| e-texts navigator |
| Wylie |
183b1 སྐྱོབ་པ་སངས་རྒྱས་ཐམས་ཅད་ཀྱི། །སྤྱོད་པའི་ཚུལ་དང་ཁྱད་པར་གྱིས། །ས་དང་ཕ་རོལ་ཕྱིན་པ་ལ། །ལྷ་མོ་ཁྱོད་ནི་དབང་དུ་གྱུར། །བསྲུང་བའི་དཀྱིལ་འཁོར་རབ་གནས་པས། །སྡང་བའི་ལོག་འདྲེན་སྐྱེ་བོ་དང་། །བགེགས་རྣམས་བསལ་བ་འདི་སྐད་གསུངས། །དཔལ
183b2 ལྡན་བདག་ནི་རྡོ་རྗེ་འཛིན། །བསྲུང་བའི་འཁོར་ལོ་རབ་སྦྱོར་བས། །བདག་གིས་ཡེ་ཤེས་རྡོ་རྗེ་ཡིས། །ལུས་ངག་ཡིད་དུ་བཅས་པ་དག་།སངས་རྒྱས་ཀུན་གྱི་བདག་ཉིད་ནི། །ཁྲོ་བོ་གཤིན་རྗེ་ནག་པོའི་བདག་།སློབ་དཔོན་གྱིས་ནི་དཀྱིལ་འཁོར་བྲི། །ཞེས་ལན་གསུམ
183b3 གྱི་བར་དུ་བརྗོད་པར་བྱའོ། །དཀྱིལ་འཁོར་གྱི་ནི་དྲུང་ཉིད་དུ། །དར་གྱིས་གདོང་ནི་བཀབ་པ་ལ། །སྒོ་དྲུང་གནས་པ་ཁྱོད་གང་ཡིན། །སློབ་དཔོན་གྱིས་ནི་རབ་བརྗོད་དེ། །དེས་བདག་སྐལ་བ་ལྡན་པར་བརྗོད། །ཇི་ལྟར་བླ་མེད་དཔའ་བོ་ཡིས། །མགོན་ལ་དབང་ནི་བསྐུར་བ་བཞིན། །
183b4 བླ་མེད་བྱང་ཆུབ་གནས་བྱའི་ཕྱིར། །བདག་ལའང་མགོན་པོས་དབང་བསྐུར་གསོལ། །མེ་ཏོག་སོགས་ཏེ་མཆོད་པའི་མཆོག་།རབ་འབྱམ་རྒྱ་མཚོ་མ་ལུས་པས། །སློབ་དཔོན་དཔའ་བོ་དེ་ཉིད་ལ། །ཡང་ཡང་མཆོད་ཅིང་བསྟོད་པའི་ཚོགས། །རྒྱས་པར་མཉེས་བྱ་དེ་འོག
183b5 ཏུ། །དཔའ་བོས་དེ་ལ་དབང་རྣམས་སྦྱིན། །དེ་ནས་རྒྱལ་པོ་བདེ་ཆེན་པོ། །དཔའ་བོ་ལོངས་སྤྱོད་ཀུན་ལྡན་པ། །འགྲོ་དོན་བརྩོན་པའི་སྐུ་གསུམ་བདག་།ཉིད་ཀྱིས་འདི་སྐད་བཀའ་སྩལ་ཏོ། །སྦྱིན་སྲེག་མེད་ན་འབྲས་མི་འབྱིན། །དེ་བས་བདག་ཉིད་དམ་པ་ཡིས། །
183b6 དེ་ཡི་ལས་ལ་འབད་པར་བྱ། །གོས་ནག་རྒྱན་གྱིས་རྣམ་བརྒྱན་ལ། །གཤིན་རྗེར་རྣམ་བལྟས་རྣལ་འབྱོར་པས། །ཁྲོ་བོའི་སྐྱིལ་ཀྲུང་བཅས་པ་ཡིས། །སྲ་བའི་སྟན་ལ་བདག་འདུག་ནས། །ལས་རྣམས་བསྒྲུབ་པར་བྱ་བ་ནི། །མཚན་མོའམ་ཉི་མ་ཕྱེད་ཉིད་ན། །ར~ཾ
183b7 བྱུང་མེ་ཡི་དཀྱིལ་འཁོར་དུ། །ཧཱུ~ཾ་ཕཊ་མཐའ་ན་ཡོད་པ་ཡི། །སྔགས་ཀྱི་ཐོག་མ་བར་ཐ་མར། །སྦྱིན་སྲེག་བྱ་སྟེ་དེ་མེ་ནི། །དུར་ཁྲོད་མེ་འམ་རུས་པའམ། །རྡོ་ཉིད་ལས་ནི་བྱུང་པའམ། །ཙཎྜ་ལཱི་ཡི་ཁྱིམ་ཉིད་ནས། །ཐབ་ཁུང་གྲུ་གསུམ་ཅན་དེར་ནི། །ཚེར་མ་ཅན་གྱི
iiif viewer powered by OpenSeadragon
