| e-texts navigator |
| Wylie |
178b1 ནང་དུ་ཆུད་པར་བྲི། །འཁོར་ལོ་ཉིད་ཀྱང་དེ་འདྲ་བ། །གྲཝ་བཞི་དག་ཏུ་བྲི་བ་ནི། །མ་ནིང་འདོད་པའི་ཀཱ་ལི་དང་། །ཱ་ལི་མིན་ཏེ་ལྷག་མ་ཡིན། །གདུག་པའི་ཡི་གེ་བཅུ་བཞི་པོ། །མིང་དང་བཅས་པ་ཕྱོགས་བཞིར་བྲི། །དབྱངས་ཀྱི་ཡི་གེ་བཞི་པ་ཡིས། །བཞི་པ་གཅིག
178b2 གི་མགོ་སྟེངས་སུ། །སུམ་སྐོར་ཉིད་ནི་ཤིས་པ་ཡིན། །ལས་ཀུན་བྱེད་པའི་འཁོར་ལོ་དེ། །འདྲི་བར་བྱེད་པའི་སྤྱི་དུས་དང་། །ཁྱད་པར་དུས་ཚེས་ལྷ་ཡི་ནི། །རྣལ་འབྱོར་མེད་པས་བྱ་བ་མིན། །ཕྱོགས་སུ་བལྟ་བའི་བྱེ་བྲག་གིས། །ལས་ཀྱི་སྒྲུབ་པོས་ཤེས་པར་བྱ། །ལས་ཀུན
178b3 བྱེད་པའི་འཁོར་ལོ་ནི། །བདེ་གཤེགས་ཀུན་གྱི་སྙིང་པོ་སྟེ། །དེ་བཞིན་གཤེགས་པའི་གསང་བའང་ཡིན། །འཁོར་ལོ་འདིར་ནི་བཅུག་པ་གང་། །སངས་རྒྱས་ཀྱང་ནི་ངེས་པར་འཇིག་།དམ་ཆོས་སྨོད་པའང་དེ་བཞིན་ཞི། །འཁོར་ལོས་སྒྱུར་བའང་དབང་དུ་འདུ། །ལྷ་མིན་པྲ
178b4 ཏིའང་ཞི་བར་བྱེད། །དགྲ་བཅོམ་གསོད་པའང་དེ་ཞི་ལ། །བརྒྱ་བྱིན་ཉིད་ཀྱང་དབང་དུ་ངེས། །དེ་ལྟ་བུ་ཡི་འཁོར་ལོ་དེ། །ཐོག་མར་བྲིས་ཏེ་དེ་འོག་ཏུ། །བྱིན་རླབས་མ་ནོར་དེ་ཉིད་ལ། །མཆོད་པ་གུས་པར་བདག་གིས་བྱ། །མཆོད་མིན་ལས་རྣམས་བྱས་པ་ལ། །འབྲས་བུ
178b5 འབྱུང་མིན་འཁྲུལ་པ་ལའང་། །འབྲས་མེད་ངལ་བ་ཉིད་ཡིན་ནོ། །ཡང་ལྷ་མོ་རོ་ལངས་མ་ཉིད་སྟན་ལས་ལངས་ཏེ་མཆོད་པ་ཆེན་པོ་བྱས་ཏེ་འདི་སྐད་ཅེས་གསོལ་བ་བཏབ་བོ།། །།འཁོར་ལོ་འདྲི་བའི་སྣག་ཚ་གང་། །བྲི་གཞི་སྨྱུ་གུ་ཇི་ལྟ་བུ། །གཅིག་གམ་འོན་ཏེ་དེ་ཐ་དད། །
178b6 བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །ལེགས་སོ་ལེགས་སོ། །དེའི་ཕྱིར་ལེགས་པར་ཉོན་ལ་ཡིད་ལ་ཟུང་ཤིག་དང་ངས་བཤད་དོ། །ཇི་ལྟར་ལས་རྣམས་བྱེ་བྲག་ཡོད་པ་ལྟར། །བྲི་བའི་གནས་དང་གཞུག་པའི་གནས། །
178b7 ཐ་དད་དེ་བཞིན་འཁོར་ལོ་བསྒྲུབ། །སྣག་ཚ་ཐ་དད་འབྲུ་རྣམས་བཞིན། །གྲོང་ཁྱེར་ཆེན་པོ་བསྲུང་འདོད་དམ། །སྐྱེས་པ་བསྲུང་བར་འདོད་ན་ཡང་། །གྲོ་ག་དེ་བཞིན་ཨུ་བྷི་ཤུན། །གླ་གོར་ཞོ་ཤའི་ཤུན་པའམ། །རས་ལ་ཁ་ཆེས་འཁོར་ལོ་ནི། །བསྐུལ་བའི་ཚིག་དང་ལྡན
iiif viewer powered by OpenSeadragon
