| e-texts navigator |
| Wylie |
174a1 གིང་དུ་བྱིན་གྱིས་བརླབས། །མ་དང་སྲིང་མོ་བུ་མོ་རྣམས། །འཁོར་བཅས་རྣམས་ལ་བཀའ་བསྒོ་བ། །ལྔ་བརྒྱ་དུས་ཀྱི་ཐ་མ་ལ། །ང་ཡི་བསྟན་པ་འབྱུང་བའི་ཚེ། །རྣལ་འབྱོར་རིག་འཛིན་ལྡན་པ་ལ། །བཀའ་བསྒོའི་ལས་རྣམས་ཚུལ་བཞིན་གྱིས། །ཅེས་པས་དམ་བཅས་པ་དང
174a2 མནན་བཞིན་དུ་མནའ་བོར་རོ། །གཏམ་རྒྱུད་ཀྱི་རྟོག་པ་རྫོགས་སོ།། @##། །རྒྱ་གར་སྐད་དུ། ཙྪུ་ཙྪུ་ན་དྷ་ར་ཀལྤ་ན་མཿ། བོད་སྐད་དུ། ཏེའུ་ལོ་པའི་ཆོ་ག་ཞེས་བྱ་བ་གཤིན་རྗེའི་གཤེད་པོ་ལ་ཕྱག་འཚལ་ལོ། །དེ་ནས་ཙྪུ་ཙྪུ་ན་དྷ་རའི་ཆོ་ག་ཞིབ་མོ
174a3 བཤད་པར་བྱ་སྟེ། ཨོཾ་ཏུ་ཏྲ་ཡ་མ་ཧེ་ཤ་ར་ཡོ་ག་པྲཏྟ་མ་ཡ། ཡོ་ག་སིདྡྷི། དཱ་ཧཱ་ནི་མེ་སྭཱ་ཧཱ། ཧཱུ་ཧ། ད་ཧ་ད་ཧ། པ་ཙ་པ་ཙ། ཨུར་དྷི་ཡ་ཧཱུཾ་ཕཊ། རིག་སྔགས་འདིའི་བྱ་བའི་ཆོ་ག་ནི། །ཉིན་མཚན་དུ་མི་ཉལ་བར་དྲི་དང་མེ་ཏོག་དང་། བདུག་སྤོས་ཕུལ་ནས། གཏོར་མ་བཏང་སྟེ་སྟོང་ཕྲག་བརྒྱད་བཟླས་ན
174a4 འགྲུབ་པར་འགྱུར་རོ། །དེ་ནས་ལས་རྣམས་སུ་འགྱུར་བ་ནི། །ཙྪུ་ཙྪུན་དྷ་ར་ཤི་བ་བླངས་ལ། པགས་པ་དང་རུས་པ་དང་། ཤ་དང་སྤུ་རྣམས་ཕྱེ་མར་བཏགས་ཏེ་སྟོང་ཕྲག་གཉིས་བཟླས་ནས་ཕྱེ་མ་དེ་དཔྲལ་བར་བྱུགས་ན་བདག་ཉིད་དགྲས་མི་མཐོང་། ཨོཾ་མ་མ་ཧཱུ་པ་ཏི། ཕྱེ་མ་དེ་ལག་པ་ལ་བསྐུས་ནས་གང
174a5 ལ་རེག་པ་དེ་དབང་དུ་འགྱུར་རོ། །ཕྱེ་མ་དེ་རྐང་པ་ལ་བསྐུས་ནས་དཔག་ཚད་བརྒྱར་སོང་ན་ཡང་ལྡོག་གོ། །ཕྱེ་མ་དེ་ཉིད་ཀྱིས་དགྲའི་སྒོ་ལོགས་ལ་བསྐུས་ནས་ཁྱིམ་གྱི་སྒོར་སྟོང་ཕྲག་བརྒྱར་བཟླས་ན་སྐྲོད་པར་འགྱུར་རོ། །ཕྱེ་མ་དེ་དང་དུར་ཁྲོད་ཀྱི་རས་དགྲ་བོའི་སྒོ་རྩར་བཅད་ཅིང་སྦས་ན་དགྲ་བོའི་རིགས་རྣམས་འཇོམས
174a6 པར་འགྱུར་རོ། །ཡང་ན་དགྲ་བོའི་རིགས་སྐྲོད་པར་འདོད་ན་ཙྪུ་ཙྪུན་དྷ་རའི་པགས་པ་ཕྱེ་མར་བཏགས་ལ། སྟོང་ཕྲག་བརྒྱད་ཡོངས་སུ་བཟླས་ནས་གཅིན་ཤུལ་གྱི་སས་བཀང་ནས་སྐུད་པ་སྔོན་པོས་བཅིངས་ཏེ་ནམ་མཁར་བཏེག་ན་གཅིན་འགགས་པར་འགྱུར་རོ། །བཀྲོལ་ན་ནི་ཐར་རོ། །ཙྪུ་ཙྪུན་དྷ་རའི
174a7 པགས་པ་ཕྱེ་མར་བཏགས་ནས་ལྷ་ཆེན་པོའི་མདུན་དུ་སྟོང་ཕྲག་བརྒྱད་བཟླས་ལ་ཡང་དྲི་དང་མེ་ཏོག་དང་བདུག་སྤོས་དང་གཏོར་མ་བཏང་སྟེ། སླར་ཡང་སྟོང་ཕྲག་བརྒྱད་བཟླས་ན་དེས་འགྲུབ་པར་འགྱུར་རོ། །ཕྱེ་མ་དེ་སྣའི་རྩེ་མོར་བསྐུས་ན་སྐྱེ་འགྲོ་ཐམས་ཅད་ལ་སྡུག་པར་འགྱུར་རོ། །མགོ་བོར
iiif viewer powered by OpenSeadragon
