| e-texts navigator |
| Wylie |
176b1 ཞིང་སར་པ་མཛེས་པ་ཡིས། །ཤར་དུ་བལྟས་ཏེ་གདབ་པར་བྱ། །ཚངས་ཐིག་གཉིས་པ་གདབ་པ་ཡང་། །ལྷོ་རུ་བལྟས་ཏེ་གདབ་པར་བྱ། །དེ་འོག་མཐའ་ཡི་ཐིག་གདབ་པ། །བྱིན་ཟར་གནས་ཏེ་དབང་ལྡན་བལྟ། །རླུང་གནས་བདེན་བྲལ་ཁ་བལྟས་ཏེ། །ནུབ་ཏུ་ལེགས
176b2 པར་བྲི་བར་བྱ། །དེར་གནས་ཤར་དུ་ཁ་བལྟས་ཏེ། །བྱང་དུ་བྲིས་ཏེ་བྱིན་ཟར་གནས། །བདེན་བྲལ་མིན་པའི་མཐའ་མ་གདབ། །བལྟ་བ་བདེན་བྲལ་ཕྱོགས་སུའོ། །སློབ་དཔོན་ལྡང་མིན་གྲོགས་པོ་ནི། །ཞོན་པའི་ཕྱོགས་འདུག་སྟེ། །ཚངས་ཐིག་དང་པོ་གདབ་པར
176b3 བྱ། །གཉིས་པའང་བདེན་བྲལ་ཕྱོགས་འདུག་སྟེ། །བགེགས་ཕྱོགས་བརྐྱང་ལ་གདབ་པར་བྱ། །དབུས་དང་མཐའ་མར་ཕྱེ་བ་ཡི། །གཞལ་ཡས་ཁང་པའི་མཚན་ཉིད་ནི། །གྲུ་བཞིར་བགྱི་ཞིང་སྒོ་བཞི་དང་། །རྟ་བབས་བཞིས་ནི་བརྒྱན་པ་ཡི། །དབུས་སུ་རྩིབས་བརྒྱད་ལྟེ་བ
176b4 ལ། །རྡོ་རྗེ་ཐོ་བ་བྲི་བར་བྱ། །ཉི་མའི་དཀྱིལ་འཁོར་དབུས་ཉིད་དུ། །གྲི་གུག་ཀྱང་ནི་བྲི་བར་བྱ། །ཤར་རྩིབས་འཁོར་ལོ་ཆེན་པོ་སྟེ། །རིན་ཆེན་ལྷོ་ཡི་ཕྱོགས་རྩིབས་ལ། །པདྨ་དམར་པོ་ནུབ་ཏུ་བྲི། །བྱང་དུ་རྡོ་རྗེ་ཀུན་དུ་རྩེ། །ཤར་ལྷོ་ཕྱོགས་སུའང་དེ་དང་འདྲ། །གྲཝ་བཞིར་བརྒྱད
176b5 པོའང་ཉིས་བརྩེག་ཏུ། །མཚན་མ་རྣམས་ནི་ལེགས་པར་བྲི། །སྒོ་བཞི་དག་ཏུ་བྲི་བ་ཡང་། །ལྕགས་ཀྱུ་ཞགས་པ་ལྕགས་སྒྲོག་དྲིལ། །གཞན་ཡང་རྒྱན་ཀུན་ལེགས་པར་བྲི། །མཆོད་པ་ལེགས་པར་དགྲམ་པར་བྱ། །ཁུ་ཚུར་དཀུ་གཉིས་བཞག་པ་དང་། །དེ་བཞིན་དཔྲལ་བར་ཉུག
176b6 པ་དང་། །ཁ་ནས་འབྱིན་དང་གར་བསྐྱོད་དང་། །བདུག་སྤོས་ཉུག་དང་མེ་ཏོག་འཐོར། །མཐེ་བོང་བསྒྲེང་སྟེ་རང་ལུས་ལའང་། །གཞན་ལ་ཉུག་ཚུལ་གནས་པ་ནི། །བརྒྱད་པོ་མཆོད་པའི་ལྷ་མོ་དག་།བསྐྱེད་དང་ལེགས་གནས་ཕྱག་རྒྱ་ཡིན། །སྐུ་གསུང་ཐུགས་ཀྱི་ལྷ་རྣམས་དག་།
176b7 རང་ལུས་བཅུག་སྟེ་གནས་པ་ལ། །སྔགས་ཀྱིས་བྱིན་གྱིས་བརླབ་པ་ནི། །ོཾ་སརྦ་ཏ་ཐཱ་ག་ཏ་ཀཱ་ཡ་བཛྲ་སྭ་བྷྲ་བ་ཨཱཏྨ་ཀོུ྅ཧ~ཾ། ཨོཾ་སརྦ་ཏ་ཐཱ་ག་ཏ་ཝཱ་ཀ་བཛྲ་སྭ་བྷཱ་བ་ཨཱཏྨ་ཀོུ྅ཧཾ། ཨོཾ་སརྦ་ཏ་ཐཱ་ག་ཏ་ཙིཏྟ་བཛྲ་སྭ་བྷཱ་བ་ཨཱཏྨ་ཀོུ྅ཧ~ཾ། མིག་སོགས་བྱིན་གྱིས་བརླབ་པ་ལ། །གཏི་མུག་རྡོ་རྗེ་སོ
iiif viewer powered by OpenSeadragon
