| e-texts navigator |
| Wylie |
180b1 ཀྱིས་ཐེབས་པར་བྱ་བ་ལ། །དུར་ཁྲོད་ཀོ་བ་ཆེ་བ་ལ། །རྐ་ཤིང་གི་ལོ་མ་དང་། །ཙི་ཏྲ་ཀ་དང་སྐེ་ཚེ་དང་། །ཁྲག་གིས་འཁོར་ལོ་བྲི་བར་བྱ། །བྲི་བ་བསྐོས་ལ་རི་མོས་དགང་། །སེང་ལྡེང་འདབ་མ་དུ་མེད་ལ། །བསྲོ་ཞིང་ཁྲོས་པས་ལྔ་བརྒྱ་བཟླ། །ཁྱིམ་དང་ལམ་གྱི་བཞི་མདོ་དང་། །དུར་ཁྲོད་སྦས་ན
180b2 རིམས་ཀྱིས་འཛིན། །རྒྱས་པའི་ལས་ཀྱིས་རྒྱས་འདོད་ན། །གི་ཝང་གིས་ནི་གྲོ་ག་ལ། །འཁོར་ལོ་གཉིས་ནི་རྣམ་བྲིས་ཏེ། །བསྐུལ་ཚིག་ལྡན་པར་ཡི་གེ་བྲི། །ཟླ་དྲུག་ཐང་ཀའི་མདུན་དག་ཏུ། །གནོད་སྦྱིན་དང་ནི་གནོད་སྦྱིན་མོས། །རིན་ཆེན་ཆར་ནི་འབེབས་པ་དང་། །གཤིན་དགྲ་སེར
180b3 པོ་ཟླ་སེར་ལ། །གནས་པར་བསམས་ཏེ་ཁྲི་བཟླས་ན། །འཕགས་པ་ནོར་འཛིན་འདྲ་བར་འགྱུར། །ོཾ་ཆེ་གེ་མོ་པུཥྚིཾ་ཀུ་རུ་ཨོཾ། གྲོག་སོགས་ཀྱི་ཤོག་ཤོག་ལ། །གི་ཝང་དང་ནི་རང་བྱུང་གི། །མེ་ཏོག་དག་གིས་བྲི་བ་སྟེ། །ཡང་ན་ཐ་ལྟག་ཁྲག་དང་ནི། །བིལ་བའི་ལོ་མའི་ཁུ་བ་དང་། །
180b4 རས་དམར་པོ་ཡི་ཁུ་བ་དང་། །སེན་རྩི་རྣམས་བསྲེས་བྲི་བར་བྱ། །སྤྲ་ཚིལ་གྱིས་ནི་འཁོར་ལོ་དྲིལ། །བུམ་པ་མར་སྦྲང་ལྡན་པར་གཞག་།དུས་བཞི་དག་ཏུ་མཆོད་པ་ནི། །མེ་ཏོག་དམར་པོས་མཆོད་པའོ། །དེ་ཚེ་བཟླས་པ་ཚུལ་དག་ནི། །ཧོཿཝཱ་ཤཾ་ཀུ་རུ་ཧོཿ། །དེ་མཐག་ཏུ་ལྷ་རྣམས
180b5 ཀྱང་། །དབང་དུ་བྱེད་པར་ངེས་འགྱུར་རོ། །གྲོ་ག་དག་ལ་བྲི་བ་ནི། །ཟླ་བ་གཟས་ཟིན་དུས་དག་གམ། །རྒྱལ་གྱི་ཉིན་པར་བྲི་བྱ་སྟེ། །སྐུད་པ་དམར་པོས་འཁོར་ལོ་དཀྲི། །མེ་ཏོག་དམར་པོས་མཆོད་པར་བྱ། །ཐོད་པ་ཁ་སྦྱར་ནང་གཞག་སྟེ། །བཟླས་པ་ཁྲིས་ནི་བརྒྱ་བྱིན་གྱི། །བུ་མོ་འང་རྙེད་པར
180b6 ངེས་འགྱུར་རོ། །དུར་ཁྲོད་ཀྱི་ནི་རས་དག་ལ། །གུར་གུམ་སོགས་ཀྱིས་འཁོར་ལོ་བྲི། །ཡི་གེ་ཐིག་ལེས་རྣམ་བསྐོར་ཏེ། ། མུ་ཀི་དང་མཱ་མ་ཀཱི། །མོ་ཧ་ན་དང་རྣམ་སྤེལ་ལ། །བསྒྲུབ་བྱའི་གོས་ཀྱི་མཐའ་མ་ལ། །ལེགས་བཏགས་ཆོས་ཀྱི་དབྱིངས་ཉིད་དུ། །བསྒོམས་ནས་ཟློས་ཤིང་འགྲོ་ན
180b7 ཡང་། །ལྷ་དང་ལྷ་མིན་གྱིས་མི་མཐོང་། །བདག་ཉིད་གཤིན་དགྲ་ཉིད་བསྒོམས་ནས། །ཆུ་ཡི་སྟེང་ནས་འགྲོ་འདོད་ན། །རྡུལ་ཕྲན་ལྷ་ཡི་རྣམ་པར་ཏེ། །ོ་རྒྱན་དུ་ནི་བདག་རང་ཉིད། །ངེས་པར་སྟེང་འགྲོ་གཞན་དག་ཀྱང་། །བུ་མོས་ནགས་ཀྱི་རས་བལ་ལ། །སྐུད་པ་བཀལ་བ་གཞོན་ནུ་མས། །
iiif viewer powered by OpenSeadragon
