| e-texts navigator |
| Wylie |
180a1 ལ། །གཟུགས་བྱས་དེ་ཡི་སྙིང་གར་གཞུག་།དུར་མེ་དག་ལ་དེ་བགྲོ་ཞིང་། །ཁྲོས་པའི་སེམས་ཀྱིས་ཁྲི་བཟླས་ན། །སྐད་ཅིག་ཙམ་གྱིས་འཆི་བ་ནི། །དེ་ཡི་ཁྱིམ་མམ་དུར་དུ་སྦ། །དེ་ལྟའི་ལས་ཀྱིས་དེ་འགྲུབ་སྟེ། །མཚན་མོ་ཕྱེད་ན་ཁ་ལྷོར་བལྟ། །
180a2 བདག་ཉིད་འཇིགས་པའི་གཟུགས་ཅན་ཏེ། །ཞལ་སོགས་སྔོན་དུ་གསུངས་པ་ལྟར། །མ་ཧེའི་སྟེང་ན་མཆེ་བ་གཙིགས། །གསུས་ཁྱིམ་ཆེ་ལ་གྱེན་སྐྲ་འབར། །སྤུ་སོགས་གཞན་ཡང་དེ་འདྲའོ། །བ་སྤུ་དག་གི་བུ་ག་ནས། །འཇིགས་མཚོན་སྣ་ཚོགས་ཐོགས་པ་ཡི། །
180a3 ཁྲོ་བོ་མང་པོ་འཕྲོ་བ་སྟེ། །བདག་ཉིད་བསྐལ་བའི་མེ་ལྟར་འབར། །བསྒྲུབ་བྱ་མདུན་དུ་བསམ་བྱ་བ། །མཚམས་མེད་རྫོགས་པའི་སྡིག་དང་ལྡན། །དྲི་མ་ཅན་དེ་ཕྱོགས་གོས་འཆང་། །གྲོང་ཁྱེར་སྐྱེ་བོས་འཚེ་བ་ཅན། །གྲང་བའི་རེག་པས་ལུས་ལ་རྒྱས། །མཚོན་གྱིས་བཏབ
180a4 པ་བྱས་པ་ལ། །གཅན་གཟན་སོགས་ཟ་མདུན་དུ་བསམ། །ངག་ཏུའང་དེ་ལྟར་ཡང་ཡང་བརྗོད། །ལྕགས་ཀྱི་འཁྱུད་མོས་ཡན་ལག་བསྡམས། །ཚེར་མས་དབུག་པ་བྱས་པ་སྟེ། །ལུས་ཀྱི་པགས་པ་མེད་པར་བསམ། །སྐེ་ཚེ་ལན་ཚྭས་ལུས་བྱུགས་ཏེ། ། ཆུ་བ
180a5 ཡི་སྒྲ་འབྱིན་བསམ། །དེ་ཡི་མགོན་སྐྱབས་བསལ་བྱས་ནས། །གཤིན་རྗེའི་ལྟོ་བའི་ཐ་མར་གཞག་།བེ་ཅོན་ཐོགས་པས་དེ་ཟའོ། །འདི་ལྟར་བསད་པས་སངས་རྒྱས་ཀྱི། །སྲས་སུ་དེ་ནི་སྐྱེ་བར་འགྱུར། །ལས་ཀྱི་སྡིག་ལས་དེ་གྲོལ་ལོ། །གསོད་པའི་སྔགས་དེ་སྤེལ
180a6 བ་ནི། །ཧཱུ~ཾ་ཆེ་གེ་མོ་མཱ་ར་ཡ་ཧཱུ~ཾ། བསྒྲུབ་བྱ་ནང་དག་དབྱེ་བ་ནི། །མ་ཧེ་རྟ་ཡི་པགས་པ་དག་།ཡང་ན་རོ་དང་དུར་ཁྲོད་རས། །རྟ་དང་མ་ཧེ་བྱི་ལ་འམ། །ཁྱིམ་བྱའི་ཁྲག་དང་སྐེ་ཚེ་བསྲེ། །དེར་ནི་འཁོར་ལོ་འདི་བྲིས་ཏེ། །རྣམ་པར་འགྲས་པ་བསྐུལ
180a7 དང་ལྡན། །རྟ་སྦལ་དག་གི་ནང་བཅུག་སྟེ། །མ་ཧེའི་རྨིག་པའི་ནང་བཅུག་ལ། །སྟོང་ཕྲག་བཅུ་ནི་ཚང་བར་བཟླས། །ནིམ་པའི་ཤིང་བསྲོས་དེ་ནང་སྦ། །དེ་ནང་འགྲས་པ་ཉིད་དང་ནི། །དཔག་ཚད་བརྒྱས་ཆོད་འཐབ་པར་འགྱུར། ། ནུ་ཀི་དང་ཨ་མུ་ཀི། །བི་དཱ+ེ་ཥ་ཡ་ཕཊ། རིམས
iiif viewer powered by OpenSeadragon
