| e-texts navigator |
| Wylie |
177b1 ཡི། །བཅུ་བཞིར་ཚང་བའི་གསང་སྔགས་ཀྱིས། །ལས་རྣམས་ཀུན་གྲུབ་ཐེ་ཚོམ་མེད། །ཡང་ལྷ་མོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེ་ཡི་འཁྲུལ་འཁོར་ཇི་ལྟ་བུ། །ཡི་གེ་རྣམས་ནི་ཇི་ལྟར་བྲི། །བཅོམ་ལྡན་འདས་ཀྱིས་བཀའ་སྩལ་པ། །བདུན་ཚན་བདུན་དང
177b2 ལྡན་པ་ཡི། །རེའུ་མིག་ལེགས་པར་བྲི་བར་བྱ། །ལས་ཀུན་བྱེད་པའི་འཁོར་ལོ་ལ། །མཆོད་པ་ཡིས་ཀྱང་ལེགས་མཆོད་ལ། །དེ་འོག་ལས་རྣམས་བརྩམ་པར་བྱ། །བཟླས་པའི་མཚན་མ་རྨི་ལམ་མམ། །མངོན་སུམ་བྱུང་བར་གྱུར་ནས་ཀྱང་། །འཁྲུལ་འཁོར་རྣམས་ནི་བྲི
177b3 བྱ་བའི། །རྨི་ལམ་མཚན་མ་འདི་ཡིན་ཏེ། །ཚལ་ཆེན་ཟུག་པའི་གླིང་དག་དང་། །ལྷ་ཁང་མཆོད་རྟེན་གཞལ་ཡས་སུ། །དམ་པ་རྣམས་དང་ངེས་ཕྲད་དེ། །དབང་བསྐུར་རི་ལ་འཛེག་པ་དང་། །རྒྱ་མཚོར་བཅས་པའི་ཆུ་བརྒལ་ལམ། །ཀླ་ཀློ་བྲན་དུ་འཁོལ་རྨི་ན། །ངེས་པར་འགྲུབ
177b4 སྟེ་འཁོར་ལོ་བྲི། །དེ་ནས་ཡང་བཅོམ་ལྡན་འདས་ཀྱིས་འབྱུང་བའི་དཀྱིལ་འཁོར་བསྒོམ་པ་གསུངས་ཏེ། ཡ~ཾ་ལས་བྱུང་བའི་རླུང་དཀྱིལ་འཁོར། །སྔོན་པོ་གཞུ་ཡི་དབྱིབས་ཅན་ལ། །བ་དན་ལྡན་པར་ངེས་པར་བསམ། །ར~ཾ་ལས་བྱུང་བའི་མེ་དཀྱིལ་འཁོར། །གྲུ་གསུམ
177b5 དམར་པོ་བསམ་པར་བྱ། །བ~ཾ་ལས་བྱུང་བ་ཆུ་ཡིན་ཏེ། །དཀར་པོ་ཟླུམ་པོ་བསམ་པར་བྱ། །ལ~ཾ་བྱུང་ས་ཡི་དཀྱིལ་འཁོར་ནི། །ལྗང་སེར་གྲུ་བཞི་བསམ་བྱས་ཏེ། །སྔོན་དུ་བསམ་བྱ་ལྟ་རིམ་བཞིན། །ཏྭ་ར་ཕྱི་ནས་ངེས་པར་བསམ། །བྷྲུ~ཾ་ལས་བྱུང་བའི་འཁོར་ལོའི་རྩིབས། །
177b6 དྲུག་གཉིས་ལྡན་པའི་ལྟེ་བ་ལ། །བྷྲུ~ཾ་ལས་གཞལ་ཡས་ཁང་པ་སྟེ། །གདན་དང་ལྡན་པར་སྒྲུབ་པོས་བསམ། །དེ་ནས་ཡང་བཅོམ་ལྡན་འདས་ཀྱིས་རྡོ་རྗེ་བསྡུ་བའི་ཕྱག་རྒྱ་དང་སྔགས་ཀྱིས་བདེ་བར་གཤེགས་པ་འཁོར་དང་བཅས་པ་བསྡུ་བར་བྱའོ། །ོཾ་བཛྲ་ས་མཱ་ཛཿ། ལག་ངར
177b7 གཉིས་ནི་ངེས་བསྣོལ་ལ། །མཛུབ་གཉིས་ལྕགས་ཀྱུའི་ཚུལ་བྱས་ཏེ། །སེ་གོལ་བརྡབ་ཅིང་བསྡུ་བར་བྱ། །ལྕགས་ཀྱུ་ལ་སོགས་རྣམ་པ་བཞིས། །ངེས་པར་དགུག་པ་ལ་སོགས་བྱ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་མཆོད་པའི་སྔགས
iiif viewer powered by OpenSeadragon
