ་དུ་དགོད་པ། །གཏོར་མ་སྣ་ཚོགས་མཆོག་རྣམས་སོ། །དེ་ནས་དཀྱིལ་འཁོར་ཆེན་པོའི་ཆོ
15a2 ག་འབྱུང་སྟེ། དེ་ལ་ཐོག་མ་ཉིད་དུ་སློབ་དཔོན་གྱིས་དེ་བཞིན་གཤེགས་པ་ཐམས་ཅད་ལ་ཕྱག་འཚལ་ཏེ་འཇུག་པ་ནི། གཙང་མས་གོས་གཙང་མ་བགོས་ལ། སེ་རལ་ཐག་གུ་དམར་པོ་ཐོགས་ནས་རྡོ་རྗེ་འཛིན་མའི་ཕྱག་རྒྱ་བཅིངས་ལ་དེའི་སྟེང་དུ་དྲི་ཞིམ་པོའི་མེ་ཏོག་བཞག
15a3 ནས། སྙིང་པོ་འདི་བརྗོད་ལ་ཞུགས་ཤིག་།ོ~ཾ་བཛྲ་པྲ་ཏཱིཙྪ་མ~ཾ་ཧ་ཧ་ཧ་ཧ་ཧི། དེ་ནས་པུས་མོ་གཡས་པའི་ལྷ་ང་ས་ལ་བཙུགས་ནས་དུ་རུ་སྐའི་བདུག་པ་འམ་ཅི་བདོག་པས་གསོལ་ཏོ། །རྡོ་རྗེ་འཛིན་མ་མཛུབ་མོ་གཉིས་ཀྱོ་བ་ཏང་དུ་བྱས་ལ་སྙིང་པོ་ནི་འདི་བརྗོད་དོ། །ོ~ཾ་ཨུ་རུ
15a4 གྲ་གྲ་བི་རི་ཎི་བི་རི་ཎི། བཛྲ་མ་ཡ་ཧི། བྷི་ད་ཡེ་སྭཱ་ཧཱ། ཉི་ཤུ་རྩ་གཅིག་བཟླས་ན། དེ་ལས་མཚན་མ་འབྱུང་བ་ནི་བ་སྤུ་གཡོ་བ་ལ་སོགས་པ་དང་ས་གཡོ་བའམ་དྲི་ཞིམ་པོའམ་འོད་ཟེར་མཐོང་བའོ། །དེ་ནས་ཕྱག་ན་རྡོ་རྗེའི་སྤྱི་བོར་མེ་ཏོག་གཏོར་ཅིག་།དེ་ནས་སློབ་མ
15a5 གཞུག་སྟེ། དེ་ལ་ཐོག་མ་ཉིད་དུ་བཀྲུས་ནས་སློབ་མ་གོས་གཙང་མ་བསྐོན་ཏེ་གསུམ་ལ་སྐྱབས་སུ་བཏང་བ་དང་། བསླབ་པའི་སྡོམ་པ་འཛིན་པ་ལ་སོ་སོར་གནས་པར་བྱས་ནས་བྱང་ཆུབ་ཀྱི་སེམས་སྐྱེད་ཅིག་།དེ་ནས་གདོང་རས་ཀྱིས་གཡོགས་ནས་མགོ་གཙུག་ཏོར་དུ་བྱས
15a6 ཏེ། རྡོ་རྗེ་འཛིན་མའི་ཕྱག་རྒྱ་བཅིངས་ལ་ཆུག་ཅིག་།བཅུག་ནས་མེ་ཏོག་གཏོར་ཏེ། དེ་ནས་གང་ལ་བབ་པ་ནི་དེའི་ལྷའོ། །དེ་ནས་གདོང་བཅིངས་པ་བཀྲོལ་ནས་རང་གི་རིག་པའི་ལྷ་སྟོན་ལ། དེ་ལ་མཆོད་ཅིང་སློབ་དཔོན་ལ་ཡང་ཅི་འདོད་པའི་ཡོན་ཕུལ་ནས། དེ་རང་གི
15a7 རིག་པའམ་སྔགས་བཟླས་ཏེ་ཕྱག་རྒྱ་ཡང་བཅིང་ངོ་། །འཇིག་རྟེན་གསུམ་ལས་རྣམ་པར་རྒྱལ་བའི་རྟོག་པ་ཆེན་པོའི་རྒྱལ་པོ་ལས། འཇིག་རྟེན་གསུམ་གྱི་འཁོར་ལོ་ཞེས་བྱ་བའི་དཀྱིལ་འཁོར་ཆེན་པོའོ།། །།དེ་ནས་རྡོ་རྗེའི་དཀྱིལ་འཁོར་འབྱུང་སྟེ། རྡོ་རྗེའི་ཕྲེང་བ་མཉམ
iiif viewer powered by OpenSeadragon
