| e-texts navigator |
| Wylie |
166b1 པས་འགྲུབ་པར་འགྱུར། །དེ་བས་ནན་ཏན་བསྐྱེད་དེ་བྱ། །དཔལ་གཤིན་རྗེའི་གཤེད་ནག་པོའི་འཁོར་ལོ་བྲི་བའི་ཆོ་ག་རྒྱས་པའི་རྟོག་པ་སྟེ་དང་པོའོ།། །།དེ་ནས་གཞན་ཡང་བཤད་བྱ་བ། །སྔགས་པས་རྟག་ཏུ་བསྟེན་པ་ནི། །རུ་སྦལ་འོ་མ་ཞེས་བྱ་དང་། །
166b2 དེ་བཞིན་འོད་ཀྱི་ལོ་མ་དང་། །འཇིམ་པ་སྐམ་པོ་ཉིད་དང་ནི། །དེ་བཞིན་མེ་ཡི་ཁུ་བ་དང་། །སྒྲ་བརྙན་གྱི་ནི་རྫས་དག་སྟེ། །འདི་རྣམས་རྟག་ཏུ་སྤྱད་ན་ནི། །རང་བཞིན་གྱིས་ནི་ནད་མེད་ཅིང་། །ཚེ་རིང་དབང་པོ་རྒྱས་པ་དང་། །རྟག་ཏུ་ལང་ཚོ་དར་ལ་བབ། །ལྷ་རྣམས་ཀུན་གྱིས་བྱིན
166b3 གྱིས་རློབ། །འདི་ལ་དཔྱད་པར་མི་བྱ་སྟེ། །མཐུ་དང་ངོ་བོ་ཉིད་ཀྱིས་འགྲུབ། །ཏིང་འཛིན་སྔགས་ཀྱིས་བྱིན་བརླབས་ན། །ལས་ཀྱི་རྣམ་སྨིན་སྦྱོང་བར་བྱེད། །རིག་པ་འཛིན་པའི་ས་ལ་གནས། །དེ་ཕྱིར་ཆོ་ག་བཞིན་དུ་བསྟེན། །ཚེས་གཅིག་སྐྱ་རེངས་ཤར་ཙམ་ན། །སྣོད
166b4 མ་རེག་ལ་རུ་སྦལ་ཞོ། །དྲོད་མ་ཡལ་བར་བཏུང་བའམ། །ཡང་ན་ཉི་མའི་སྦུ་གུས་བཏུང་། །མར་གྱི་ངོ་ཡི་ཚེས་གཅིག་ལ། །འོད་ཀྱི་ལོ་མ་བཙལ་ནས་ནི། །དེ་ཉིད་ནས་ནི་བཟུང་ནས་ཀྱང་། །ཞག་གསུམ་སྐྱ་རེངས་ཤར་བ་ན། །ལོ་མ་དེ་བཅང་བཟའ་བར་བྱ། །ཡང་ན་ཉི་མའི་སྦུ
166b5 གུས་བྱ། །འཇིམ་པ་བཟང་པོ་སྦྱར་ནས་ནི། །ཞག་གསུམ་ཆུ་ཡི་ནང་དུ་སྦང་། །དེ་བླངས་ནས་ནི་ཡང་བསྐམས་ནས། །ཕྱེ་མ་བྱི་ལའི་སྦར་ཚད་རེ། །བ་ཡི་འོ་མ་དང་སྦྱར་ནས། །སྔགས་པས་རྟག་ཏུ་བཏུང་བར་བྱ། །མེ་ཡི་སྡོང་པོ་སར་པ་ནི། །ས་ཡི་མར་གྱིས་དྲིལ་ནས
166b6 ནི། །ཁ་སྦྱར་སྣོད་དང་ལྡན་བྱས་ནས། །མེ་ཆུ་ས་ཡིས་བཙིར་ནས་ནི། །བཏུང་ངམ་ཉི་མའི་སྦུ་གུས་བཏུང་། །ལན་ཚྭ་བྲལ་བའི་སྒྲ་ལས་ནི། །ཞག་གསུམ་བཅིངས་པའི་སྒྲ་བརྙན་རྫས། །ནམ་གྱི་གུང་ལ་སྔགས་པས་བླངས། །ཆ་གསུམ་སྣོད་དུ་ཞག་གསུམ་གཞག་།
166b7 རྩེ་མོའི་ཆ་ནི་བྱུག་པ་སྟེ། །དབུས་མའི་ཆ་ནི་བདུད་རྩི་ཡིན། །རྩ་བའི་ཆ་ནི་དོར་བར་བྱ། །འདི་རྣམས་སོ་སོར་བསྟེན་པ་ན། །ཐ་མར་འབྲས་བུ་གསུམ་གྱི་ཕྱེ། །བྱི་ལའི་སྦར་ཚད་རེ་དང་སྦྱར། །མ་སྦྱར་ན་ཡང་ཉེས་པ་མེད། །ཚོགས་པར་བསྟེན་ན་བཟང་བར་བཤད། །རེ་རེ་བསྟེན
iiif viewer powered by OpenSeadragon
