| e-texts navigator |
| Wylie |
175b1 དང་ལྡན་པས། །གསུང་ནི་འདི་སྐད་བཀའ་སྩལ་ཏོ། །དེ་ནས་སྒྲུབ་པ་བཤད་བྱ་བ། །རྩིབས་བརྒྱད་དབུས་ཀྱི་ལྟེ་བ་ལ། །བདག་ཉིད་ཕྱག་དང་ཞལ་རྣམས་ནི། །དྲུག་དྲུག་ལྡན་པར་གྱུར་པ་བསྒོམ། །ཞབས་ཀྱང་དེ་དང་འདྲ་བ་སྟེ། །གཡས་ཀྱི་དང་པོའི་ཕྱག་ན་ནི། །རྡོ་རྗེ་ཐོ་བ
175b2 གཡས་གཉིས་ན། །རལ་གྲི་དེ་བཞིན་གཡོན་གྱི་ཡང་། །དང་པོར་ཞགས་པ་སྡིགས་མཛུབ་ལྡན། །གཉིས་པར་གཏུན་ཤིང་ལེགས་པར་འཛིན། །རྡོ་རྗེ་དྲིལ་བུ་ཐ་མས་བསྣམས། །སྟེང་ཞལ་ནག་པོར་བ་འཇིགས་པ། །ཞབས་གཉིས་རྡོ་རྗེ་སྐྱིལ་ཀྲུང་སྟེ། །བརྐྱང་བསྐུམ་གར
175b3 གྱིས་ཞབས་བཞིར་གནས། །སྟག་ལྤགས་ཀྱིས་ནི་རྣམ་དཀྲིས་ཤིང་། །སེང་གེ་སེར་ལ་རལ་པ་ནི། །གྱེན་འགྲེང་བསྡུས་ཏེ་སྤྱི་བོར་ཡང་། །ཐོད་པའི་ཕྲེང་བས་རྣམ་པར་བཅིངས། །འདི་ནི་ཁྲོ་བོ་འཆོལ་པ་སྟེ། །ལག་ཆ་སྣ་ཚོགས་དག་དང་ལྡན། །ཤར་རྩིབས་ལ་སོགས་རྣམ
175b4 བཞི་ལ། །གཏི་མུག་སོགས་ཏེ་བཞི་པོ་ཡང་། །དཀར་དང་སེར་དང་དམར་བ་ཡང་། །དེ་བཞིན་བཞི་པ་ལྗང་གུ་སྟེ། །གཡས་ཀྱིས་འཁོར་ལོར་རིན་ཆེན་འབར། །པདྨ་སྣ་ཚོགས་རྡོ་རྗེ་སྟེ། །གཡོན་གྱིས་དྲིལ་བུ་ལེགས་པར་འཛིན། །མཚམས་སུ་ལ~ཾ་སོགས་ལས་སྐྱེས་པ། །ལྷ
175b5 མོ་བཞི་པོ་ངེས་པར་བསམ། །བདག་པོ་འདྲ་སྟེ་སྒེག་ཉམས་འཛིན། །གྲཝ་ཡི་ལྷ་མོ་མཚན་ལ་ནི། །སྒེག་མོ་ཁུ་ཚུར་དཀུར་ལྡན་ནོ། །རིན་ཆེན་ཕྲེང་བ་ཕྱག་གཉིས་བསྣམས། །པི་ཝང་སྒྲོགས་པའི་གསུང་དབྱངས་ཅན། །གར་གྱིས་རྒྱས་པར་འགྲོ་བ་ཡི། །དོན་ལ་རྟག་ཏུ་བརྩོན
175b6 འགྲུས་ལྡན། །བདུག་སྤོས་སོགས་དང་བཞི་པོ་ཡང་། །རང་གི་མཚན་མ་ངེས་པར་འཛིན། །ཕྱག་རྒྱའི་སྔགས་རྣམས་བརྗོད་པས་སོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་གཏི་མུག་རྡོ་རྗེའི་སྔགས་འདི་གསུངས་སོ། །ོཾ་ཛི་ན་ཛིཀ་།དེ
175b7 ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་སེར་སྣ་རྡོ་རྗེའི་སྔགས་འདི་གསུངས་སོ། །ོཾ་རཏྞ་དྷྲྀཀ་།དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས་འདོད་ཆགས་རྡོ་རྗེའི་སྔགས་འདི་གསུངས་སོ། །ོཾ་ཨཱ་རོ་ལིཀ་།དེ་ནས་ཡང
iiif viewer powered by OpenSeadragon
