| e-texts navigator |
| Wylie |
164b1 མུ་ཁྱུད་དབུས་མ་དག་ལ་ནི། །དབྱངས་ཡིག་བཅུ་དྲུག་ཉིས་འགྱུར་དགོད། །བཏུ་དང་དགོད་སོགས་བརྩམ་པ་ན། །མཚན་མ་འདི་དག་ཤེས་པར་བྱ། །ཟླ་བ་མིག་དང་ཡོན་ཏན་དང་། །རིག་བྱེད་མདའ་དང་དབང་པོ་དང་། །རྒྱ་མཚོ་བཀྲ་ཤིས་གཟའ་དང་ཕྱོགས། །དྲག
164b2 པོ་ཉི་མ་ཡན་ལག་ས། །ཚེས་ཞེས་བྱ་བར་རབ་ཏུ་གྲགས། །ཕྱི་རོལ་མུ་ཁྱུད་ཐ་མ་ལ། །ཤར་གྱི་ཚངས་ཐིག་ནས་བརྩམས་ཏེ། །རིམ་མིན་གཟའ་ཅན་ཁང་པ་ནས། །ཡི་གེ་བཀྲ་ཤིས་ཙམ་བླངས་ཏེ། །ནང་གི་ངོས་ཀྱི་མུ་ཁྱུད་ཀྱི། །ཚངས་ཐིག་གི་ནི་ངོས་དག
164b3 ལ། །ཕྱོགས་བཞིར་མིག་གི་ཚད་དུ་སྦྱིན། །རིམ་མིན་ཕྱོགས་ཅན་ཁང་པ་ནས། །ཡི་གེ་མིག་གི་ཚད་བླངས་ཏེ། །ཤར་དུ་དེ་ཡི་གཡས་གཡོན་གཞག་།རིམ་མིན་བཀྲ་ཤིས་ཁང་བ་ནས། །དབྱངས་ཡིག་གཉིས་པ་ཅན་བླངས་ཏེ། །མིག་གི་ཚད་དུ་བྱས
164b4 ནས་ནི། །དེ་ཡི་ངོས་ལ་རེ་རེ་གཞག་།ནུབ་ཀྱི་ཚངས་ཐིག་ནས་བགྲངས་པའི། །རྒྱ་མཚོ་ཅན་གྱི་ཁང་པ་ནས། །དབྱངས་ཡིག་བཅུ་གཅིག་དང་ལྡན་པ། །མིག་གི་ཚད་དུ་བླངས་ནས་ནི། །ལྷོ་ཕྱོགས་དེ་ཡི་གཡས་གཡོན་གཞག་།ནུབ་ནས་རིམ་པ་མིན་པ
164b5 ཡི། །ཟླ་བ་ཅན་གྱི་ཁང་པ་ནས། །དབྱངས་ཡིག་བཅུ་གསུམ་དང་ལྡན་པ། །མིག་གི་ཚད་དུ་བླངས་ནས་ནི། །ལྷོ་ངོས་དེ་རྗེས་སྦྱིན་པར་བྱ། །དེ་ཉིད་དབྱངས་ཡིག་གསལ་བ་ནི། །མིག་གི་ཚད་དུ་བླངས་ནས་ནི། །སྔོན་བཞིན་ནུབ་ཀྱི་ངོས་སུ་སྦྱིན། །ནུབ་ནས
164b6 བཀྲ་ཤིས་ཁང་པ་ནས། །དབྱངས་ཡིག་བཅུ་གསུམ་པར་ལྡན་པ། །མིག་གི་ཚད་དུ་བླངས་ནས་ནི། །ནུབ་ཀྱི་ངོས་ལ་དེ་བཞིན་སྦྱིན། །བྱང་ནས་བཀྲ་ཤིས་ཁང་པ་ནས། །དབྱངས་ཡིག་བཅུ་གཅིག་པར་ལྡན་པ། །མིག་གི་ཚད་དུ་བླངས་ནས་ནི། །བྱང་གི
164b7 ངོས་ལ་དེ་བཞིན་སྦྱིན། །རླུང་གི་ས་བོན་ཞེས་བྱ་བ། །མིག་གི་ཚད་བླངས་དེ་རྗེས་སྦྱིན། །མདའ་ཅན་ཁང་པ་ནང་གནས་པ། །འོད་ཀྱི་གོང་བུར་བྱས་པ་དང་། །དེ་ཉིད་ནས་ནི་བགྲངས་པ་ཡི། །གཟའ་ཅན་ཁང་པ་ལ་གནས་པ། །དབྱངས་ཡིག་གསུམ་པར
iiif viewer powered by OpenSeadragon
