| e-texts navigator |
| Wylie |
11b1 ལྡན་འདས་ཕྱག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཀྱེ་གནོད་སྦྱིན་ང་ནི་ཐམས་ཅད་ཀྱི་དབང་པོ་ཆེན་པོ་བྱེད་པ་པོ་འཇོམས་པ་པོ་སྐྱེ་དགུའི་བདག་པོ་ཚངས་པའོ། །གཏོགས་འདོད་དོ། །དབང་ཕྱུག་ཆེན་པོའོ། །དེ་ནས་ཕྱག་ན་རྡོ་རྗེ་བྱང་ཆུབ་སེམས་དཔའ་ཆེན་པོ་ཁྲོས་ནས
11b2 འདི་སྐད་གསུངས་སོ། །ཁྱོད་ནི་ལུས་སྲུལ་པོ་མི་ཤ་ཟ་བ་མ་རུངས་པ་དྲག་ཤུལ་གྱི་ལས་བྱེད་པས་ན་གཏུམ་པ་སྟེ། ཤ་ཟའི་ལུས་སྲེལ་བ་ན་ཇི་ལྟར་ཚངས་པ་དང་གཏོགས་འདོད་དང་དབང་ཕྱུག་ཆེན་པོ་ཡིན་ཚངས་པ་ཞེས་བྱ་བ་ནི་མི་འགྱུར་བའོ། །གཏོགས་འདོད་ཅེས་བྱུ་བ་ནི
11b3 ཐར་པའོ། །དབང་ཕྱུག་ཆེན་པོ་ཞེས་བྱ་བ་ནི་འདོད་པའི་ཁམས་ཀྱི་དབང་པོ་སྟེ། སེམས་ཅན་ཐམས་ཅད་ཀྱི་དབང་པོ་དེ་ནི་ང་ཡིན་པས་འདུལ་ནུས་སོ། །དེ་ནས་དབང་ཕྱུག་ཆེན་པོ་ལྷ་ཆེན་པོ་ཁྲོས་ནས། བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ཏེ། འཇིགས་སུ
11b4 རུང་བ་ཆེན་པོའི་གཟུགས་ཁྲོས་པ་ཆེན་པོའི་གད་མོས་བགད་ནས་འཇིགས་པ་ཆེན་པོར་བྱེད་པ་འབར་བ་ཆེན་པོ་སྟོང་པ་འཇིག་རྟེན་གྱི་ཁམས་ཐམས་ཅད་མཐའ་མེད་པར་གཟུགས་སྣ་ཚོགས་སུ་བྱས། འབར་བ་ཆེན་པོའི་གྲུབ་པ། མི་མཚུངས་པ་རྡོ་རྗེ་དང་། མདུང་རྩེ་གསུམ་པ་དང་།
11b5 འཁོར་ལོ་དང་། ཤཀ་ཏི་དང་། བེ་ཅོན་དང་། མི་མཚུངས་པའི་མཚོན་ཆ་འདེབས་ཤིང་གཏོང་བ་མ་མོ་རྣམས་ཀྱི་ཚོགས་དང་འབྱུང་པོའི་ཚོགས་རྣམས་དང་བཅས་པར་ཀུན་བསྟན་ཏོ། །བདུད་དང་བགེགས་བྱེད་པ་དང་མཐའ་དང་མུ་མེད་པའི་གཟུགས་སྣ་ཚོགས་སུ་སྤྲུལ།
11b6 ཁྲོ་བོ་རབ་ཏུ་མི་བཟད་པ་མ་རུངས་པའི་ཚོགས་ཆེན་པོ་དང་ལྷན་ཅིག་ཏུ་རབ་ཏུ་འཐབ་ཅིང་ཤིན་ཏུ་འགྱེད་པ། གླིང་བཞི་པའི་འཇིག་རྟེན་གྱི་ཁམས་མཚན་མོའི་མུན་གནག་ཏུ་བྱས། འབར་བ་ཆེན་པོའི་ཕུང་པོས་རབ་ཏུ་སྣང་བར་བྱས་སོ། །དེ་ནས་བཅོམ་ལྡན་འདས
11b7 རྡོ་རྗེ་འཆང་བ་ཆེན་པོ་ཅུང་ཟད་དུ་མཆེ་བའི་ཐོག་མ་གཙིགས་པ། སྨིན་མཚམས་ཀྱི་ཁྲོ་གཉེར་གྱི་རླབས་བསྐྱོད་པ། མིག་གཡོན་པ་ཆེར་བགྲད་དེ། རྡོ་རྗེའི་ལྟ་བ་ཁྲོ་བ་དང་བཅས་པས་ཟབ་མོའི་ཚིག་གིས་སྙིང་པོ་མཆོག་འཇིག་རྟེན་གསུམ་ལས་རྣམ་པར་རྒྱལ་བའི་དཔལ
iiif viewer powered by OpenSeadragon
