| e-texts navigator |
| Wylie |
12b1 ཅད་མགྲིན་གཅིག་ཏུ་བདག་ཅག་མཆིད་ཀྱིས་འཚལ་ལོ་ཞེས་གསོལ་ཏོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་རང་གི་སྙིང་པོ་འདི་གསུངས་སོ། །ཧཱུ~ཾ་ཊཀྐི་ཧོ། དེ་ནས་འདི་བརྗོད་པ་ཙམ་གྱིས་ལྷ་ལ་སོགས་པ་ཐམས་ཅད་དབང་དུ་བྱས་ཏེ། བཅོམ
12b2 ལྡན་འདས་ཕྱག་ན་རྡོ་རྗེ་ལ་ཕྱག་བྱས་ནས་མཆི་མ་བླགས་ཏེ། ང་རོ་བཏོན་ནས་སྐྱབས་སུ་དོང་སྟེ། བཅོམ་ལྡན་འདས་བསྐྱབ་ཏུ་གསོལ། ད་བདག་ཅག་ཁྱོད་ཀྱི་བཀའ་ཉན་ན་ཅི་ལྟར་བགྱི་བ་བཀའ་སྩལ་དུ་གསོལ་ཞེས་སོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས་དེ
12b3 རྣམས་ལ་གསུངས་པ། གྲོགས་པོ་དག་བྱང་ཆུབ་ཀྱི་སེམས་དང་སྡོམ་པ་གཟུང་བར་ཁས་ལོང་ཤིག་།དེ་དག་གིས་གསོལ་བ། བཅོམ་ལྡན་འདས་བདག་ཅག་གིས་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བགྱིད་ཅིང་བྱང་ཆུབ་ཏུའང་སེམས་བསྐྱེད་པར་འཚལ་ལོ། །
12b4 དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོས་ཡང་དེ་རྣམས་ཇི་ལྟ་བ་བཞིན་དུ་དཀྱིལ་འཁོར་དུ་བཙུད་ནས་སྡོམ་པ་འཛིན་དུ་བཅུག་སྟེ། བྱང་ཆུབ་སེམས་ནི་བརྟན་བྱས་པ། །སེམས་ཅན་ཐམས་ཅད་བདེ་བ་སྩལ། །ཕྱག་ན་རྡོ་རྗེ་བདག་ཆེན་དང་། །འདོད་པ་སྨད་པར
12b5 མི་བྱའོ། །འདི་ནི་གསང་བ་བ་ཡིན་ནོ། །དེ་ནས་བཅོམ་ལྡན་འདས་ཀྱིས་དེ་དག་སྡོམ་པ་འཛིན་དུ་བཅུག་ནས། དམ་ཚིག་བྱིན་པ་ནི། །ོ~ཾ་བཛྲ་ས་མ་ཡ་ཨ་བྷི་ཥིཉྩ་མཱ་བི་རཱ་ག་ཡ་སརྦ་ཀཱ་མཱན་ཧཱུ~ཾ་ཕཊ། དེ་ནས་དེ་དག་གིས་སྨྲས་པ། འདི་ནི་བདུད་ཀྱིས་སྨྲས་པས་ན་བདག་ཅག
12b6 མི་ཉན་ཏོ། དེ་ནས་བཅོམ་ལྡན་འདས་དེ་བཞིན་གཤེགས་པས་དེ་དག་ལ་ཁྱེད་ཅག་གིས་འདི་ལ་མ་བརྙས་ཤིག་ཅེས་གསུངས་པ་དང་། དེ་དག་གིས་གསོལ་པ། ཇི་ལྟར་འདོད་ཆགས་དང་བྲལ་བ་ནི་སངས་རྒྱས་ཀྱི་བྱང་ཆུབ་བོ་ཞེས་བཅོམ་ལྡན་འདས་ཉིད་ཀྱིས་བཀའ་སྩལ
12b7 ཏོ། །བཅོམ་ལྡན་འདས་ཀྱིས་གསུངས་པ། ཀྱེ་གྲོགས་པོ་དག་ང་ནི་ཇི་ལྟར་འདུལ་བཞིན་དུ་བྱེད་པ་སྟེ། འདི་ཉིད་ཀྱིས་འཇིག་རྟེན་གྱི་ཁམས་འདི་སུན་འབྱིན་ཏེ། ཇི་ལྟར་བདེ་བ་ལ་མི་ཆགས་པ་དང་། སྡུག་བསྔལ་ལ་འདོད་ཆགས་པ་ཅན་ཇི་ལྟ་བུས་འཇིག་རྟེན་འདུལ་བར
iiif viewer powered by OpenSeadragon
