| e-texts navigator |
| Wylie |
179a1 པར་རོ། །སོ་མ་བཏང་བའི་ཁམ་ཕོར་དུ། །སྦྲང་མར་དག་དབུས་འཁོར་ལོ་གཞུག་།སྐུད་པ་དཀར་པོས་ལེགས་པར་དཀྲི། །ནང་པར་ཤར་དུ་ཁ་བལྟས་ཏེ། །མེ་ཏོག་དཀར་པོ་དག་གིས་མཆོད། །བདག་ཉིད་དཀར་པོའི་མདོག་ཏུ་བསམ། །མདུན་དུ་སྐྱེས
179a2 པ་ཟླ་བ་ལ། །མཐའ་དག་གནས་པ་མདུན་དུ་བསམ། །སངས་རྒྱས་ཕྱོགས་བཅུར་བཞུགས་པ་ཡིས། །བདུད་རྩི་ལྔས་གང་བུམ་པ་ཡི། །ཆུ་རྒྱུན་དག་གིས་དབང་བསྐུར་ཏེ། །དེ་འོག་བཟླས་པ་བརྩམ་པར་བྱ། །སྭཱ་ཧཱའི་སྔོན་དུ་བསྐུལ་ཚིག་ལྡན། །བུད་མེད་ལ་ནི་གི་ཝང
179a3 སྟེ། །ཕྱི་རོལ་མཚམས་བཞིར་ཕུར་པ་ཡིས། །བགེགས་བསྐྲད་སྟེང་དུ་བླ་རེ་བྲི། །ཕྱི་མ་སྐྱེས་པའི་ཇི་བཞིན་ནོ། །བྱེ་བྲག་ཏུ་ཡང་སྐྱེས་པའམ། །བུད་མེད་ཞི་བར་འདོད་ན་ཡང་། །ག་པུར་ཙནྡན་དག་གིས་ནི། །ཤིར་ཤ་ཤིང་གི་ཤུན་པ་ལ། །འཁོར་ལོ་ཡི་གེ་ལེགས་བྲིས
179a4 ཏེ། །ཤར་དུ་ནང་པར་བལྟས་ཏེ་མཆོད། །ལས་ཀུན་བྱེད་པའི་ཐབས་ལ་ཡང་། །སྔོན་གསུངས་ཞལ་ལྡན་དགོད་པར་བྱ། །ཕྱི་རོལ་མཚམས་བཞིར་ཕུར་པ་ཡིས། །བགེགས་བསྐྲད་སྟེང་དུ་བླ་རེ་བྲི། །བུམ་པ་ཁ་རྒྱན་དང་ལྡན་ཞིང་། །རིན་ཆེན་འབྲུ་དང་སྨན་དུ་ལྡན། །དྲི
179a5 ཞིམ་ཆུ་དང་ལྡན་པར་བྱ། །གོས་ནི་མགྲིན་པ་དཀྲི། །ཕྱོགས་བཞི་དག་ཏུ་གཞག་པར་བྱ། །ཐང་ཀའམ་དཀྱིལ་འཁོར་ལ་མཆོད་དེ། །དྲིའམ་ཆུ་དང་མེ་ཏོག་དང་། །བསྲེས་པའི་སྐྱོར་མོས་ཆུ་ཡང་བླུགས། །གཟར་བུ་སྟོང་གིས་སྦྱིན་སྲེག་བྱ། །ཆུ་དེས་གཞན་ཡང
179a6 གཏོར་བར་བྱ། །བར་མ་ཆད་པར་ཉིན་བདུན་དུ། །དེ་ལྟར་རྒྱུན་དུ་གཏོར་མ་སྦྱིན། །ཕྱི་ནས་འཁོར་ལོ་རིན་ཆེན་དེ། །བུམ་པའི་ནང་ནས་རྣམ་ཕྱུང་སྟེ། །རྒྱལ་མཚན་རྩེ་ལ་བཏགས་ནས་སུ། །གནས་མཐོན་པོར་ཡང་གཞག་པར་བྱ། །ཞི་བར་བྱེད་པ་ཐེ་ཚོམ་མེད། །སྔར་བཤད
179a7 པ་ཡི་ཤིང་ཤུན་དང་། །དུར་ཁྲོད་རས་ལ་སྒྲུབ་པོ་ཡིས། །ཡུང་བའི་ཁུ་བས་འཁོར་ལོ་བྲི། །སོ་མ་བཏང་བའི་ཁམ་ཕོར་དུ། །བསྒྲུབ་བྱའི་རྐང་རྗེས་ས་དག་དང་། །སྣང་མཛད་ཆུ་ངོགས་ས་དག་དང་། །རི་དང་ལམ་ས་བཏགས་ནས་ནི། །ལྡོང་རོས་དང་ནི་ཡུང་བ་ཡི། །ཁུ་བས
iiif viewer powered by OpenSeadragon
