| e-texts navigator |
| Wylie |
174b1 བཞག་ན་དགྲ་ཐམས་ཅད་དང་འགྱེད་པའི་ལན་ཐེབས་པར་འགྱུར་རོ། །ཕྱེ་མ་དེ་ཉིད་རང་གི་སྙིང་གར་བསྐུས་ནས་དགྲ་ལ་བསྟན་ན་སྙིང་ན་བར་འགྱུར་རོ། །སཱ་ལུའི་ཕྱེ་མ་ལ་གཟུགས་བྱས་ནས་ཕྱེ་མ་དེ་བསྐུས་ན་མཛེས་ཐེབས་པར་འགྱུར་རོ། །དུར་ཁྲོད་ཀྱི་ཐལ་བ་དང་བཅས་པས་དགྲ
174b2 བོའི་ཚོགས་ལ་གཏོར་ན་གང་གིས་མནན་པ་དང་མཐོང་བ་དེ་དག་ནད་ཀྱིས་ཐེབས་པར་འགྱུར་རོ། །ཕྱེ་མ་དེ་ལ་ལན་སྟོང་བཟླས་ནས་གང་གི་མགོ་བོར་བླུགས་པ་དེ་དབང་དུ་འགྱུར་རོ། །ཕྱེ་མ་དེ་ཐོད་པ་དང་ལྷན་ཅིག་སྒོ་ལོགས་སུ་བཞག་ན་དགྲ་བོ་དང་དབྱེ་བར་འགྱུར་རོ། །ཕྱེ་མ་དེ་བུད
174b3 མེད་ཀྱི་ལག་པ་ལ་བསྐུས་ན་བུད་མེད་དེ་འཆི་བར་འགྱུར་རོ། །ཕྱེ་མ་དེ་གང་གི་སྒོར་སྦས་ན་སྐྲོད་པར་འགྱུར་རོ། །ཕྱེ་མ་དེ་ཤ་ཆེན་པོ་དང་བསྲེས་ནས་གང་གི་བཏུང་བར་སྦྱིན་ན་ཉི་མ་བདུན་གྱིས་འཆིའོ། །ཕྱེ་མ་དེ་དགྲ་ལ་བྱིན་ལ་དགྲ་བོ་བཀྲེས་པ་དང་། །གཞང་འབྲུམ་དང་། ཚད
174b4 པས་ཐེབས་ནས་ཕྱི་ནས་ནི་རང་ཉིད་དགའ་བར་འགྱུར་རོ། །ཙྪུ་ཙྪུན་དྷ་རའི་རུས་པ་བླངས་ནས་གང་གི་ཁྱིམ་དུ་སྦས་ན་འཆིའོ། །ཙྪུ་ཙྪུན་དྷ་རའི་ཤ་དང་ཉའི་ཞག་དང་བཅས་པ་ལྷ་ལ་མཆོད་པ་བྱས་ནས་དུར་ཁྲོད་དུ་ཐོད་པའི་སྟེང་དུ་འདུག་ནས་ཐོད་པ་བཟུང་ལ་བཟླས་པ་བྱ། དུར
174b5 ཁྲོད་ཀྱི་སོལ་བ་ལ་ལན་སྟོང་དུ་བླུགས་ཅིང་། སྦྱིན་སྲེག་བྱས་ན་འགྲུབ་པར་འགྱུར་རོ། །ཕྱེ་མ་དེ་ཚ་བ་གསུམ་དང་བསྲེས་པས་ལས་སུ་འགྱུར་བ་ནི། གང་གི་ཁྱིམ་དུ་བཞག་ན། དེ་ལ་མེའི་ཚ་བ་གསུམ་དང་འབྱུང་བར་འགྱུར་རོ། །ཕྱེ་མ་དེ་སྐེ་ཚེ་དང་བསྲེས་པས་ཀྱང་ལས་དེ་ཉིད་དུ་འགྱུར
174b6 རོ། །ཕྱེ་མ་དེ་དང་དུར་ཁྲོད་ཀྱི་སས་གཟུགས་བརྙན་བྱས་ཏེ་སྒོ་རྩར་སྦས་ན། ཕྲལ་དུ་ན་ཚས་གསོད་པར་འགྱུར་རོ། །ཕྱེ་མ་དེ་ལན་ཚྭ་དང་བསྲེས་ནས་གང་ལ་བརྡེག་པ་དེ་དབང་དུ་འགྱུར་རོ། །ཕྱེ་མ་དེ་ཡུངས་ཀར་དང་བསྲེས་ནས་རྒྱལ་པོའི་སྒོ་ལ་གཏོར་ན། རྒྱལ་པོ་དབང
174b7 དུ་འགྱུར་རོ། །ཙྪུ་ཙྪུན་དྷ་རའི་རྟོག་པ་ཞིབ་མོ་རྫོགས་སོ།། །།རྒྱ་གར་གྱི་མཁན་པོ་དཱི་པ~ཾ་ཀ་ར་དང་། བོད་ཀྱི་ལོཙྪ་བ་རྭ་རྡོ་རྗེ་གྲགས་ཀྱིས་བསྒྱུར་བའོ།། །།
iiif viewer powered by OpenSeadragon
