| e-texts navigator |
| Wylie |
165b1 ཞི་བ་ཆུ་སྟེ་རྒྱས་པ་ས། །དབང་ནི་རླུང་སྟེ་དྲག་པོ་མེ། །དབྱེ་དགུག་བསྐྲད་པ་དབང་དང་མཐུན། །མནན་པ་ལ་ནི་རྒྱས་པ་བཞིན། །དྲང་བའི་སྦྱོར་བ་བྱས་ནས་ནི། །བསྲེ་བའི་སྦྱོར་བ་བརྩམ་པར་བྱ། །གཉིས་མེད་སྔགས་དང་ལྡན་པ་ཡིས། །དབུས་ཀྱི་བཀྲ་ཤིས་ཡི
165b2 གེ་ཡང་། །ཟླ་ལྟར་འོད་ཀྱི་གོང་བུར་བྱ། །སྔགས་ཀྱི་རྒྱལ་པོ་བཅུ་པ་ཡང་། །འོད་ཀྱི་གོང་བུར་དེ་ནང་དུ། །འདོད་པའི་བསྒྲུབ་བྱ་གཞག་པར་བྱ། །དེ་དཀྱིལ་རང་མིང་དང་པོར་གཞག་།ཕྱོགས་ཀྱི་ཁྱིམ་ན་གནས་པ་ཡི། །ཡི་གེ་ཟུང་མ་ཐམས་ཅད་ཀྱང་། །
165b3 དེ་ཚེ་འོད་ཀྱི་གོང་བུར་བྱ། །སྔགས་ཀྱི་རྒྱལ་པོ་བཅུ་པ་ཡང་། །བཅུ་གཉིས་ཁྱིམ་དུ་སྤེལ་ཏེ་བྲི། །བྱིན་རློབ་ཧཱུ~ཾ་ཞེས་བྱ་བ་ཡང་། །ཁང་པ་བཞི་ལ་ཟུར་རེ་མཛེས། །ཡོངས་སུ་དག་པར་དགོད་བྱས་ནས། །མཆོད་དང་གཏོར་མ་བྱས་ནས་ནི། །སྤོ་པ་དག་ནི་བརྩམ
165b4 པར་བྱ། །ལས་ཀྱི་དབྱེ་བ་ཇི་ལྟ་བར། །འཁོར་ལོའི་རས་ནི་བླང་བྱ་སྟེ། །ཞི་བ་དང་ནི་རྒྱས་པ་ལ། །ཤིན་ཏུ་དགེ་བའི་རས་ལ་བྱ། །དབང་དང་དགུག་པ་སྨད་འཚོང་སོགས། །གསད་དང་དབྱེ་དང་བསྐྲད་པ་དང་། །མནན་པ་ལ་ནི་དུར་ཁྲོད་རས། །གི་ཝང་གུར
165b5 གུམ་ཞི་རྒྱས་ལ། །དབང་དང་དགུག་ལ་ཙནྡན་དམར། །མནན་པ་ལ་ནི་ལྡོང་རོས་སོགས། །བསྐྲད་ལ་བྱ་རོག་ཁྲག་གིས་ཏེ། །དབྱེ་ལ་རྟ་དང་མ་ཧེའི་འོ། །གསད་ལ་དུག་ལ་སོགས་པས་བྲི། །དགེ་བའི་རས་ལ་བཟང་པོའི་ཤིང་། །དགེ་མིན་ལ་ནི་རུས་པ་དང་། །
165b6 ལྕགས་ལ་སོགས་པས་བྲི་བར་བྱ། །ཞི་བ་ཤར་བལྟས་དབང་ལ་ནུབ། །རྒྱས་པ་བྱང་སྟེ་དྲག་པོ་ལྷོ། །གཞན་ཡང་ཅི་རིགས་སྦྱར་བར་བྱ། །ཞི་རྒྱས་དབང་དང་དགུག་པ་ལ། །ས་བསྐོར་རིམ་བཞིན་དགོད་བྱས་ཏེ། །གནས་བསྐོར་དག་ནི་རིམ་ལས་བཟློག་།གསད
165b7 བསྐྲད་དབྱེ་དང་མནན་པ་ལ། །ས་བསྐོར་རིམ་ལས་བཟློག་པ་སྟེ། །གནམ་བསྐོར་དག་ནི་རིམ་བཞིན་བྲི། །འདི་ལྟར་ལེགས་པར་མ་བྲིས་ན། །འཁོར་ལོ་རང་ལ་ལྡོག་པར་འགྱུར། །དེ་བས་ནན་ཏན་བསྐྱེད་དེ་བྱ། །རས་ཀྱི་འཁོར་ལོ་ལེགས་ཟིན་ནས། །མཎྜལ་ལ་གནས
iiif viewer powered by OpenSeadragon
