| e-texts navigator |
| Wylie |
179b1 སྦྲུས་ཏེ་གཟུགས་བྱས་ལ། །འཁོར་ལོ་གཉིས་དྲིལ་ཡུང་བ་དང་། །ལྡོང་རོས་ཀྱི་ནི་ཁུ་བས་བསྐུ། །སྙིང་གར་བཅུག་སྟེ་གཞུག་པར་བྱ། །སེང་ལྡེང་ཕུར་པ་སོར་བརྒྱད་པས། །ལུས་ལ་སོགས་པ་གདབ་པར་བྱ། །དགྲ་རྣམས་འོང་བའི་ལམ་དུ་ཡང་། །ཁུང་བུར་བརྐོས་ཏེ་གཞུག་པར
179b2 བྱ། །ལ~ཾ་ལས་དབང་ཆེན་གྱིས་མནན་ཅིང་། །སུ~ཾ་ལས་སྐྱེས་པ་དེ་སྟེང་ན། །སྣ་ཚོགས་ལས་ཀྱིས་མནན་པ་ཡི། །ཁམ་ཕོར་སྐུད་སེར་དཀྲི་བར་བྱ། །རྒྱལ་ཆེན་དག་ནི་སེར་པོ་ཡང་། །དབང་ཆེན་ལ་གནས་ལྷོར་བལྟས་ཏེ། །བསྒྲུབ་བྱ་སེར་པོའི་རིགས་མནན་པར། །བསམས
179b3 ནས་བཟླས་པ་བརྩམ་པར་བྱ། །སྭཱ་ཧཱ་མེད་པར་སྟ~ཾ་བྷ་ཡ། །ལ~ཾ་གྱི་མཐའ་ཅན་ལྔ་སྟོང་བཟླས། །གཏོར་མ་རྒྱུན་དུ་སྦྱིན་པར་བྱ། །རེངས་པ་ཆེན་པོའི་ལས་འདི་ཡིས། །དམག་གི་དཔུང་ཡང་ངེས་པར་རེངས། །འགའ་ཙམ་ལ་ནི་སྨོས་ཅི་དགོས། །སྲན་ནེ་ལན་གསུམ་བསྔགས་པ
179b4 ཡིས། །དུར་ཁྲོད་རས་ལ་འཁོར་ལོ་བྲི། །རིམས་དང་དུག་གིས་ཟིན་པ་དེ། །དེ་ཡི་སྟེང་དུ་གཞག་པར་བྱ། །བདག་ཉིད་དཀར་པོར་རྣམ་བསམས་ཏེ། །ཆོ་གས་བྱབ་ཅིང་གདོན་པར་བྱ། །དེ་ནི་དེ་ནས་ཞི་བར་འགྱུར། །ངག་དག་རེངས་པར་འདོད་ན་ཡང་། །སྨྱོ་བྱེད་ཁུ་བ་དུར་ཁྲོད
179b5 སོལ། །བཙག་རྣམས་བསྲེས་ཏེ་སོ་མ་བཏང་། །ཁམ་ཕོར་གཉིས་ལ་འཁོར་ལོ་འདི། །ཕོ་དང་མོ་ཡི་སྐོར་ཕྱོགས་གཉིས། །མ་ནོར་བྲིས་ཏེ་ཁ་སྦྱར་ལ། །རོ་བསྲེགས་སོ་དང་ཐལ་བས་གཡོགས། །སྟེང་དུ་བཟླས་ཤིང་སྤེལ་བ་ནི། །སྟ~ཾ་བྷ་ན་དང་ཀུ་རུ་ལ~ཾ། །སྭཱ་ཧཱ་མེད་པའི་སྔགས
179b6 འདི་ཡིས། །ཁ་བཅིང་བ་ནི་ངེས་པར་འགྱུར། །གང་ཞིག་གསད་པར་བྱེད་པ་ལ། །སྙིང་རྗེར་ལྡན་པའི་གང་ཟག་གིས། །གདུག་བྱེད་ལས་འདི་བྱེད་པ་ལ། །གཤིན་དགྲ་ལྷ་ཡི་རྣལ་འབྱོར་གྱིས། །གཅིག་གིས་ནི་འགྲུབ་པར་བྱེད། །བཅུ་བཞི་ཉི་མ་ཕྱེད་པ་ན། །བྱ་རོག
179b7 སྒྲོ་རྩའི་སྨྱུ་གུ་ཡིས། །དུར་ཁྲོད་ཀྱི་ནི་རས་དག་ལ། །དུག་དང་ཚྭ་དང་སྐེ་ཚེ་དང་། །ནིམ་པ་ཚ་བ་གསུམ་དག་དང་། །ཚ་བའི་མར་ཁུ་དུར་ཁྲོད་སོལ། །སྨྱོ་བྱེད་མཛུབ་མོའི་ཁྲག་གིས་བྲི། །རོ་བསྲེགས་པ་ཡི་ཐལ་བ་དང་། །བསྒྲུབ་བྱའི་རྐང་པའི་རྗེས་ཀྱིས། །མི་ཡི་རུས་ཕྱེ་ལ་སོགས
iiif viewer powered by OpenSeadragon
